ਪਿੰਡ ਮਿਸ਼ਰੀਵਾਲਾ ਦੀ ਗਰਾਮ ਪੰਚਾਇਤ ਵਲੋਂ 10 ਲੱਖ ਦੀ ਗਰਾਂਟ ਸੰਬੰਧੀ ਸਪੱਸ਼ਟੀਕਰਨ
ਅਜੀਤ ਡੈਸਕ
24-04-2026
ਇਸ ਮੌਕੇ ਪੁੱਜੇ ਪੰਚਾਇਤ ਸਕੱਤਰ ਸੁਖਚੈਨ ਸਿੰਘ ਨੇ ਕਿਹਾ ਕਿ ਇਸ ਵਿਚ ਸਮੁੱਚੀ ਗਰਾਮ ਪੰਚਾਇਤ ਦਾ ਕੋਈ ਕਸੂਰ ਨਹੀਂ ਹੈ | ਉਨ੍ਹਾਂ ਵਲੋਂ 7 ਲੱਖ 80 ਹਜ਼ਾਰ ਰੁਪਏ ਦੀ ਰਾਸ਼ੀ ਵੱਖ-ਵੱਖ ਫ਼ਰਮਾਂ ਦੇ ਖਾਤੇ 'ਚ ਜਮ੍ਹਾਂ ਕਰਵਾਈ ਗਈ ਹੈ | ਉਨ੍ਹਾਂ ਕਿਹਾ ਕਿ ਉਨ੍ਹਾਂ ਉਪਰ ਵਰਕਲੋਡ ਜ਼ਿਆਦਾ ਹੋਣ ਕਾਰਨ ਸਰਪੰਚ ਨੂੰ ਉਕਤ ਗਰਾਂਟ ਸੰਬੰਧੀ ਜਾਣੂ ਨਹੀਂ ਕਰਵਾਇਆ ਜਾ ਸਕਿਆ | ਵਿਭਾਗੀ ਤੌਰ 'ਤੇ ਵੀ ਇਹ ਉਪਰੋਂ ਦਬਾਅ ਸੀ ਕਿ ਪਹਿਲਾਂ ਪਈਆਂ ਗਰਾਂਟਾਂ ਨੂੰ ਵਰਤੋਂ ਵਿਚ ਲਿਆਂਦਾਂ ਜਾਵੇ ਤਾਂ ਹੀ ਨਵੀਂ ਗਰਾਂਟ ਰਾਸ਼ੀ ਜਾਰੀ ਹੋ ਸਕੇਗੀ | ਉਨ੍ਹਾਂ ਸਪੱਸ਼ਟ ਤੌਰ 'ਤੇ ਕਿਹਾ ਕਿ ਉਕਤ ਰਾਸ਼ੀ ਦਾ ਇਕ-ਇਕ ਰੁਪਿਆ ਸਹੀ ਢੰਗ ਨਾਲ ਖ਼ਰਚਿਆ ਜਾਵੇਗਾ | ਇਥੇ ਇਹ ਦੱਸਣਾ ਬਣਦਾ ਹੈ ਕਿ ਹਲਕਾ ਕੋਟਕਪੂਰਾ ਤੋਂ ਕਾਂਗਰਸ ਪਾਰਟੀ ਦੇ ਹਲਕਾ ਇੰਚਾਰਜ ਅਜੇਪਾਲ ਸਿੰਘ ਸੰਧੂ ਵਲੋਂ ਬੁੱਧਵਾਰ ਨੂੰ ਪਿੰਡ ਮਿਸ਼ਰੀਵਾਲਾ ਵਿਖੇ ਇਕ ਵਰਕਰ ਦੇ ਘਰ ਸਾਧਾਰਨ ਮਿਲਣੀ ਦੌਰਾਨ ਪਿੰਡ ਨੂੰ ਵਿਕਾਸ ਕਾਰਜਾਂ ਲਈ 10 ਲੱਖ ਰੁਪਿਆ ਮਿਲਣ ਤੇ ਉਸ ਦਾ ਵੱਖ-ਵੱਖ ਖ਼ਾਤਿਆਂ 'ਚ ਜਮ੍ਹਾਂ ਹੋਣ ਦਾ ਮਸਲਾ ਉਠਾਇਆ ਗਿਆ ਸੀ | ਉਕਤ ਰਾਸ਼ੀ ਪਿੰਡ ਦੇ ਵਿਕਾਸ ਕਾਰਜਾਂ ਉਪਰ ਨਾ ਖ਼ਰਚੇ ਜਾਣ ਕਾਰਨ ਉਨ੍ਹਾਂ ਮੁੱਖ ਮੰਤਰੀ ਪੰਜਾਬ ਪਾਸੋਂ ਇਸ ਮਾਮਲੇ ਦੀ ਜਾਂਚ ਕਰਵਾਏ ਜਾਣ ਦੀ ਮੰਗ ਵੀ ਕੀਤੀ ਸੀ |
