ਚੰਡੀਗੜ੍ਹ, 22 ਫਰਵਰੀ (ਅਜੀਤ ਬਿਊਰੋ)-ਇੱਥੇ ਬਾਕਸ ਕਿ੍ਕਟ ਲੀਗ-2026, ਸੈਕਟਰ-44, ਚੰਡੀਗੜ੍ਹ ਵਿਖੇ ਸਫਲਤਾਪੂਰਵਕ ਕਰਵਾਈ ਗਈ | ਇਸ ਵਿਚ ਉਤਸ਼ਾਹੀ ਭਾਗੀਦਾਰੀ, ਸ਼ਾਨਦਾਰ ਖੇਡ ਭਾਵਨਾ ਅਤੇ ਸਾਰੀਆਂ ਟੀਮਾਂ ਵਿਚ ਖੇਡ ਭਾਵਨਾ ਦੇਖਣ ਨੂੰ ਮਿਲੀ | ਰੋਮਾਂਚਕ ਅਤੇ ਨਜ਼ਦੀਕੀ ਮੁਕਾਬਲੇ ਵਾਲੇ ਮੈਚਾਂ ਤੋਂ ਬਾਅਦ, ਸੀ.ਏ.ਐੱਸ.ਏ ਅਤੇ ਸੀ.ਆਰ.ਸੀ. ਦੀ ਸਾਹਿਬ ਸੈਣੀ ਟੀਮ ਟੂਰਨਾਮੈਂਟ ਦੇ ਜੇਤੂ ਬਣ ਕੇ ਉੱਭਰੀ | ਉਨ੍ਹਾਂ ਦੇ ਸ਼ਾਨਦਾਰ ਟੀਮ ਵਰਕ, ਸਮਰਪਣ ਅਤੇ ਪ੍ਰਦਰਸ਼ਨ ਨੇ ਉਨ੍ਹਾਂ ਨੂੰ ਚੈਂਪੀਅਨਸ਼ਿਪ ਦਾ ਖ਼ਿਤਾਬ ਦਿਵਾਇਆ | ਇਹ ਟੂਰਨਾਮੈਂਟ ਪੀ.ਐੱਨ.ਬੀ. ਅਫ਼ਸਰਾਂ ਵਲੋਂ ਕਰਵਾਇਆ ਗਿਆ, ਜਿਸ ਦਾ ਉਦੇਸ਼ ਖੇਡਾਂ ਰਾਹੀਂ ਤੰਦਰੁਸਤੀ, ਟੀਮ ਵਰਕ ਤੇ ਦੋਸਤੀ ਨੂੰ ਉਤਸ਼ਾਹਿਤ ਕਰਨਾ ਸੀ | ਪ੍ਰਬੰਧਕਾਂ ਨੇ ਇਸ ਨੂੰ ਸਫਲ ਬਣਾਉਣ ਲਈ ਸਾਰੀਆਂ ਟੀਮਾਂ, ਸਮਰਥਕਾਂ ਅਤੇ ਯੋਗਦਾਨ ਪਾਉਣ ਵਾਲਿਆਂ ਦਾ ਧੰਨਵਾਦ ਕੀਤਾ |
