ਵਿਕਰਮਜੀਤ ਸਿੰਘ ਦੱਪਰ ਦੂਜੀ ਵਾਰ ਬਾਰ ਐਸੋਸੀਏਸ਼ਨ ਦੇ ਪ੍ਰਧਾਨ ਬਣੇ

ਅ

ਅਜੀਤ ਡੈਸਕ 15-09-2026

ਡੇਰਾਬੱਸੀ, 14 ਸਤੰਬਰ (ਗੁਰਮੀਤ ਸਿੰਘ)- ਬਾਰ ਐਸੋਸੀਏਸ਼ਨ ਡੇਰਾਬੱਸੀ ਦੀਆਂ ਅੱਜ ਹੋਈਆਂ ਚੋਣਾਂ ਵਿਚ ਐਡਵੋਕੇਟ ਵਿਕਰਮਜੀਤ ਸਿੰਘ ਦੱਪਰ ਲਗਾਤਾਰ ਦੂਜੀ ਵਾਰ ਪ੍ਰਧਾਨ ਚੁਣੇ ਗਏ। ਉਨ੍ਹਾਂ ਨੇ ਆਪਣੇ ਨੇੜਲੇ ਵਿਰੋਧੀ ਐਡਵੋਕੇਟ ਪ੍ਰਦੀਪ ਰਾਣਾ ਨੂੰ 16 ਵੋਟਾਂ ਦੇ ਫ਼ਰਕ ਨਾਲ ਹਰਾਇਆ। ਦੱਪਰ ਨੂੰ 168 ਅਤੇ ਪ੍ਰਦੀਪ ਰਾਣਾ ਨੂੰ 152 ਵੋਟਾਂ ਪ੍ਰਾਪਤ ਹੋਈਆਂ। ਐਸੋਸੀਏਸ਼ਨ ਦੇ ਕੁੱਲ 340 ਮੈਂਬਰਾਂ ਵਿਚੋਂ 300 ਨੇ ਵੋਟ ਪਾਈ। ਉਪ-ਪ੍ਰਧਾਨ ਦੇ ਅਹੁਦੇ ਲਈ ਐਡਵੋਕੇਟ ਸ਼ਿਵ ਸ਼ਰਮਾ ਨੇ 189 ਵੋਟਾਂ ਹਾਸਲ ਕਰਕੇ ਗੁਰਪ੍ਰੀਤ ਸਿੰਘ ਨੂੰ 69 ਵੋਟਾਂ ਦੇ ਫ਼ਰਕ ਨਾਲ ਹਰਾਇਆ। ਸਕੱਤਰ ਦੇ ਅਹੁਦੇ ਲਈ ਜਗਤਾਰ ਬਾਛਲ ਨੇ 162 ਵੋਟਾਂ ਲੈ ਕੇ ਜਿੱਤ ਦਰਜ ਕੀਤੀ। ਲਵਕੇਸ਼ ਨੂੰ 98 ਅਤੇ ਸੁਰੇਸ਼ ਨੂੰ 63 ਵੋਟਾਂ ਮਿਲੀਆਂ। ਮਹਿਲਾ ਰਾਖਵੇਂ ਸੰਯੁਕਤ ਸਕੱਤਰ ਦੇ ਅਹੁਦੇ ਲਈ ਸੁਮਨ ਨੇ 136 ਵੋਟਾਂ ਹਾਸਿਲ ਕਰਕੇ ਮਹਿਕ ਨੂੰ 16 ਵੋਟਾਂ ਦੇ ਫ਼ਰਕ ਨਾਲ ਹਰਾਇਆ। ਮਹਿਕ ਨੂੰ 120 ਅਤੇ ਅੰਜਨਾ ਨੂੰ 63 ਵੋਟਾਂ ਮਿਲੀਆਂ। ਕੈਸ਼ੀਅਰ ਦੇ ਅਹੁਦੇ ਲਈ ਵਿਪਨ ਨੇ 154 ਵੋਟਾਂ ਲੈ ਕੇ ਹਰਪ੍ਰੀਤ ਨੂੰ 95 ਵੋਟਾਂ ਅਤੇ ਦਿਲਬਾਗ 63 ਵੋਟਾਂ ਨਾਲ ਪਛਾੜਿਆ। ਐਡਵੋਕੇਟ ਗਿਤਿਕਾ ਗੋਇਲ ਮਹਿਲਾ ਰਾਖਵੇਂ ਉਪ-ਪ੍ਰਧਾਨ ਅਤੇ ਅਨੁਭਵ ਸਿੰਗਲਾ ਲਾਇਬ੍ਰੇਰੀਅਨ ਦੇ ਅਹੁਦੇ ਲਈ ਪਹਿਲਾਂ ਹੀ ਨਿਰਵਿਰੋਧ ਚੁਣੇ ਜਾ ਚੁੱਕੇ ਹਨ।