ਚੰਡੀਗੜ੍ਹ, 10 ਮਾਰਚ (ਅਜਾਇਬ ਸਿੰਘ ਔਜਲਾ)- ਸ੍ਰੀ ਗੁਰੂ ਗੋਬਿੰਦ ਸਿੰਘ ਕਾਲਜ, ਚੰਡੀਗੜ੍ਹ ਨੇ ਪੰਜਾਬ ਯੂਨੀਵਰਸਿਟੀ ਚੰਡੀਗੜ੍ਹ ਵਿਖੇ ਕਰਵਾਈ ਪੰਜਾਬ ਯੂਨੀਵਰਸਿਟੀ ਇੰਟਰ-ਕਾਲਜ ਖੋ ਖੋ ਚੈਂਪੀਅਨਸ਼ਿਪ 'ਚ ਪਹਿਲਾ ਸਥਾਨ ਪ੍ਰਾਪਤ ਕਰਨ ਲਈ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ | ਇਕ ਰੋਮਾਂਚਕ ਮੁਕਾਬਲੇ 'ਚ ਐਸ.ਜੀ.ਜੀ.ਐਸ ਕਾਲਜ ਨੇ ਐਸ.ਸੀ.ਡੀ ਸਰਕਾਰੀ ਕਾਲਜ, ਲੁਧਿਆਣਾ ਨੂੰ ਇਕ ਪਾਰੀ ਅਤੇ 13-12 ਨਾਲ ਹਰਾਇਆ | ਟੀਮ ਨੇ ਐਸ.ਡੀ ਕਾਲਜ, ਚੰਡੀਗੜ੍ਹ 'ਤੇ 18-5 ਦੇ ਸਕੋਰ ਨਾਲ ਇੱਕ ਸ਼ਾਨਦਾਰ ਜਿੱਤ ਵੀ ਦਰਜ ਕੀਤੀ | ਚੈਂਪੀਅਨਸ਼ਿਪ 'ਚ ਪੰਜਾਬ ਯੂਨੀਵਰਸਿਟੀ ਨਾਲ ਸਬੰਧਿਤ ਕਈ ਕਾਲਜਾਂ 'ਚ ਤਿੱਖਾ ਮੁਕਾਬਲਾ ਦੇਖਣ ਨੂੰ ਮਿਲਿਆ, ਪਰ ਐਸ.ਜੀ.ਜੀ.ਐਸ ਕਾਲਜ ਦੇ ਖਿਡਾਰੀਆਂ ਨੇ ਚੈਂਪੀਅਨ ਬਣਨ ਲਈ ਪੂਰੇ ਟੂਰਨਾਮੈਂਟ ਦੌਰਾਨ ਇਕਸਾਰ ਫਾਰਮ ਬਣਾਈ ਰੱਖਿਆ | ਇਨ੍ਹਾਂ ਮੁਕਾਬਲਿਆ 'ਚ ਐਸ.ਜੀ.ਜੀ.ਐਸ ਕਾਲਜ, ਚੰਡੀਗੜ੍ਹ ਨੂੰ ਪਹਿਲਾ ਸਥਾਨ, ਜਦਕਿ ਐਸ.ਸੀ.ਡੀ ਸਰਕਾਰੀ ਕਾਲਜ, ਲੁਧਿਆਣਾ ਨੂੰ ਦੂਜਾ ਸਥਾਨ ਅਤੇ ਐਸ.ਡੀ ਕਾਲਜ ਚੰਡੀਗੜ੍ਹ ਨੇ ਤੀਜਾ ਸਥਾਨ ਹਾਸਲ ਕੀਤਾ |
