ਨਿਗਮ ਕਰਮਚਾਰੀ ਹੱਤਿਆ ਮਾਮਲੇ 'ਚ ਵੱਡਾ ਖ਼ੁਲਾਸਾ, 3 ਮੁਲਜ਼ਮ ਗਿ੍ਫ਼ਤਾਰ <br/>

ਅ

ਅਜੀਤ ਡੈਸਕ 05-05-2026

ਚੰਡੀਗੜ੍ਹ, 4 ਮਈ (ਕਪਿਲ ਵਧਵਾ)- ਮਨੀਮਾਜਰਾ ਖੇਤਰ ਵਿਚ ਨਿਗਮ ਕਰਮਚਾਰੀ ਦੇ ਅੰਨ੍ਹੇ ਕਤਲ ਮਾਮਲੇ ਨੂੰ ਚੰਡੀਗੜ੍ਹ ਪੁਲਿਸ ਨੇ ਦੋ ਦਿਨਾਂ ਵਿਚ ਤਿੰਨ ਮੁਲਜ਼ਮਾਂ ਨੂੰ ਗਿ੍ਫ਼ਤਾਰ ਕਰ ਲਿਆ ਹੈ | ਜਾਣਕਾਰੀ ਅਨੁਸਾਰ 2 ਮਈ ਨੂੰ ਸਵੇਰੇ ਕਰੀਬ 9:48 ਵਜੇ ਕਲਾਗ੍ਰਾਮ ਲਾਈਟ ਪਾਇੰਟ ਨੇੜੇ ਪੈਟਰੋਲ ਪੰਪ ਕੋਲ ਇਕ ਖੂਨ ਨਾਲ ਲਥਪਥ ਲਾਸ਼ ਮਿਲਣ ਦੀ ਸੂਚਨਾ ਮਿਲੀ ਸੀ | ਮਿ੍ਤਕ ਦੀ ਪਛਾਣ ਪੀ.ਡਬਲਿਯੂ.ਡੀ. ਸਟੋਰ, ਮਨੀਮਾਜਰਾ ਵਿਚ ਤਾਇਨਾਤ ਚੌਂਕੀਦਾਰ ਕਿ੍ਸ਼ਨ ਪਾਂਡੇ ਵਜੋਂ ਹੋਈ | ਇਸ ਸਬੰਧੀ ਥਾਣਾ ਮਨੀਮਾਜਰਾ ਵਿਚ ਅਣਪਛਾਤੇ ਵਿਅਕਤੀਆਂ ਖ਼ਿਲਾਫ਼ ਮਾਮਲਾ ਦਰਜ ਕੀਤਾ ਗਿਆ ਸੀ | ਘਟਨਾ ਤੋਂ ਬਾਅਦ ਸੀਨੀਅਰ ਅਧਿਕਾਰੀਆਂ ਦੀ ਨਿਗਰਾਨੀ ਹੇਠ ਥਾਣਾ ਮਨੀਮਾਜਰਾ ਦੇ ਐਸ. ਐੱਚ. ਓ. ਮਨਿੰਦਰ ਸਿੰਘ ਦੀ ਅਗਵਾਈ ਸਮੇਤ ਵੱਖ-ਵੱਖ ਟੀਮਾਂ ਬਣਾਈਆਂ ਗਈਆਂ | ਪੁਲਿਸ ਨੇ ਸੀ.ਸੀ.ਟੀ.ਵੀ. ਫੁਟੇਜ, ਸੀ.ਡੀ.ਆਰ. ਤੇ ਸੂਤਰਾਂ ਦੀ ਮਦਦ ਨਾਲ ਮਾਮਲੇ ਦੀ ਜਾਂਚ ਕੀਤੀ | ਇਸ ਦੇ ਨਾਲ ਹੀ ਜੰਗਲ ਇਲਾਕੇ ਦੇ ਆਲੇ ਦੁਆਲੇ ਰਹਿੰਦੇ ਲੋਕਾਂ ਨਾਲ ਵੀ ਪੁੱਛਗਿੱਛ ਕੀਤੀ ਗਈ | ਜਾਂਚ ਦੌਰਾਨ ਖ਼ੁਲਾਸਾ ਹੋਇਆ ਕਿ ਮਿ੍ਤਕ ਦੇ ਨੇੜੇ ਰਹਿੰਦੇ ਝੁੱਗੀ ਵਾਸੀਆਂ ਵਿਚੋਂ ਕੁਝ ਮਜ਼ਦੂਰਾਂ ਦਾ ਮੋਬਾਈਲ ਕੁਝ ਦਿਨ ਪਹਿਲਾਂ ਗੁੰਮ ਹੋ ਗਿਆ ਸੀ | ਉਨ੍ਹਾਂ ਨੂੰ ਸ਼ੱਕ ਸੀ ਕਿ ਚੌਂਕੀਦਾਰ ਕਿ੍ਸ਼ਨ ਨੇ ਮੋਬਾਈਲ ਚੋਰੀ ਕੀਤਾ ਹੈ | ਪੁਲਿਸ ਜਾਂਚ ਵਿਚ ਸਾਹਮਣੇ ਆਇਆ ਕਿ 2 ਮਈ ਦੀ ਰਾਤ ਕਰੀਬ 10:30 ਵਜੇ ਸ਼ਰਾਬ ਦੇ ਨਸ਼ੇ ਵਿਚ ਉਨ੍ਹਾਂ ਨੇ ਕਿ੍ਸ਼ਨ ਨਾਲ ਝਗੜਾ ਕੀਤਾ ਤੇ ਉਸਦੀ ਬੇਰਹਿਮੀ ਨਾਲ ਕੁੱਟਮਾਰ ਕਰਦਿਆ ਗੱਲ 'ਚ ਬੈਲਟ ਪਾ ਕੇ ਘੜੀਸਿਆ, ਜਿਸ ਦੌਰਾਨ ਉਸ ਦੀ ਮੌਤ ਹੋ ਗਈ ਇਸ ਤੋਂ ਬਾਅਦ ਉਨ੍ਹਾਂ ਵਲੋਂ ਕਿ੍ਸ਼ਨ ਲਾਸ਼ ਦੀ ਲਾਸ਼ ਨੂੰ ਜੰਗਲ ਵੱਲ ਘਸੀਟ ਕੇ ਸੁੱਟ ਦਿੱਤਾ ਗਿਆ ਤਾਂ ਜੋ ਸਬੂਤ ਛੁਪਾਏ ਜਾ ਸਕਣ |
ਤਿੰਨ ਮੁਲਜ਼ਮ ਗਿ੍ਫ਼ਤਾਰ, ਸਬੂਤ ਬਰਾਮਦ : ਪੁਲਿਸ ਨੇ ਇਸ ਮਾਮਲੇ ਵਿਚ ਮੁੰਨਾ ਰਾਜਕ (47), ਸ਼ਨੀ ਦੇਵ ਕੁਮਾਰ (27) ਤੇ ਧਨਿਕ ਕੁਮਾਰ ਸਾਹ (24) ਵਾਸੀ ਬਿਹਾਰ ਨੂੰ ਗਿ੍ਫ਼ਤਾਰ ਕੀਤਾ ਹੈ | ਮੁਲਜ਼ਮਾਂ ਦੇ ਕਬਜ਼ੇ ਤੋਂ ਮਿ੍ਤਕ ਦਾ ਮੋਬਾਈਲ ਫੋਨ, ਵਾਰਦਾਤ ਵਿਚ ਵਰਤੀ ਲੱਕੜੀ ਦੀ ਲਾਠੀ ਤੇ ਖ਼ੂਨ ਨਾਲ ਲੱਥਪੱਥ ਕੱਪੜੇ ਬਰਾਮਦ ਕੀਤੇ ਗਏ ਹਨ | ਪੁੱਛਗਿੱਛ ਕਰਨ ਤੋਂ ਬਾਅਦ ਅਦਾਲਤ 'ਚ ਪੇਸ਼ ਕਰਨ ਉਪਰੰਤ ਮੁਲਜ਼ਮਾਂ ਨੂੰ 14 ਦਿਨਾਂ ਦੀ ਨਿਆਇਕ ਹਿਰਾਸਤ ਵਿਚ ਭੇਜ ਦਿੱਤਾ ਗਿਆ ਹੈ | ਇਸ ਮਾਮਲੇ ਵਿਚ ਅਗਲੀ ਕਾਰਵਾਈ ਜਾਰੀ ਹੈ |

ਪਿਛਲੀ ਖ਼ਬਰ ਪੰਜਾਬ ਯੂਨੀਵਰਸਿਟੀ ਦੀ ਉਪ ਕੁਲਪਤੀ ਨੇ 'ਸਕਿੱਲ-2-ਮਾਰਕੀਟ ਹੱਬ' ਦੀ ਕੀਤੀ ਸ਼ੁਰੂਆਤ <br/> ਅਗਲੀ ਖ਼ਬਰ ਵਿਸ਼ਵਕਰਮਾ ਵੈੱਲਫੇਅਰ ਸੁਸਾਇਟੀ ਵਲੋਂ ਰਾਜਪਾਲ ਨੂੰ ਜੱਸਾ ਸਿੰਘ ਰਾਮਗੜ੍ਹੀਆ ਦੇ ਜਨਮ ਦਿਹਾੜੇ ਸਮਾਗਮ ਸੰਬੰਧੀ ਵਿਸ਼ੇਸ਼...

ਨਿਗਮ ਕਰਮਚਾਰੀ ਹੱਤਿਆ ਮਾਮਲੇ 'ਚ ਵੱਡਾ ਖ਼ੁਲਾਸਾ, 3 ਮੁਲਜ਼ਮ ਗਿ੍ਫ਼ਤਾਰ <br/>

ਸੰਬੰਧਿਤ ਖ਼ਬਰਾਂ