ਰੂਪਨਗਰ, 27 ਜੂਨ (ਯਸ਼ਵੰਤ ਬੱਸੀ)- ਮਿਡ ਡੇ-ਮੀਲ ਵਰਕਰਜ਼ ਯੂਨੀਅਨ ਦੀ ਜਿਲ੍ਹਾ ਪ੍ਰਧਾਨ ਕਮਲੇਸ਼ ਕੋਰ ਮੋਠਾਪੁਰ ਦੀ ਅਗਵਾਈ ਵਿਚ ਮੰਗ ਪੱਤਰ ਮੁੱਖ ਮੰਤਰੀ ਪੰਜਾਬ ਦੇ ਨਾਂਅ ਡਿਪਟੀ ਕਮਿਸ਼ਨਰ ਰੂਪਨਗਰ ਅਦਿੱਤਿਆ ਡੇਚਲਵਾਲ ਨੂੰ ਸੌਂਪਿਆ ਗਿਆ। ਇਸ ਮੌਕੇ ਪੰਜਾਬ ਸੁਬਾਰਡੀਨੇਟ ਸਰਵਿਸਿਜ਼ ਫੈਡਰੇਸ਼ਨ ਦੇ ਸੂਬਾਈ ਆਗੂ ਗੁਰਵਿੰਦਰ ਸਿੰਘ ਸਸਕੌਰ, ਜਸਵਿੰਦਰਪਾਲ ਸਿੰਘ ਕਾਂਗੜ, ਰਾਮ ਦਾਸ ਸਸਕੌਰ ਅਤੇ ਸਾਥੀ ਕਰਮ ਸਿੰਘ ਜੇਤੇਵਾਲ ਆਦਿ ਨੇ ਮਿਡ-ਡੇ-ਮੀਲ ਵਰਕਰਜ਼ ਦਾ ਭਰਪੂਰ ਸਮਰਥਨ ਕਰਦਿਆਂ ਕਿਹਾ ਕਿ ਸਰਕਾਰ ਵਲੋਂ ਜੱਥੇਬੰਦੀ ਨਾਲ ਕੀਤੀਆ ਗਈਆਂ ਮੀਟਿੰਗਾਂ ਵਿਚ ਲਏ ਫ਼ੈਸਲਿਆਂ ਨੂੰ ਲਾਗੂ ਨਹੀਂ ਕੀਤਾ ਜਾ ਰਿਹਾ ਜਿਸ ਕਾਰਨ ਸੂਬੇ ਭਰ ਦੀਆਂ ਮਿੱਡ-ਡੇ-ਮੀਲ ਵਰਕਰਾਂ ਅੰਦਰ ਭਾਰੀ ਰੋਸ ਪਾਇਆ ਜਾ ਰਿਹਾ ਹੈ। ਉਹਨਾਂ ਚੇਤਾਵਨੀ ਦਿੱਤੀ ਕਿ ਭਵਿੱਖ ਵਿਚ ਆਉਣ ਵਾਲੀਆਂ ਪੰਜਾਬ ਵਿਧਾਨ ਸਭਾ ਚੋਣਾਂ ਦੌਰਾਨ ਮੁਹਿੰਮ ਬਣਾ ਕੇ ਆਮ ਆਦਮੀ ਪਾਰਟੀ ਦੇ ਉਮੀਦਵਾਰਾਂ ਦਾ ਡਟਵਾਂ ਵਿਰੋਧ ਕੀਤਾ ਜਾਵੇਗਾ। ਯੂਨੀਅਨ ਦੇ ਆਗੂਆਂ ਨੇ ਕਿਹਾ ਕਿ ਜੇਕਰ ਸਰਕਾਰ ਵਲੋਂ ਉਹਨਾਂ ਦੀਆਂ ਮੰਗਾਂ ਨਾ ਮੰਨੀਆਂ ਗਈਆਂ ਤਾਂ ਜੁਲਾਈ ਮਹੀਨੇ ਤੋਂ ਕੰਮ ਬੰਦ ਕਰ ਦਿੱਤਾ ਜਾਵੇਗਾ। ਇਸ ਮੌਕੇ ਨਰਿੰਦਰ ਕੌਰ ਤਖਤਗੜ੍ਹ, ਸਤਵਿੰਦਰ ਕੌਰ ਨੂਰਪੁਰ ਬੇਦੀ, ਸ਼ਹਿਨੀਲਾ ਘਨੋਲਾ, ਮਹਿੰਦਰ ਕੌਰ ਕੀਰਤਪੁਰ ਸਾਹਿਬ ਤੇ ਮਨਜੀਤ ਕੌਰ ਚਮਕੌਰ ਸਾਹਿਬ ਤੋਂ ਇਲਾਵਾ ਸੋਨੀਆ, ਪਰੀਤੋ ਦੇਵੀ, ਬਲਜੀਤ ਕੌਰ, ਸੀਮਾ ਰਾਣੀ, ਬੰਦਨਾਂ ਦੇਵੀ, ਕਮਲੇਸ਼ ਕੌਰ, ਕੁਸੁਮ, ਪਰਮਜੀਤ ਕੌਰ, ਸਰੋਜ ਰਾਣੀ, ਸੁਨੀਤਾ, ਸੋਨੂੰ, ਸੁਦੇਸ਼ ਕੁਮਾਰੀ ਤੇ ਬਲਵੀਰ ਕੋਰ ਆਦਿ ਮੈਂਬਰ ਹੋਰ ਹਾਜ਼ਰ ਸਨ।
