ਚੰਡੀਗੜ੍ਹ / ਸਾਹਿਬਜ਼ਾਦਾ ਅਜੀਤ ਸਿੰਘ ਨਗਰ

ਚੰਡੀਗੜ੍ਹ ਦੀਆਂ ਵਿਦਿਆਰਥਣਾਂ ਨੇ 'ਇੰਡੀਆ ਸਕਿੱਲਜ਼' ਮੁਕਾਬਲੇ 'ਚ ਤਗਮੇ ਜਿੱਤੇ <br/>

ਇੰਡੀਆ ਸਕਿੱਲਜ਼ ਕੰਪੀਟੀਸ਼ਨ ਨੌਰਥ ਰੀਜਨ 'ਚ ਬਿਊਟੀ ਥਰੈਪੀ ਅਤੇ ਹੇਅਰਡਰੈਸਿੰਗ ਸ਼੍ਰੇਣੀ 'ਚ ਤਗਮੇ ਜਿੱਤਣ ਵਾਲੇ ਚੰਡੀਗੜ੍ਹ ਦੇ ਵਿਦਿਆਰਥੀ, ਸੁੰਦਰਤਾ ਮਾਹਿਰ ਰਿਚਾ ਅਗਰਵਾਲ ਅਤੇ ਹਰਵੀਨ ਕਥੂਰੀਆ ਨਾਲ | ਅਜੀਤ ਤਸਵੀਰ <br/> 27-04-2026

ਚੰਡੀਗੜ੍ਹ, 26 ਅਪ੍ਰੈਲ (ਅਜਾਇਬ ਸਿੰਘ ਔਜਲਾ)- ਚੰਡੀਗੜ੍ਹ ਦੇ ਚਾਰ ਵਿਦਿਆਰਥਣਾਂ ਨੇ ਇੰਡੀਆ ਸਕਿੱਲਜ਼ ਮੁਕਾਬਲੇ ਦੌਰਾਨ- ਉੱਤਰੀ ਖੇਤਰ ਵਿੱਚ ਬਿਊਟੀ ਥਰੈਪੀ ਅਤੇ ਹੇਅਰਡਰੈਸਿੰਗ ਸ਼੍ਰੇਣੀਆਂ ਵਿਚ ਤਗਮੇ ਜਿੱਤ ਕੇ ਸ਼ਹਿਰ ਦਾ ਨਾਮ ਰੌਸ਼ਨ ਕੀਤਾ | ਇਹ ਗੱਲ ਉੱਘੀ ਸੁੰਦਰਤਾ ਮਾਹਰ ਰਿਚਾ ਅਗਰਵਾਲ ਵਲੋਂ ਸਾਂਝੀ ਕੀਤੀ ਗਈ | ਉਨ੍ਹਾਂ ਇਸ ਪ੍ਰਾਪਤੀ ਦਾ ਜਸ਼ਨ ਮਨਾਉਣ ਲਈ ਚੰਡੀਗੜ੍ਹ 'ਚ ਇਕ ਵਿਸ਼ੇਸ਼ ਸਨਮਾਨ ਸਮਾਰੋਹ ਕਰਵਾਇਆ | ਇਸ ਮੌਕੇ ਪ੍ਰਸਿੱਧ ਸੁੰਦਰਤਾ ਮਾਹਰ ਹਰਵੀਨ ਕਥੂਰੀਆ ਵੀ ਮੌਜੂਦ ਸਨ ਅਤੇ ਸਾਰੇ ਜੇਤੂਆਂ ਨੂੰ ਵਧਾਈ ਦਿੰਦਿਆਂ ਉਨ੍ਹਾਂ ਦੀ ਪ੍ਰਸੰਸਾ ਕੀਤੀ | ਜੇਤੂਆਂ 'ਚ ਸੁਮਨ (ਕਾਂਸੀ) ਅਤੇ ਅੰਸ਼ੂ (ਮੈਡਲੀਅਨ ਆਫ ਐਕਸੀਲੈਂਸ) ਬਿਊਟੀ ਥਰੈਪੀ 'ਚ ਅਤੇ ਨਿਸ਼ਾ (ਸਿਲਵਰ) ਅਤੇ ਸ਼ਿਵਾਨੀ (ਮੈਡਲੀਅਨ ਆਫ ਐਕਸੀਲੈਂਸ) ਹੇਅਰਡਰੈਸਿੰਗ 'ਚ ਸ਼ਾਮਿਲ ਹਨ | ਉਨ੍ਹਾਂ 'ਚੋਂ ਹਰੇਕ ਨੇ ਆਪਣੇ ਹੁਨਰ ਅਤੇ ਰਚਨਾਤਮਕਤਾ ਨਾਲ ਰਾਸ਼ਟਰੀ ਪੱਧਰ 'ਤੇ ਛਾਪ ਛੱਡੀ ਹੈ | ਜੇਤੂਆਂ ਨੇ ਲਾਈਵ ਡੈਮੋ ਰਾਹੀਂ ਆਪਣੀ ਪ੍ਰਤਿਭਾ ਦਾ ਪ੍ਰਦਰਸ਼ਨ ਕੀਤਾ, ਨਵੇਂ ਵਾਲਾਂ ਅਤੇ ਸੁੰਦਰਤਾ ਰੁਝਾਨਾਂ ਦਾ ਪ੍ਰਦਰਸ਼ਨ ਕੀਤਾ | ਰਿਚਾ ਅਗਰਵਾਲ ਨੇ ਕਿਹਾ ਕਿ ਸਹੀ ਸਿਖਲਾਈ ਅਤੇ ਸਖ਼ਤ ਮਿਹਨਤ ਨਾਲ, ਨੌਜਵਾਨ ਵੱਡੀ ਸਫਲਤਾ ਪ੍ਰਾਪਤ ਕਰ ਸਕਦੇ ਹਨ |

ਪਿਛਲੀ ਖ਼ਬਰ 'ਕ੍ਰਾਊਨ ਐਂਡ ਕਨਵਰਸੇਸ਼ਨਜ਼' ਵਰਕਸ਼ਾਪ 'ਚ ਮਾਡਲ ਸੁੰਦਰੀ ਅਦਿਤੀ ਗੋਵਿਤਿ੍ਕਰ ਨੇ ਦਿੱਤੇ ਪੇਜੈਂਟ ਜਿੱਤਣ ਦੇ ਟਿੱਪਸ <br... ਅਗਲੀ ਖ਼ਬਰ ਵੈਟਰਨਰੀ ਇੰਸਪੈਕਟਰਜ਼ ਐਸੋਸੀਏਸ਼ਨ ਵਲੋਂ ਮੁਹਾਲੀ 'ਚ ਸੂਬਾ ਪੱਧਰੀ ਰੋਸ ਰੈਲੀ

ਚੰਡੀਗੜ੍ਹ ਦੀਆਂ ਵਿਦਿਆਰਥਣਾਂ ਨੇ 'ਇੰਡੀਆ ਸਕਿੱਲਜ਼' ਮੁਕਾਬਲੇ 'ਚ ਤਗਮੇ ਜਿੱਤੇ <br/>

ਸੰਬੰਧਿਤ ਖ਼ਬਰਾਂ