ਤਰਨ ਤਾਰਨ, 24 ਮਈ (ਇਕਬਾਲ ਸਿੰਘ ਸੋਢੀ)-ਧੰਨ ਧੰਨ ਪੀਰ ਬਾਬਾ ਦਿਸਵੰਦੀ ਸ਼ਾਹ ਜੀ ਦਾ 23ਵਾਂ ਸਲਾਨਾ ਮੇਲਾ ਬੜੀ ਸ਼ਰਧਾ ਅਤੇ ਉਤਸ਼ਾਹ ਨਾਲ ਗਲੀ ਹੰਸਲੀ ਵਾਲੀ ਨੇੜੇ੍ਹ ਸਿੰਗਮਾ ਸਕੈਨ ਸਰਹਾਲੀ ਰੋਡ ਤਰਨ ਤਾਰਨ ਵਿਖੇ ਬਾਬਾ ਤਰਸੇਮ ਸਿੰਘ ਦੀ ਰਹਿਨੁਮਾਈ ਹੇਠ ਮਨਾਇਆ ਗਿਆ | ਇਸ ਦੌਰਾਨ ਰਾਤ ਨੂੰ ਕਵਾਲੀ ਮਹਿਫਲ ਸਜਾਈ ਗਈ, ਜਿਸ ਵਿਚ ਬਹੁਤ ਹੀ ਮਹਾਨ ਸੰਤ ਫਕੀਰਾਂ ਵਲੋਂ ਹਾਜ਼ਰੀ ਲਗਾਈ ਗਈ | ਸਾਰਾ ਦਿਨ ਆਈ ਹੋਈ ਸੰਗਤ ਲਈ ਲੰਗਰ ਭੰਡਾਰਾ ਲਗਾਇਆ ਗਿਆ | ਇਸ ਮਹਿਫਲ ਵਿਚ ਪਹੁੰਚੇ ਤੀਰ ਮਸਕੀਨ ਸ਼ਾਹ ਜੋਲਾਂ ਵਾਲੇ, ਪੀਰ ਮੁਬਾਰਕ ਸ਼ਾਹ ਚੌਹਾਣਾ ਵਾਲੇ, ਪੀਰ ਗੁਲਾਮ ਸ਼ਾਹ, ਪੀਰੋ ਮੁਰਸ਼ਦ ਬਾਬਾ ਸਤਿਨਾਮ ਸ਼ਾਹ ਮੰਨਣਾਂ ਵਾਲੇ, ਬਾਬਾ ਸ਼ਿੰਦੇ ਸ਼ਾਹ ਪੱਟੀ ਵਾਲੇ, ਇੰਦਰ ਸ਼ਾਹ ਅਤੇ ਹੋਰ ਸੰਤ ਫਕੀਰਾਂ ਵਲੋਂ ਆਈ ਹੋਈ ਸੰਗਤ ਨੂੰ ਆਸ਼ੀਰਵਾਦ ਦਿੱਤਾ ਗਿਆ |
