ਬਿਆਸ, 13 ਜੂਨ (ਨਰਿੰਦਰ ਸਿੰਘ)-ਪਿਛਲੇ 96 ਘੰਟਿਆਂ ਤੋਂ ਬਿਆਸ ਦਰਿਆ ‘ਚ 13000 ਕਿਊਸਿਕ ਦੇ ਕਰੀਬ ਪਾਣੀ ਦਾ ਵਾਧਾ ਹੋਇਆ ਹੈ। ਦੋ ਦਿਨ ਪਹਿਲਾਂ ਦੀ ਸਥਿਤੀ ਜੋ ਕਿ 734.00 ਦੀ ਗੇਜ ਸੀ ਤੇ ਡਿਸਚਾਰਜ ਲੈਵਲ 21,555 ਦੇ ਕਰੀਬ ਸੀ। ਅੱਜ ਗੇਜ ਰੀਡਰ ਵਿਜੇ ਕੁਮਾਰ ਨੇ ਦੱਸਿਆ ਕਿ ਇਹ ਪਾਣੀ ਪਹਾੜੀ ਖੇਤਰਾਂ ਤੋਂ ਬਰਫਾਂ ਦਾ ਪਿਘਲਦਾ ਹੋਇਆ ਆ ਰਿਹਾ ਹੈ। ਅੱਜ ਦੀ ਗੇਜ ਰੀਡਿੰਗ 734.80 ਹੈ ਅਤੇ ਪਾਣੀ ਦਾ ਡਿਸਚਾਰਜ ਲੈਵਲ 26,467 ਹੈ। ਜੋ ਕਿ ਕਰੀਬ 5,000 ਕਿਊਸਿਕ ਦਾ ਵਾਧਾ ਦਰਸਾਇਆ ਗਿਆ। ਇਹ ਪਾਣੀ ਸ਼ਾਮ ਵੇਲੇ ਘੱਟ ਹੋ ਕੇ ਸਵੇਰ ਦੇ ਸਮੇਂ ‘ਚ ਵੱਧ ਰਿਹਾ ਹੈ ਪਰ ਕੁਝ ਦਿਨਾਂ ਤੋਂ ਗੇਜ ਰੀਡਿੰਗ ਵੱਧਦੇ ‘ਚ ਦਰਜ ਹੋ ਰਹੀ ਹੈ। ਇਸ ਵੱਧਦੇ ਹੋਏ ਪਾਣੀ ਦਾ ਆਮ ਲੋਕਾਂ ਨੂੰ ਕਿਸੇ ਤਰ੍ਹਾਂ ਦੇ ਡਰ, ਨੁਕਸਾਨ ਜਾਂ ਸਹਿਮ ਦੀ ਲੋੜ ਨਹੀਂ ਹੈ, ਕਿਉਂਕਿ ਇਹ ਪੱਧਰ ਖੱਤਰੇ ਦੇ ਨਿਸ਼ਾਨ ਤੋਂ ਹੇਠਾਂ ਹੈ। ਪਰ ਫਿਰ ਵੀ ਦਰਿਆਵਾਂ ਦੇ ਕੰਢਿਆ ਤੋਂ ਲੋਕ ਦੂਰੀ ਬਣਾ ਕੇ ਹੀ ਰੱਖਣ।
