ਪੰਚਕੂਲਾ, 3 ਅਪ੍ਰੈਲ (ਕਪਿਲ)-ਨਗਰ ਨਿਗਮ ਪੰਚਕੂਲਾ ਦੇ ਕਰੀਬ 160 ਕਰੋੜ ਰੁ. ਗਬਨ ਕਰਨ ਦੇ ਮਾਮਲੇ 'ਚ ਐਂਟੀ ਕੁਰੱਪਸ਼ਨ ਬਿਊਰੋ ਵਲੋਂ ਨਗਰ ਨਿਗਮ ਪੰਚਕੂਲਾ ਦੇ ਤਤਕਾਲੀਨ ਅਕਾਊਾਟ ਅਫ਼ਸਰ ਵਿਕਾਸ ਕੌਸ਼ਿਕ ਨੂੰ ਗਿ੍ਫ਼ਤਾਰ ਕੀਤਾ ਗਿਆ ਹੈ | ਗਿ੍ਫ਼ਤਾਰ ਉਪਰੰਤ ਬਿਊਰੋ ਵਲੋਂ ਵਿਕਾਸ ਕੌਸ਼ਿਕ ਨੂੰ ਜ਼ਿਲ੍ਹਾ ਅਦਾਲਤ 'ਚ ਪੇਸ਼ ਕੀਤਾ ਗਿਆ, ਜਿਥੋਂ ਉਸ ਨੂੰ 5 ਦਿਨਾਂ ਦੇ ਪੁਲਿਸ ਰਿਮਾਂਡ 'ਤੇ ਭੇਜ ਦਿੱਤਾ ਗਿਆ | ਦੱਸਿਆ ਜਾ ਰਿਹਾ ਹੈ ਕਿ ਗਬਨ ਮਾਮਲੇ 'ਚ ਇਸ ਮੁਲਜ਼ਮ ਦੀ ਭੂਮਿਕਾ ਕਾਫ਼ੀ ਅਹਿਮ ਹੈ ਕਿਉਂਕਿ ਨਗਰ ਨਿਗਮ ਦੇ ਜਾਅਲੀ ਖਾਤੇ ਖੋਲ੍ਹਣ ਲਈ ਅਧਿਕਾਰੀਆਂ ਦੇ ਜਾਅਲੀ ਦਸਤਖ਼ਤ ਤੇ ਮੋਹਰਾਂ ਦਾ ਇਸਤੇਮਾਲ ਕੀਤਾ ਗਿਆ ਸੀ | ਮੌਜੂਦਾ ਸਮੇਂ 'ਚ ਮੁਲਜ਼ਮ ਵਿਕਾਸ ਕੌਸ਼ਿਕ ਨਗਰ ਕੌਂਸਲ ਕਾਲਕਾ 'ਚ ਏ. ਈ. ਓ. ਦੇ ਅਹੁਦੇ 'ਤੇ ਤਾਇਨਾਤ ਸੀ | ਮੁਲਜ਼ਮ ਵਿਕਾਸ ਕੌਸ਼ਿਕ 'ਤੇ ਦੋਸ਼ ਹੈ ਕਿ ਉਸ ਨੇ ਕੋਟਕ ਮਹਿੰਦਰਾ ਬੈਂਕ ਦੀ ਸੈਕਟਰ-11 ਬ੍ਰਾਂਚ ਦੇ ਮੈਨੇਜਰ ਪੁਸ਼ਪਿੰਦਰ ਨਾਲ ਮਿਲੀਭੁਗਤ ਕਰਕੇ ਸਾਲ 2020 'ਚ ਨਗਰ ਨਿਗਮ ਪੰਚਕੂਲਾ ਦੇ ਨਾਂਅ 'ਤੇ ਇਕ ਜਾਅਲੀ ਬੈਂਕ ਖਾਤਾ ਖੋਲਿ੍ਹਆ ਸੀ | ਇਸ ਬੈਂਕ ਖਾਤੇ ਦੇ ਅਕਾਊਾਟ ਓਪਨਿੰਗ ਫਾਰਮ 'ਤੇ ਮੁਲਜ਼ਮ ਵਿਕਾਸ ਕੌਸ਼ਿਕ ਨੇ ਨਗਰ ਨਿਗਮ ਪੰਚਕੂਲਾ ਦੇ ਕਮਿਸ਼ਨਰ ਅਤੇ ਸੀਨੀਅਰ ਅਕਾਊਾਟ ਅਫ਼ਸਰ ਦੀ ਜਾਅਲੀ ਮੋਹਰ ਲਗਾਈ ਸੀ | ਇਸ ਤੋਂ ਇਲਾਵਾ ਤਤਕਾਲੀਨ ਕਮਿਸ਼ਨਰ ਸੁਵਿਧਾ ਕਟਾਰੀਆ (ਆਈ. ਏ. ਐਸ.) ਅਤੇ ਤਤਕਾਲੀਨ ਸੀਨੀਅਰ ਅਕਾਊਾਟ ਅਫ਼ਸਰ ਸੁਸ਼ੀਲ ਕੁਮਾਰ ਦੇ ਜਾਅਲੀ ਦਸਤਖ਼ਤ ਵੀ ਵਿਕਾਸ ਕੌਸ਼ਿਕ ਅਤੇ ਪੁਸ਼ਪਿੰਦਰ ਵਲੋਂ ਕੀਤੇ ਗਏ ਸਨ | ਇਸ ਤੋਂ ਬਾਅਦ ਮੁਲਜ਼ਮ ਵਿਕਾਸ ਕੌਸ਼ਿਕ ਅਤੇ ਪੁਸ਼ਪਿੰਦਰ ਨੇ ਮਿਲ ਕੇ ਜੂਨ 2022 'ਚ ਦੁਬਾਰਾ ਨਗਰ ਨਿਗਮ ਪੰਚਕੂਲਾ ਦੇ ਨਾਂਅ 'ਤੇ ਕੋਟਕ ਮਹਿੰਦਰਾ ਬੈਂਕ ਪੰਚਕੂਲਾ 'ਚ ਇਕ ਹੋਰ ਜਾਅਲੀ ਖਾਤਾ ਖੋਲਿ੍ਹਆ ਸੀ ਅਤੇ ਇਸ ਖਾਤੇ ਦੇ ਅਕਾਊਾਟ ਓਪਨਿੰਗ ਫਾਰਮ 'ਚ ਮੁਲਜ਼ਮ ਕੌਸ਼ਿਕ ਨੇ ਸੀਨੀਅਰ ਅਕਾਊਾਟ ਅਫ਼ਸਰ ਵਜੋਂ ਆਪਣੇ ਦਸਤਖ਼ਤ ਕੀਤੇ ਸਨ ਅਤੇ ਦੂਜੇ ਸਿਗਨੇਟਰੀ ਵਜੋਂ ਡੀ. ਐਮ. ਸੀ. ਨਗਰ ਨਿਗਮ ਦੀ ਜਾਅਲੀ ਮੋਹਰ ਲਗਾਈ ਸੀ | ਇਸ ਮੋਹਰ 'ਤੇ ਤਤਕਾਲੀਨ ਡੀ. ਐਮ. ਸੀ. ਦੀਪਕ ਸੂਰ ਦੇ ਜਾਅਲੀ ਦਸਤਖ਼ਤ ਵੀ ਵਿਕਾਸ ਕੌਸ਼ਿਕ ਤੇ ਪੁਸ਼ਪਿੰਦਰ ਮੈਨੇਜਰ ਵਲੋਂ ਕੀਤੇ ਗਏ ਸਨ |
