ਸਮਾਣਾ, 26 ਅਪ੍ਰੈਲ (ਪ੍ਰੀਤਮ ਸਿੰਘ ਨਾਗੀ)-ਉੱਘੇ ਸਿੱਖ ਪ੍ਰਚਾਰਕ ਭਾਈ ਭਰਭੂਰ ਸਿੰਘ ਅੱਜ ਸਵੇਰੇ ਇਕ ਸੜਕ ਹਾਦਸੇ ਦੌਰਾਨ ਅਕਾਲ ਚਲਾਣਾ ਕਰ ਗਏ | ਉਹ ਪਿਛਲੇ ਕਈ ਸਾਲਾਂ ਤੋਂ ਸਵੇਰੇ ਤਿੰਨ ਵਜੇ ਆਪਣੇ ਪਿੰਡ ਗਾਜੇਵਾਸ ਤੋਂ ਸਮਾਣਾ ਦੇ ਗੁਰਦੁਆਰਾ ਮਾਜਰੀ ਵਿਖੇ ਕਥਾ ਕਰਨ ਲਈ ਮੋਟਰਸਾਈਕਲ 'ਤੇ ਆਉਂਦੇ ਸਨ | ਸਵੇਰੇ ਅੰਮਿ੍ਤ ਵੇਲੇ ਤਕਰੀਬਨ ਸਵਾ ਦੋ ਵਜੇ ਉਨ੍ਹਾਂ ਦੀ ਇਕ ਟਰਾਲੀ ਨਾਲ ਟੱਕਰ ਹੋ ਗਈ ਤੇ ਭਾਈ ਭਰਭੂਰ ਸਿੰਘ ਮੌਕੇ 'ਤੇ ਅਕਾਲ ਚਲਾਣਾ ਕਰ ਗਏ | ਉਨ੍ਹਾਂ ਦਾ ਅੰਤਿਮ ਸਸਕਾਰ ਅੱਜ ਦੁਪਹਿਰ ਉਨ੍ਹਾਂ ਦੇ ਜੱਦੀ ਪਿੰਡ ਗਾਜੇਵਾਸ ਵਿਖੇ ਕਰ ਦਿੱਤਾ ਗਿਆ | ਉਹ ਲਗਭਗ 55 ਸਾਲ ਦੇ ਸਨ |
