ਗੁਰਦੁਆਰਾ ਸਾਹਿਬ ਪਾਤਸ਼ਾਹੀ ਨੌਵੀਂ ਦੇ ਬਾਹਰ ਸਮੂਹ ਸਾਧ ਸੰਗਤ ਦੇ ਸਹਿਯੋਗ ਨਾਲ ਲੰਗਰ ਲਗਾਏ

ਬਾਬਾ ਬਕਾਲਾ ਸਾਹਿਬ, 28 ਜੂਨ (ਸ਼ੇਲਿੰਦਰਜੀਤ ਸਿੰਘ ਰਾਜਨ)-ਇੱਥੇ ਇਤਿਹਾਸਕ ਗੁਰਦੁਆਰਾ ਪਾਤਸ਼ਾਹੀ ਨੌਵੀਂ ਬਾਬਾ ਬਕਾਲਾ ਸਾਹਿਬ ਦੇ ਬਾਹਰ ਐੱਨ.ਆਰ.ਆਈ. ਵੀਰਾਂ, ਜੋੜੇ ਘਰ ਬਾਬਾ ਬਕਾਲਾ ਸਾਹਿਬ ਦੇ ਸੇਵਾਦਾਰਾਂ ਵਲੋਂ ਸਮੂਹ ਸਾਧ ਸੰਗਤ ਦੇ ਸਹਿਯੋਗ ਨਾਲ ਸ੍ਰੀ ਗੁਰੂ ਅਰਜਨ ਦੇਵ ਜੀ ਦੀ ਸ਼ਹੀਦੀ ਪੁਰਬ ਨੂੰ ਸਮਰਪਿਤ ਤੇ ਸਰਬੱਤ ਦੇ ਭਲੇ ਲਈ ਕਈ ਪ੍ਰਕਾਰ ਦੇ ਪਕਵਾਨਾਂ ਅਤੇ ਠੰਡੇ ਮਿੱਠੇ ਜਲ ਦੀ ਛਬੀਲ ਲਗਾਈ ਗਈ । ਹੈਡਗ੍ਰੰਥੀ ਭਾਈ ਹਰਦੇਵ ਸਿੰਂਘ ਨੇ ਸਰਬੱਤ ਦੇ ਭਲੇ ਲਈ ਅਰਦਾਸ ਬੇਨਤੀ ਕਤਿੀ । ਇਸ ਮੌਕੇ ਕੜਾਹ ਪ੍ਰਸ਼ਾਦ ਭੰਗੂਰ, ਨਿਊਟਰੀ ਬਰੈੱਡ, ਆਈਸ ਕਰੀਮ, ਕੋਲਡ ਡਰਿੰਕ, ਲੱਸੀ, ਜਲ ਜੀਰਾ ਆਦਿ ਦੇ ਅਤੁੱਟ ਲੰਗਰ ਵਰਤਾਏ ਗਏ । ਇਸ ਮੌਕੇ ਸੇਵਾਦਾਰਾਂ ਸੁੱਖ ਢਿੱਲੋਂ, ਗੋਪੀ ਬੱਲ, ਹੈਪੀ ਮਹਿਤਾ, ਸ਼ੇਰਾ ਲੱਖੂਵਾਲੀਆ, ਜੋਬਨ ਭੁੱਲਰ, ਪ੍ਰਭ ਸੇਖੋਂ, ਜੁਝਾਰ ਸਿੰਘ, ਸ਼ਰਨ ਬਾਵਾ, ਗੁਰਪ੍ਰੀਤ ਸਿੰਘ ਮਾਨ, ਰਾਜਨ ਬੱਲ, ਸੰਨੀ ਸੁਨਿਆਰਾ, ਲਵ ਬੱਲ, ਅੰਕੁਸ਼, ਕੇਸਰ ਮਾਨ, ਮਨਪ੍ਰੀਤ ਸਿੰਘ ਸੋਹੀ, ਹਿੰਮਤ ਰੰਧਾਵਾ, ਸੰਨੀ ਝਲਾੜੀ, ਗੁਰੀ ਢਿੱਲੋਂ, ਗੋਰਾ ਜਮਾਲਪੁਰ, ਬੱਲੀ ਬਾਟਾ ਆਦਿ ਸੇਵਾਦਾਰਾਂ ਨੇ ਵੱਧ ਚੜ੍ਹ ਕੇ ਸੇਵਾ ਨਿਭਾਈ । ਮੈਨੇਜਰ ਭਾਈ ਨਿਸ਼ਾਨ ਸਿੰਘ ਜੱਫਰਵਾਲ, ਮੀਤ ਮੈਨੇਜਰ ਭਾਈ ਸ਼ੇਰ ਸਿੰਘ ਨੇ ਸੇਵਾਵਾਂ ਨਿਭਾਉਣ ਵਾਲੇ ਸੇਵਾਦਾਰਾਂ ਦੇ ਉੱਦਮ ਦੀ ਸ਼ਲਾਘਾ ਕੀਤੀ ਅਤੇ ਪੁਜੀਆਂ ਸੰਗਤਾਂ ਦਾ ਧੰਨਵਾਦ ਕੀਤਾ ।