ਫ਼ਰੀਦਕੋਟ, 28 ਜਨਵਰੀ (ਮਿੰਦਾ)-ਗੁਰੂ ਰਵਿਦਾਸ ਦਾ 649ਵਾਂ ਜਨਮ ਦਿਹਾੜਾ ਗੁਰੂ ਰਵਿਦਾਸ ਸੁਸਾਇਟੀ ਫ਼ਰੀਦਕੋਟ ਅਤੇ ਸਮੂਹ ਸਾਧ ਸੰਗਤ ਦੇ ਸਹਿਯੋਗ ਨਾਲ ਗੁਰੂ ਰਵਿਦਾਸ ਮੰਦਰ ਬਲਵੀਰ ਐਵਨਿਊ, ਜੀਵਨ ਨਗਰ ਵਿਖੇ ਮਨਾਇਆ ਜਾ ਰਿਹਾ ਹੈ | 30 ਜਨਵਰੀ 2026 ਦਿਨ ਸ਼ੁੱਕਰਵਾਰ ਨੂੰ ਸਵੇਰੇ ਪਵਿੱਤਰ ਅੰਮਿ੍ਤ ਬਾਣੀ ਦੇ ਪ੍ਰਕਾਸ਼ ਹੋਣਗੇ ਅਤੇ ਸ਼ਾਮ ਨੂੰ ਇੱਕ ਵਿਸ਼ਾਲ ਧਾਰਮਿਕ ਜਾਗੋ ਕੱਢੀ ਜਾਵੇਗੀ | ਜਿਸ ਦੀ ਪ੍ਰਧਾਨਗੀ ਅੰਮਿ੍ਤ ਕੌਰ ਸਰਾਂ ਕਰਨਗੇ | 31 ਜਨਵਰੀ 2026 ਨੂੰ ਦੁਪਹਿਰ 12 ਵਜੇ ਇਕ ਵਿਸ਼ਾਲ ਨਗਰ ਕੀਰਤਨ ਕੱਢਿਆ ਜਾਵੇਗਾ | ਜੋ ਸ਼ਹਿਰ ਦੇ ਵੱਖ-ਵੱਖ ਹਿੱਸਿਆਂ ਵਿਚ ਦੀ ਹੁੰਦਾ ਹੋਇਆ ਵਾਪਸੀ ਗੁਰੂ ਰਵਿਦਾਸ ਮੰਦਰ ਹੋਵੇਗੀ | ਜਿਸ ਦੀ ਪ੍ਰਧਾਨਗੀ ਗੁਰਦਿੱਤ ਸਿੰਘ ਸੇਖੋਂ ਐਮ.ਐਲ.ਏ ਫ਼ਰੀਦਕੋਟ ਕਰਨਗੇ | 1 ਫਰਵਰੀ 2026 ਨੂੰ ਪਵਿੱਤਰ ਅੰਮਿ੍ਤ ਬਾਣੀ ਦੇ ਪਾਠ ਦੇ ਭੋਗ ਅਤੇ ਕੀਰਤਨੀ ਜਥਾ ਗੁਰੂ ਜੀ ਪ੍ਰਵਚਨਾਂ ਨਾਲ ਨਿਹਾਲ ਕਰਨਗੇ | ਜਿਸ ਵਿਚ ਇਸ ਦਿਨ ਮੁੱਖ ਮਹਿਮਾਨ ਸਰਬਜੀਤ ਸਿੰਘ ਖ਼ਾਲਸਾ ਐਮ.ਪੀ ਲੋਕ ਸਭਾ ਫ਼ਰੀਦਕੋਟ ਹੋਣਗੇ |
