ਰੂਪਨਗਰ

ਡਾ. ਨਰਿੰਦਰ ਨਿੰਦੀ ਜਟਾਣਾ ਦੀ ਪੁਸਤਕ 'ਪੰਜਾਬੀ ਰੰਗਮੰਚ ਦਾ ਉਦਭਵ ਤੇ ਵਿਕਾਸ 1900 ਈ. ਤੱਕ' ਦੇਵਿੰਦਰ ਸਿੰਘ ਜਟਾਣਾ ਵਲੋਂ ਲੋਕ ਅਰਪਣ <br/>

ਵਿਸ਼ਵ ਪੁਸਤਕ ਦਿਵਸ ਤੇ ਡਾ. ਨਰਿੰਦਰ ਨਿੰਦੀ ਦੀ ਪੁਸਤਕ ਲੋਕ ਅਰਪਣ ਕਰਦੇ ਹੋਏ ਦੇਵਿੰਦਰ ਸਿੰਘ ਜਟਾਣਾ, ਪਿ੍ੰਸੀਪਲ ਸਤਵੰਤ ਕੌਰ ਸ਼ਾਹੀ, ਗੁਰਦਰਸ਼ਨ ਸਿੰਘ ਮਾਵੀ ਅਤੇ ਹੋਰ ਪਤਵੰਤੇ | ਤਸਵੀਰ: ਮਨਜੀਤ ਸਿੰਘ ਸੈਣੀ <br/> 25-04-2026

ਬੇਲਾ, 24 ਅਪ੍ਰੈਲ (ਮਨਜੀਤ ਸਿੰਘ ਸੈਣੀ)-ਅਮਰ ਸ਼ਹੀਦ ਬਾਬਾ ਅਜੀਤ ਸਿੰਘ ਜੁਝਾਰ ਸਿੰਘ ਮੈਮੋਰੀਅਲ ਕਾਲਜ, ਬੇਲਾ ਵਿਖੇ ਪੰਜਾਬ ਆਰਟਸ ਇੰਟਰਨੈਸ਼ਨਲ ਚੰਡੀਗੜ੍ਹ (ਰਜਿ.) ਦੀ ਹਾਜ਼ਰੀ ਵਿਚ ਡਾ. ਨਰਿੰਦਰ ਨਿੰਦੀ ਦੀ ਆਲੋਚਨਾਤਮਕ ਪੁਸਤਕ 'ਪੰਜਾਬੀ ਰੰਗਮੰਚ ਦਾ ਉਦਭਵ ਤੇ ਵਿਕਾਸ 1900 ਈ. ਤੱਕ' ਸਟਾਫ਼ ਅਤੇ ਇਲਾਕੇ ਦੇ ਪਤਵੰਤਿਆਂ ਦੀ ਹਾਜ਼ਰੀ ਵਿਚ ਦੇਵਿੰਦਰ ਸਿੰਘ ਜਟਾਣਾ ਸਾਬਕਾ ਡਾਇਰੈਕਟਰ ਸਟੇਟ ਬੈਂਕ ਆਫ ਪਟਿਆਲਾ ਵਲੋਂ ਲੋਕ ਅਰਪਣ ਕੀਤੀ | ਪੁਸਤਕ ਦੀ ਸੰਪਾਦਨਾ ਸਿਮਰਤਪਾਲ ਕੌਰ ਨੇ ਕੀਤੀ ਹੈ | ਸਮਾਗਮ ਦੇ ਸ਼ੁਰੂ ਵਿਚ ਕਾਲਜ ਪਿ੍ੰਸੀਪਲ ਡਾ. ਸਤਵੰਤ ਕੌਰ ਸ਼ਾਹੀ ਨੇ ਡਾ. ਨਿੰਦੀ ਅਤੇ ਇਲਾਕੇ ਦੇ ਪਤਵੰਤੇ ਲੋਕਾਂ ਨੂੰ 'ਜੀ ਆਇਆਂ' ਕਹਿੰਦਿਆਂ ਕਾਲਜ ਦੀਆਂ ਸੰਖੇਪ ਪ੍ਰਾਪਤੀਆਂ ਅਤੇ ਵਿਸ਼ਵ ਪੁਸਤਕ ਦਿਵਸ ਦੀ ਮਹੱਤਤਾ ਬਾਰੇ ਦੱਸਦਿਆਂ ਡਾ. ਨਰਿੰਦਰ ਨਿੰਦੀ ਨੂੰ ਮੁਬਾਰਕਬਾਦ ਪੇਸ਼ ਕੀਤੀ | ਗੁਰਦਰਸ਼ਨ ਸਿੰਘ ਮਾਵੀ ਪ੍ਰਧਾਨ ਸਾਹਿਤ ਵਿਗਆਨ ਕੇਂਦਰ ਮੁਹਾਲੀ ਨੇ ਮੁੱਖ ਵਕਤਾ ਦੇ ਤੌਰ 'ਤੇ ਕਿਤਾਬ ਵਿਸ਼ੇ ਦੀ ਜਾਣਕਾਰੀ ਭਰਪੂਰ ਪੇਪਰ ਪੜ੍ਹਦਿਆਂ ਪੰਜਾਬ ਵਿਚ ਰੰਗਮੰਚ ਦਾ ਮੁੱਢ, ਮੱਧਕਾਲੀਨ ਪੰਜਾਬ ਵਿਚ ਲੋਕ ਰੰਗ ਮੰਚ ਨੌਟੰਕੀ, ਨਕਲਾਂ, ਸਵਾਂਗ, ਲੋਕ ਨਾਚਾਂ ਬਾਰੇ ਵਿਸਥਾਰਪੂਰਵਕ ਚਰਚਾ ਕੀਤੀ | ਦੇਵਿੰਦਰ ਸਿੰਘ ਜਟਾਣਾ ਨੇ ਪੰਜਾਬੀ ਰੰਗਮੰਚ ਦੀ ਕਿਸਾਨ ਸੰਘਰਸ਼ ਆਜ਼ਾਦੀ ਦੀ ਲੜਾਈ ਅਤੇ ਸਮਾਜਿਕ ਕੁਰੀਤੀਆਂ ਬਾਰੇ ਨਿਭਾਏ ਮਹੱਤਵਪੂਰਨ ਰੋਲ ਦੀ ਚਰਚਾ ਕੀਤੀ | ਉਹਨਾਂ ਰੰਗਮੰਚ ਨੂੰ ਪੰਜਾਬੀ ਸਭਿਆਚਾਰ ਦਾ ਹਿੱਸਾ ਦਰਸਾਉਂਦਿਆਂ ਰਾਮ ਲੀਲਾ, ਅਖਾੜੇ ਤੇ ਭੰਡਾਂ ਵਲੋਂ ਹਾਸ ਰਸ ਰਾਹੀਂ ਨਿਭਾਏ ਰੋਲ ਦੀ ਚਰਚਾ ਕਰਦਿਆਂ ਵਿਦਿਆਰਥੀਆਂ ਤੇ ਅਧਿਆਪਕਾਂ ਨੂੰ ਇਹਨੂੰ ਪੜ੍ਹ ਕੇ ਖੋਜ ਵੱਲ ਪ੍ਰੇਰਿਤ ਹੋਣ ਲਈ ਕਿਹਾ | ਡਾ. ਨਿੰਦੀ ਨੇ ਭਾਵੁਕ ਸੰਖੇਪ ਵਰਣਨ ਵਿਚ ਮਾਣ ਨਾਲ ਦੱਸਦਿਆਂ ਉਹ ਇਸ ਕਾਲਜ ਤੇ ਮਹਾਂਰਾਣੀ ਸਤਿੰਦਰ ਕੌਰ ਸਕੂਲ ਦੇ ਪਹਿਲੇ ਬੈਚ ਦੇ ਵਿਦਿਆਰਥੀ ਹਨ | ਉਹਨਾਂ ਦੱਸਿਆ ਕਿ ਉਹਨਾਂ ਇਸ ਕਾਲਜ ਵਿਚ ਭੰਗੜਾ ਟੀਮ ਤੇ ਹੋਰ ਗਤੀਵਿਧੀਆਂ ਤੋਂ ਇਲਾਵਾ ਕਾਲਜ ਲਈ ਫੰਡ ਇੱਕਤਰ ਕਰਨ ਵਿਚ ਭੂਮਿਕਾ ਨਿਭਾਈ | ਚਰਚਾ ਵਿਚ ਡਾ. ਹਰਪ੍ਰੀਤ ਕੌਰ ਤੇ ਡਾ. ਸੁਰਜੀਤ ਕੌਰ ਨੇ ਵੀ ਭਾਗ ਲਿਆ | ਦੂਜੇ ਸੈਸ਼ਨ ਵਿਚ ਬੀਬਾ ਸਰਬਜੀਤ ਭਸੀਨ ਨੇ 'ਹੀਰ' ਗਾ ਕੇ ਸਭ ਨੂੰ ਮੰਤਰ ਮੁਗਧ ਕਰ ਦਿੱਤਾ | ਸ੍ਰੀ ਜੈ ਰਾਮ ਬੇਲਾ ਤੇ ਅਵਤਾਰ ਸਿੰਘ ਅਲਗੋਜ਼ੇ ਤੇ ਲੋਕ ਕਥਾਵਾਂ ਗਾ ਕੇ ਸਭ ਨੂੰ ਕੀਲ ਲਿਆ | ਉਹਨਾਂ ਤੋਂ ਇਲਾਵਾ ਬਹਾਦਰ ਸਿੰਘ ਗੋਸਲ, ਦਿਆਲ ਸਿੰਘ ਸਾਬਕਾ ਸਰਪੰਚ, ਸਹਾਇਕ ਪ੍ਰੋ. ਅਮਰਜੀਤ ਸਿੰਘ, ਸਹਾਇਕ ਪ੍ਰੋ. ਪਿ੍ਤਪਾਲ ਸਿੰਘ, ਡਾ. ਅਣਖ ਸਿੰਘ, ਡਾ. ਗੁਰਲਾਲ ਸਿੰਘ, ਡਾ. ਰਾਕੇਸ਼ ਜੋਸ਼ੀ, ਖਲੀਲ ਮੁਹੰਮਦ, ਅਰਸ਼ਦੀਪ ਪਾਲ ਸਿੰਘ ਆਦਿ ਨੇ ਭਾਗ ਲਿਆ | ਡਾ. ਸਨਦੀਪ ਕੌਰ ਨੇ ਸਟੇਜ ਸਕੱਤਰ ਦੀ ਭੂਮਿਕਾ ਜਿੰਮੇਵਾਰੀ ਨਾਲ ਨਿਭਾਈ | ਡਾ. ਮਮਤਾ ਅਰੋੜਾ ਨੇ ਸਭ ਦਾ ਧੰਨਵਾਦ ਕਰਦਿਆਂ ਪ੍ਰੋਗਰਾਮ ਨੂੰ ਸਫਲਤਾ ਪੂਰਵਕ ਨੇਪਰੇ ਚਾੜ੍ਹਨ ਅਤੇ ਰੰਗਮੰਚ ਦੀ ਚਰਚਾ ਕਰਦਿਆਂ ਮੁਬਾਰਕ ਦਿੱਤੀ | ਇਸ ਮੌਕੇ ਸਮੂਹ ਸਟਾਫ਼ ਮੈਂਬਰ ਅਤੇ ਇਲਾਕੇ ਦੇ ਪਤਵੰਤੇ ਵੱਡੀ ਗਿਣਤੀ ਵਿਚ ਹਾਜ਼ਰ ਸਨ |

ਪਿਛਲੀ ਖ਼ਬਰ ਭਾਜਪਾ ਨਗਰ ਕੌਂਸਲ ਚੋਣਾਂ ਸ਼ਾਨਦਾਰ ਜਿੱਤ ਹਾਸਿਲ ਕਰਕੇ ਲਿਖੇਗੀ ਨਵੀਂ ਸਿਆਸੀ ਇਬਾਰਤ : ਡਾਕਟਰ ਸੁਭਾਸ਼ ਸ਼ਰਮਾ <br/> ਅਗਲੀ ਖ਼ਬਰ 'ਹਰ ਸ਼ੁੱਕਰਵਾਰ ਡੇਂਗੂ 'ਤੇ ਵਾਰ' ਤਹਿਤ ਸ਼ਹਿਰ ਦੇ ਵੱਖ-ਵੱਖ ਥਾਵਾਂ 'ਤੇ ਡੇਂਗੂ ਸੰਬੰਧੀ ਸਰਵੇ <br/>

ਡਾ. ਨਰਿੰਦਰ ਨਿੰਦੀ ਜਟਾਣਾ ਦੀ ਪੁਸਤਕ 'ਪੰਜਾਬੀ ਰੰਗਮੰਚ ਦਾ ਉਦਭਵ ਤੇ ਵਿਕਾਸ 1900 ਈ. ਤੱਕ' ਦੇਵਿੰਦਰ ਸਿੰਘ ਜਟਾਣਾ ਵਲੋਂ ਲੋਕ ਅਰਪਣ <br/>

ਸੰਬੰਧਿਤ ਖ਼ਬਰਾਂ