ਸਮਾਣਾ, 15 ਜੂਨ (ਪ੍ਰੀਤਮ ਸਿੰਘ ਨਾਗੀ)-ਪੰਜਾਬ ਸਰਕਾਰ ਵਲੋਂ ਸ਼ੁਰੂ ਕੀਤੀ ਗਈ ਰੰਗਲਾ ਪੰਜਾਬ ਮੁਹਿੰਮ ਅਧੀਨ ਪੰਜਾਬ ਸਰਕਾਰ ਸ਼ਹਿਰ ਦੇ ਵੱਖ-ਵੱਖ ਵਾਰਡਾਂ 'ਚ ਲਗਭਗ ਦੋ ਕਰੋੜ ਰੁਪਏ ਦੀ ਲਾਗਤ ਨਾਲ ਵਿਕਾਸ ਕਾਰਜ ਸ਼ੁਰੂ ਕਰ ਰਹੀ ਹੈ | ਇਹ ਪ੍ਰਗਟਾਵਾ ਵਿਧਾਇਕ ਚੇਤਨ ਸਿੰਘ ਜੌੜਾਮਾਜਰਾ ਨੇ ਇਕ ਪੈੱ੍ਰਸ ਕਾਨਫ਼ਰੰਸ ਸਮੇਂ ਕੀਤਾ | ਇਸ ਸਮੇਂ ਉਨ੍ਹਾਂ ਨਾਲ ਮਾਰਕੀਟ ਕਮੇਟੀ ਦੇ ਚੇਅਰਮੈਨ ਬਲਕਾਰ ਸਿੰਘ ਗੱਜੂਮਾਜਰਾ ਤੇ ਹਰਜਿੰਦਰ ਸਿੰਘ ਮਿੰਟੂ ਜੋੜਾਮਾਜਰਾ ਵੀ ਹਾਜ਼ਰ ਸਨ | ਜੋੜਾਮਾਜਰਾ ਨੇ ਦੱਸਿਆ ਕਿ ਵਾਰਡ ਨੰਬਰ 1 ਵਿਚ 17 ਲੱਖ 92 ਹਜ਼ਾਰ 5 ਵਿਚ 4 ਲੱਖ 47 ਹਜ਼ਾਰ, ਵਾਰਡ ਨੰਬਰ 7 ਵਿਚ 10 ਲੱਖ 66 ਹਜ਼ਾਰ, ਬੌਬੀ ਕਾਲੋਨੀ 17 ਲੱਖ 83 ਹਜ਼ਾਰ, ਵਾਰਡ ਨੰਬਰ 8 ਵਿਚ 28 ਲੱਖ 80 ਹਜ਼ਾਰ, 20 ਲੱਖ 92 ਹਜ਼ਾਰ ਤੇ 33 ਲੱਖ, ਵਾਰਡ ਨੰ. 9 ਵਿਚ ਧਰਮਸ਼ਾਲਾ ਰਾਮ ਬਸਤੀ ਵਾਲੀ ਧਰਮਸ਼ਾਲਾ ਤੇ ਉਡ ਬਸਤੀ ਵਾਲੀ ਧਰਮਸ਼ਾਲਾ 'ਤੇ ਵੀ ਮੁਰੰਮਤ ਕਰਵਾਈ ਜਾਵੇਗੀ | ਵਾਰਡ ਨੰ: 19 ਵਿਚ ਕ੍ਰਮਵਾਰ 5 ਲੱਖ 65 ਹਜ਼ਾਰ, 9 ਲੱਖ 29 ਹਜ਼ਾਰ ਤੇ 11 ਲੱਖ ਰੁਪਏ ਵਿਕਾਸ ਕਾਰਜਾਂ 'ਤੇ ਖ਼ਰਚੇ ਜਾਣਗੇ | ਉਨ੍ਹਾਂ ਕਿਹਾ ਕਿ ਭਗਵੰਤ ਸਿੰਘ ਮਾਨ ਸਰਕਾਰ ਪਹਿਲੀ ਸਰਕਾਰ ਹੈ ਜਿਸ ਨੇ ਚੋਣਾਂ ਵਿਚ ਕੀਤੇ ਸਾਰੇ ਵਾਅਦੇ ਪੂਰੇ ਕਰਕੇ 10 ਲੱਖ ਸਿਹਤ ਯੋਜਨਾ ਸਕੀਮ ਵਿਸ਼ੇਸ਼ ਉਪਹਾਰ ਵਜੋਂ ਦਿੱਤੀ ਹੈ | ਉਨ੍ਹਾਂ ਦਾਅਵਾ ਕੀਤਾ ਕਿ ਪੰਜਾਬ ਵਿਚ ਦੁਬਾਰਾ ਭਗਵੰਤ ਸਿੰਘ ਮਾਨ ਦੀ ਅਗਵਾਈ ਹੇਠ ਆਮ ਆਦਮੀ ਦੀ ਸਰਕਾਰ ਪੂਰੇ ਬਹੁਮਤ ਨਾਲ ਬਣੇਗੀ |
