ਟਿੱਬਾ ਨੰਗਲ ਵਿਖੇ ਗੁੱਜਰ ਸਮਰਾਟ ਮਿਹਿਰ ਭੋਜ ਦੀ ਜੈਅੰਤੀ ਸ਼ਰਧਾ ਤੇ ਉਤਸ਼ਾਹ ਨਾਲ ਮਨਾਈ
ਨੂਰਪੁਰ ਬੇਦੀ, 19 ਸਤੰਬਰ (ਹਰਦੀਪ ਸਿੰਘ ਢੀਂਡਸਾ)-ਗੁੱਜਰ ਸਮਰਾਟ ਮਿਹਿਰ ਭੋਜ ਜੀ ਦੀ ਜੈਅੰਤੀ ਪਿੰਡ ਟਿੱਬਾ ਨੰਗਲ ਵਿਖੇ ਸਥਿਤ ਗੁੱਜਰ ਸਮਰਾਟ ਮਿਹਿਰ ਭੋਜ ਚੌਕ ਵਿਚ ਸ਼ਰਧਾ ਅਤੇ ਉਤਸ਼ਾਹ ਨਾਲ ਮਨਾਈ ਗਈ। ਇਸ ਮੌਕੇ ਗੁੱਜਰ ਸਮਾਜ ਦੇ ਲੋਕਾਂ ਵਲੋਂ ਸਮਰਾਟ ਮਿਹਿਰ ਭੋਜ ਜੀ ਦੀ ਤਸਵੀਰ ’ਤੇ ਫ਼ੁੱਲ ਮਾਲਾਵਾਂ ਭੇਟ ਕਰਕੇ ਉਨ੍ਹਾਂ ਨੂੰ ਸ਼ਰਧਾ ਨਾਲ ਯਾਦ ਕੀਤਾ ਗਿਆ।
ਨੂਰਪੁਰ ਬੇਦੀ, 19 ਸਤੰਬਰ (ਹਰਦੀਪ ਸਿੰਘ ਢੀਂਡਸਾ)-ਗੁੱਜਰ ਸਮਰਾਟ ਮਿਹਿਰ ਭੋਜ ਜੀ ਦੀ ਜੈਅੰਤੀ ਪਿੰਡ ਟਿੱਬਾ ਨੰਗਲ ਵਿਖੇ ਸਥਿਤ ਗੁੱਜਰ ਸਮਰਾਟ ਮਿਹਿਰ ਭੋਜ ਚੌਕ ਵਿਚ ਸ਼ਰਧਾ ਅਤੇ ਉਤਸ਼ਾਹ ਨਾਲ ਮਨਾਈ ਗਈ। ਇਸ ਮੌਕੇ ਗੁੱਜਰ ਸਮਾਜ ਦੇ ਲੋਕਾਂ ਵਲੋਂ ਸਮਰਾਟ ਮਿਹਿਰ ਭੋਜ ਜੀ ਦੀ ਤਸਵੀਰ ’ਤੇ ਫ਼ੁੱਲ ਮਾਲਾਵਾਂ ਭੇਟ ਕਰਕੇ ਉਨ੍ਹਾਂ ਨੂੰ ਸ਼ਰਧਾ ਨਾਲ ਯਾਦ ਕੀਤਾ ਗਿਆ। ਇਸ ਮੌਕੇ ਪ੍ਰਸਿੱਧ ਸਮਾਜ ਸੇਵੀ ਅਤੇ ਗੁੱਜਰ ਸਮਾਜ ਦੀ ਪ੍ਰਮੁੱਖ ਸ਼ਖ਼ਸੀਅਤ ਡਾ. ਦੇਵੇਂਦਰ ਬਜਾੜ ਨੇ ਸਮਰਾਟ ਮਿਹਿਰ ਭੋਜ ਜੀ ਦੇ ਜੀਵਨ ਅਤੇ ਉਨ੍ਹਾਂ ਦੇ ਸ਼ਾਸਨਕਾਲ ਬਾਰੇ ਵਿਚਾਰ ਸਾਂਝੇ ਕੀਤੇ। ਡਾ. ਬਜਾੜ ਨੇ ਦੱਸਿਆ ਕਿ ਇਤਿਹਾਸਕ ਸਰੋਤਾਂ ਅਨੁਸਾਰ ਮਿਹਿਰ ਭੋਜ ਦਾ ਸ਼ਾਸਨਕਾਲ 836 ਈਸਵੀ ਤੋਂ 885 ਈਸਵੀ ਤੱਕ ਮੰਨਿਆ ਜਾਂਦਾ ਹੈ ਅਤੇ ਉਨ੍ਹਾਂ ਦੀ ਰਾਜਧਾਨੀ ਕਨੌਜ ਸੀ। ਉਨ੍ਹਾਂ ਦੇ ਰਾਜ ਦਾ ਪ੍ਰਭਾਵ ਉੱਤਰੀ ਭਾਰਤ ਦੇ ਵੱਡੇ ਹਿੱਸੇ ਤੱਕ ਫੈਲਿਆ ਹੋਇਆ ਸੀ। ਭੋਜ ਨੂੰ ਪ੍ਰਤਿਹਾਰ ਵੰਸ਼ ਦੇ ਪ੍ਰਮੁੱਖ ਸ਼ਾਸਕਾਂ ਵਿਚ ਗਿਣਿਆ ਜਾਂਦਾ ਹੈ। ਡਾ. ਦੇਵੇਂਦਰ ਬਜਾੜ ਨੇ ਕਿਹਾ ਕਿ ਉਹ ਪਿਛਲੇ ਕਰੀਬ 10 ਸਾਲਾਂ ਤੋਂ ਪੰਜਾਬ ਵਿਚ ਸਮਰਾਟ ਮਿਹਿਰ ਭੋਜ ਜੀ ਦੀ ਜੈਅੰਤੀ ਮਨਾਉਂਦੇ ਆ ਰਹੇ ਹਨ। ਉਨ੍ਹਾਂ ਦੱਸਿਆ ਕਿ ਪਿੰਡ ਟਿੱਬਾ ਨੰਗਲ ਵਿਚ ਸਮਾਜ ਦੇ ਸਹਿਯੋਗ ਨਾਲ ਸਮਰਾਟ ਮਿਹਿਰ ਭੋਜ ਜੀ ਦੀ ਤਸਵੀਰ ਸਥਾਪਿਤ ਕੀਤੀ ਗਈ ਹੈ ਅਤੇ ਇਸ ਸਥਾਨ ਦਾ ਨਾਮ ‘ਗੁੱਜਰ ਪ੍ਰਤਿਹਾਰ ਸਮਰਾਟ ਮਿਹਿਰ ਭੋਜ ਚੌਕ’ ਰੱਖਿਆ ਗਿਆ ਹੈ। ਉਨ੍ਹਾਂ ਕਿਹਾ ਕਿ ਭਵਿੱਖ ਵਿਚ ਸਰਵ ਸਮਾਜ ਨੂੰ ਨਾਲ ਲੈ ਕੇ ਅਤੇ ਸਾਰਿਆਂ ਦੀ ਸਹਿਮਤੀ ਤੇ ਸਹਿਯੋਗ ਨਾਲ ਸਮਰਾਟ ਮਿਹਿਰ ਭੋਜ ਜੀ ਦੀ ਮੂਰਤੀ ਵੀ ਸਥਾਪਿਤ ਕਰਨ ਲਈ ਯਤਨ ਕੀਤੇ ਜਾਣਗੇ। ਗੁੱਜਰ ਸਮਾਜ ਦੀ ਪ੍ਰਮੁੱਖ ਸ਼ਖ਼ਸੀਅਤ ਚੌਧਰੀ ਗੁਰਨਾਮ ਆਜ਼ਮਪੁਰ ਨੇ ਵੀ ਆਪਣੇ ਵਿਚਾਰ ਸਾਂਝੇ ਕੀਤੇ । ਇਸ ਮੌਕੇ ਯੁਵਰਾਜ ਬੂੰਗੜੀ, ਦਵਿੰਦਰ ਭੂੰਬਲਾ, ਚੰਦਰ ਪ੍ਰਕਾਸ਼ ਭੂੰਬਲਾ, ਧਰਮ ਚੰਦ, ਭੀਮ ਕੁਮਾਰ, ਭੁਪਿੰਦਰ ਕੁਮਾਰ, ਸੇਵਾ ਮੁਕਤ ਇੰਸਪੈਕਟਰ ਚਮਨ ਲਾਲ ਸਮੇਤ ਹੋਰ ਪਤਵੰਤੇ ਅਤੇ ਸਮਾਜ ਦੇ ਮੈਂਬਰ ਹਾਜ਼ਰ ਸਨ।
