ਟੀਸੀਆਈ ਨੇ ਸੰਸਥਾਪਕ ਸ੍ਰੀ ਪ੍ਰਭੂ ਦਿਆਲ ਅਗਰਵਾਲ ਦੀ ਯਾਦ ਵਿੱਚ ਚਲਾਈ ਦੇਸ਼ ਵਿਆਪੀ ਖੂਨਦਾਨ ਮੁਹਿੰਮ
ਚੰਡੀਗੜ੍ਹ, 28 ਸਤੰਬਰ (ਅ. ਬ.)
ਚੰਡੀਗੜ੍ਹ, 28 ਸਤੰਬਰ (ਅ.ਬ.) : ਭਾਰਤ ਦੀਆਂ ਮੋਹਰੀ ਇੰਟੀਗ੍ਰੇਟਿਡ ਲੌਜਿਸਟਿਕਸ ਅਤੇ ਸਪਲਾਈ ਚੇਨ ਸਲਿਊਸ਼ਨਜ਼ ਪ੍ਰਦਾਤਾ ਕੰਪਨੀਆਂ ਵਿੱਚੋਂ ਇੱਕ, ਟਰਾਂਸਪੋਰਟ ਕਾਰਪੋਰੇਸ਼ਨ ਆਫ਼ ਇੰਡੀਆ (ਟੀਸੀਆਈ) ਨੇ ਆਪਣੇ ਸੰਸਥਾਪਕ ਸ੍ਰੀ ਪ੍ਰਭੂ ਦਿਆਲ ਅਗਰਵਾਲ ਜੀ (ਸ੍ਰੀ ਪੀਡੀ ਜੀ) ਦੀ ਯਾਦ ਵਿੱਚ ਦੇਸ਼ ਵਿਆਪੀ ਖੂਨਦਾਨ ਮੁਹਿੰਮ ਦਾ ਆਯੋਜਨ ਕੀਤਾ। ਇਸ ਪਹਿਲਕਦਮੀ ਰਾਹੀਂ ਸੰਸਥਾ ਨੇ ਸਮਾਜ ਸੇਵਾ ਅਤੇ ਮਨੁੱਖੀ ਕਦਰਾਂ-ਕੀਮਤਾਂ ਪ੍ਰਤੀ ਆਪਣੀ ਵਚਨਬੱਧਤਾ ਨੂੰ ਇੱਕ ਵਾਰ ਫਿਰ ਦੁਹਰਾਇਆ। 14 ਤੋਂ 20 ਸਤੰਬਰ 2026 ਤੱਕ ਚੱਲੀ ਇਸ ਸੱਤ ਦਿਨਾ ਮੁਹਿੰਮ ਵਿੱਚ ਦੇਸ਼ ਭਰ ਦੀਆਂ 68+ ਥਾਵਾਂ ‘ਤੇ 1,734 ਕਰਮਚਾਰੀਆਂ ਅਤੇ ਸਹਿਯੋਗੀਆਂ ਨੇ ਹਿੱਸਾ ਲਿਆ, ਜਿਨ੍ਹਾਂ ਵਿੱਚ 1,641 ਪੁਰਸ਼ ਅਤੇ 93 ਮਹਿਲਾ ਭਾਗੀਦਾਰ ਸ਼ਾਮਿਲ ਸਨ। ਖੂਨਦਾਨ ਕੈਂਪ ਕੋਲਕਾਤਾ, ਗੁਰੂਗ੍ਰਾਮ, ਰਾਜਕੋਟ, ਦਿੱਲੀ, ਚੰਡੀਗੜ੍ਹ, ਪੁਣੇ, ਔਰੰਗਾਬਾਦ, ਕੋਲ੍ਹਾਪੁਰ, ਲੁਧਿਆਣਾ, ਨੋਇਡਾ, ਹੈਦਰਾਬਾਦ, ਕਾਨਪੁਰ, ਲਖਨਊ, ਬੈਂਗਲੁਰੂ, ਜੈਪੁਰ, ਪ੍ਰਯਾਗਰਾਜ, ਪਟਨਾ, ਵਾਰਾਣਸੀ, ਮੁੰਬਈ, ਹਰਿਦੁਆਰ ਅਤੇ ਅਹਿਮਦਾਬਾਦ ਸਮੇਤ ਕਈ ਸ਼ਹਿਰਾਂ ਵਿੱਚ ਲਗਾਏ ਗਏ।
