ਝਬਾਲ, 14 ਜੂਨ (ਸੁਖਦੇਵ ਸਿੰਘ)- ਪਿਛਲੇ ਦਿਨੀਂ ਆਏ ਤੇਜ਼ ਤੂਫਾਨ ਨਾਲ ਜੰਗਲਾਤ ਵਿਭਾਗ ਵਲੋ ਸੜਕਾਂ ਕਿਨਾਰੇ ਲਗਾਏ ਕਈ ਸਾਲ ਪੁਰਾਣੇ ਕੀਮਤ ਰੁੱਖ ਡਿੱਗ ਤੋਂ ਬਾਅਦ ਮਹਿਕਮੇ ਦੀ ਅਣਦੇਖੀ ਕਾਰਨ ਰਾਤੋ ਰਾਤ ਗਾਇਬ ਹੋ ਗਏ । ਤੇਜ਼ ਝੱਖੜ ਕਾਰਨ ਅਟਾਰੀ-ਤਰਨ ਤਾਰਨ ਮਾਰਗ, ਝਬਾਲ ਛੇਹਰਟਾ ਰੋਡ ’ਤੇ ਲਗਾਏ ਹਜ਼ਾਰਾਂ ਰੁਪਏ ਦੇ ਕੀਮਤੀ ਮੁੱਲ ਦੇ ਰੁੱਖ ਤੇਜ਼ ਰਫ਼ਤਾਰ ਨਾਲ ਡਿੱਗੇ ਪਏ ਸਨ, ਪਰ ਮਹਿਕਮੇ ਵਲੋਂ ਕੋਈ ਧਿਆਨ ਦੇਣ ਕਰਕੇ ਲੋਕ ਕੀਮਤੀ ਰੁੱਖ ਟਰੈਕਟਰਾਂ ਦੇ ਪਿੱਛੇ ਪਾ ਕੇ ਅਤੇ ਰੇਹੜਿਆਂ ’ਤੇ ਰੱਖ ਕੇ ਘਰਾਂ ਨੂੰ ਲੈ ਗਏ, ਪਰ ਜੰਗਲਾਤ ਵਿਭਾਗ ਦੇ ਅਧਿਕਾਰੀਆਂ ਨੇ ਉਨ੍ਹਾਂ ਨੂੰ ਰੋਕਣ ਦੀ ਕੋਸ਼ਿਸ਼ ਹੀ ਨਹੀਂ ਕੀਤੀ। ਇਸ ਸੰਬੰਧੀ ਜਦੋਂ ਜੰਗਲਾਤ ਵਿਭਾਗ ਦੇ ਗਾਰਡ ਗੁਰਮੀਤ ਸਿੰਘ ਨਾਲ ਗੱਲ ਕੀਤੀ ਤਾਂ ਉਨ੍ਹਾਂ ਕਿਹਾ ਕਿ ਸੜਕਾਂ ਉਹ ਤਾਂ ਸੜਕਾਂ ਤੇ ਡਿੱਗੇ ਰੁੱਖਾਂ ਨੂੰ ਪਾਸੇ ਕਰਕੇ ਲੋਕਾਂ ਦੇ ਆਵਾਜਾਈ ਲਈ ਰਸਤਾ ਬਣਾਉਣ ਵਿਚ ਲੱਗੇ ਹੋਏ ਹਨ। ਉਨ੍ਹਾਂ ਕਿਹਾ ਕਿ ਵੱਡੀ ਤਦਾਦ ਵਿਚ ਸੜਕਾਂ ਤੇ ਨਹਿਰਾਂ ਦੇ ਕਿਨਾਰਿਆਂ ’ਤੇ ਡਿੱਗੇ ਨੰਬਰੀ ਰੁੱਖ ਘਰਾਂ ਨੂੰ ਲੈ ਕੇ ਜਾਣ ਵਾਲਿਆਂ ਦਾ ਪਤਾ ਲਗਾ ਕੇ ਉਨ੍ਹਾਂ ਖਿਲਾਫ ਕਾਨੂੰਨੀ ਕਾਰਵਾਈ ਕੀਤੀ ਜਾਵੇਗੀ
