ਅੰਮਿ੍ਤਸਰ ਤੋਂ ਵਾਇਆ ਚੇਤਨਪੁਰਾ ਸੜਕ ਇਕ ਸਾਲ ਬਾਅਦ ਹੀ ਕਣਕ ਦੇ ਦਾਣਿਆਂ ਵਾਂਗ ਖਿੱਲਰੀ • ਬੱਲ ਖੁਰਦ ਨੇੜੇ ਨਹਿਰ 'ਤੇ ਬਣਿਆ ਤੰਗ ਪੁਲ ਲੋਕਾਂ ਲਈ ਬਣਿਆ ਸਿਰਦਰਦੀ • ਲਾਹੌਰ ਬ੍ਰਾਂਚ ਨਹਿਰ ਦੇ ਪੁਲ ਦੀ ਟੁੱਟੀ ਰੇਲਿੰਗ • ਸੱਤ ਸਾਲ ਪਹਿਲਾਂ ਸੜਕ ਦੇ ਦੋਵਾਂ ਪਾਸਿਆਂ ਤੋਂ ਵੱਢੇ ਗਏ ਦਰਖਤਾਂ ਦੀ ਥਾਂ ਨਹੀਂ ਲਗਾਇਆ ਗਿਆ ਕੋਈ ਵੀ ਪੌਦਾ

ਅ

ਅਜੀਤ ਡੈਸਕ 26-04-2026

ਚੇਤਨਪੁਰਾ, 25 ਅਪ੍ਰੈਲ (ਮਹਾਂਬੀਰ ਸਿੰਘ ਗਿੱਲ)-ਪੰਜ ਵਿਧਾਨ ਸਭਾ ਹਲਕਿਆਂ ਅੰਮਿ੍ਤਸਰ ਅਟਾਰੀ ਮਜੀਠਾ ਅਜਨਾਲਾ ਅਤੇ ਫਤਹਿਗੜ੍ਹ ਚੂੜੀਆਂ ਨੂੰ ਆਪਸ ਵਿਚ ਜੋੜਨ ਵਾਲੀ ਅੰਮਿ੍ਤਸਰ ਵਾਇਆ ਚੇਤਨਪੁਰਾ ਫਤਹਿਗੜ੍ਹ ਚੂੜੀਆਂ ਸੜਕ ਜੋ ਕਿ ਸਾਬਕਾ ਕੈਬਨਿਟ ਮੰਤਰੀ ਤੇ ਮੌਜੂਦਾ ਵਿਧਾਇਕ ਹਲਕਾ ਅਜਨਾਲਾ ਕੁਲਦੀਪ ਸਿੰਘ ਧਾਲੀਵਾਲ ਦੇ ਯਤਨਾਂ ਸਦਕਾ ਕੁਝ ਅਰਸਾ ਪਹਿਲਾਂ ਬਣੀ ਸੜਕ ਕਈ ਥਾਵਾਂ ਤੋਂ ਟੁੱਟ ਗਈ ਹੈ ਤੇ ਕਈ ਜਗ੍ਹਾ ਡੂੰਘੇ ਟੋਏ ਵੀ ਪੈ ਗਏ ਹਨ ਜੋ ਕਿ ਨਿਤ ਦਿਨ ਕਈ ਸੜਕ ਹਾਦਸਿਆਂ ਦਾ ਕਾਰਨ ਬਣਦੇ ਹਨ | ਜ਼ਿਕਰਯੋਗ ਹੈ ਕਿ ਸਾਲ 2019 ਵਿਚ ਪੰਜਾਬ ਦੇ ਸਾਬਕਾ ਡਿਪਟੀ ਮੁੱਖ ਮੰਤਰੀ ਸੁਖਜਿੰਦਰ ਸਿੰਘ ਸੁੱਖੀ ਰੰਧਾਵਾ ਵਲੋਂ ਸ੍ਰੀ ਕਰਤਾਰਪੁਰ ਸਾਹਿਬ ਨੂੰ ਖੋਲ੍ਹੇ ਗਏ ਲਾਂਘੇ ਕਰਕੇ ਸੜਕ ਦੇ ਨਵੀਨੀਕਰਨ ਦਾ ਕੰਮ ਸ਼ੁਰੂ ਕਰਵਾਉਣ ਲਈ ਨੀਂਹ ਪੱਥਰ ਪਿੰਡ ਮੁਰਾਦਪੁਰਾ ਨੰਗਲੀ ਵਿਖੇ ਰੱਖਿਆ ਗਿਆ ਸੀ ਪਰ ਉਸ ਤੋਂ ਬਾਅਦ ਕੋਈ ਕੰਮ ਸ਼ੁਰੂ ਨਾ ਹੋ ਸਕਿਆ ਇਸ ਤੋਂ ਬਾਅਦ ਕਈ ਸਾਲ ਬੀਤਣ ਉਪਰੰਤ' ਆਪ' ਸਰਕਾਰ ਵਲੋਂ ਕੁਲਦੀਪ ਸਿੰਘ ਧਾਲੀਵਾਲ ਦੇ ਕੀਤੇ ਯਤਨਾਂ ਸਦਕਾ ਇਹ ਸੜਕ ਤਾਂ ਭਾਵੇਂ ਬਣ ਗਈ ਪਰ ਕਰੀਬ 20 ਸਾਲਾਂ ਬਾਅਦ ਬਣੀ ਇਸ ਸੜਕ ਦਾ ਕੰਮ ਤਸੱਲੀਬਖ਼ਸ਼ ਨਹੀਂ ਹੋਇਆ ਤੇ ਸੜਕ ਕਈ ਥਾਵਾਂ ਤੋਂ ਕਣਕ ਦੇ ਦਾਣਿਆਂ ਵਾਂਗ ਖਿੱਲਰ ਗਈ ਇੱਥੇ ਇਹ ਵੀ ਦੱਸਣਾ ਬਣਦਾ ਹੈ ਕਿ ਸੜਕ ਦੇ ਬਣਨ ਤੋਂ ਕਰੀਬ ਛੇ ਸਾਲ ਪਹਿਲਾਂ ਸੜਕ ਦੇ ਪਾਸਿਆਂ ਤੋਂ ਸਾਰੇ ਛੋਟੇ ਵੱਡੇ ਦਰੱਖਤ ਪੁੱਟ ਦਿੱਤੇ ਤੇ ਉਨ੍ਹਾਂ ਦੀ ਜਗ੍ਹਾ 'ਤੇ ਮੁੜ ਕਿਸੇ ਵਿਭਾਗ ਜਾਂ ਸੰਸਥਾ ਵਲੋਂ ਕੋਈ ਬੂਟੇ ਨਹੀਂ ਲਗਾਏ ਹੋਏ | ਇਸ ਸਬੰਧੀ ਕਈ ਵਾਰੀ ਵੱਡੇ ਅਧਿਕਾਰੀਆਂ ਨੂੰ ਬੇਨਤੀ ਕੀਤੀ ਗਈ ਹੈ ਪਰ ਪਰਨਾਲਾ ਉੱਥੇ ਦਾ ਉੱਥੇ ਹੀ ਖੜ੍ਹਾ ਹੈ | ਇਸ ਸੜਕ 'ਤੇ ਪਿੰਡ ਬੀਰਬਲਪੁਰਾ ਤੇ ਬੱਲ ਖੁਰਦ ਦੇ ਵਿਚਕਾਰ ਬਣਿਆ ਨਹਿਰ ਦਾ ਪੁਲ ਜੋ ਕਿ ਸੜਕ ਤੋਂ ਬਹੁਤ ਉੱਚਾ ਬਣਾ ਦਿੱਤਾ ਗਿਆ ਹੈ ਤੇ ਉਸ ਦੀ ਚੌੜਾਈ ਸੜਕ ਨਾਲੋਂ ਵੀ ਘੱਟ ਕਰ ਦਿੱਤੀ ਗਈ ਹੈ ਜਿਸ ਕਾਰਨ ਇਸ ਪੁਲ ਉੱਪਰ ਵੀ ਹਾਦਸੇ ਵਾਪਰਦੇ ਰਹਿੰਦੇ ਹਨ ਇਸ ਸੜਕ 'ਤੇ ਲਾਹੌਰ ਬ੍ਰਾਂਚ ਨਹਿਰ ਦੇ ਪੁਲ ਸੰਗਤਪੁਰਾ ਉੱਪਰ ਵੀ ਪਏ ਹੋਏ ਘਟੀਆ ਮਟੀਰੀਅਲ ਅਤੇ ਪੁੱਲ ਦੀ ਰੇਲਿੰਗ ਉਖੜ ਚੁੱਕੀ ਹੈ ਤੇ ਹਾਸਿਆਂ ਦਾ ਕਾਰਨ ਬਣ ਰਹੀ ਹੈ | ਇਸ ਸੰਬੰਧੀ ਮਾਨ ਦਲ ਦੇ ਆਗੂ ਕੁਲਵੰਤ ਸਿੰਘ ਕੋਟਲਾ ਗੱੁਜਰਾਂ ਨੇ ਸਰਕਾਰ ਤੇ ਠੇਕੇਦਾਰ ਵਿਰੁੱਧ ਨਾਅਰੇਬਾਜ਼ੀ ਵੀ ਕੀਤੀ ਤੇ ਮੰਗ ਕੀਤੀ ਕਿ ਸੜਕ ਦੀਆਂ ਖਾਮੀਆਂ ਨੂੰ ਤੁਰੰਤ ਦੂਰ ਕੀਤਾ ਜਾਵੇ ਤੇ ਸੜਕ ਉੱਪਰ ਬਣੇ ਪੁਲਾਂ ਦੀ ਵੀ ਜਾਂਚ ਕੀਤੀ ਜਾਵੇ | ਇਸ ਮੌਕੇ ਸਰਮੇਲ ਸਿੰਘ ਮਹੱਦੀਪੁਰ ਧਰਮਪ੍ਰੀਤ ਸਿੰਘ ਭਾਲੋਵਾਲੀ, ਜੋਗਿੰਦਰ ਸਿੰਘ ਭਾਲੋਵਾਲੀ, ਜਰਮਨਜੀਤ ਸਿੰਘ ਕੋਟਲਾ, ਜੋਧ ਸਿੰਘ ਜੋਧਾ, ਰਜਵੰਤ ਸਿੰਘ ਮਹਦੀਪੁਰਾ, ਸੁਖਦੇਵ ਸਿੰਘ, ਦਲਬੀਰ ਸਿੰਘ ਤੇ ਕੁਲਬੀਰ ਸਿੰਘ ਕਾਂਮਰੇਡ ਦਲਜੀਤ ਸਿੰਘ ਚੇਤਨਪੁਰਾ ਆਦਿ ਹਾਜ਼ਰ ਸਨ |

ਪਿਛਲੀ ਖ਼ਬਰ ਹਲਕਾ ਮਜੀਠਾ ਤੋਂ ਨੌਜੁਆਨਾਂ ਨੇ 'ਅਕਾਲੀ ਦਲ ਵਾਰਿਸ ਪੰਜਾਬ ਦੇ' ਮੋਟਰਸਾਈਕਲ ਮਾਰਚ 'ਚ ਕੀਤੀ ਸ਼ਮੂਲੀਅਤ ਅਗਲੀ ਖ਼ਬਰ ਗੁਰਦੁਆਰਾ ਸ਼ਹੀਦ ਬਾਬਾ ਦੀਪ ਸਿੰਘ ਜੀ ਪ੍ਰਬੰਧਕ ਕਮੇਟੀ ਵਲੋਂ ਬੱਚਿਆਂ ਦੀਆਂ ਕੀਰਤਨ ਅਤੇ ਗਤਕਾ ਸਿਖਲਾਈ ਕਲਾਸਾਂ ਸ਼ੁਰੂ...

ਸੰਬੰਧਿਤ ਖ਼ਬਰਾਂ