ਸਾਦਿਕ, 9 ਜੁਲਾਈ (ਆਰ.ਐਸ.ਧੁੰਨਾ)-ਸਾਦਿਕ ਪਿੰਡ ਦੇ ਬਾਨੀ ਬਾਬਾ ਸਾਦਿਕ ਸ਼ਾਹ ਤੇ ਬਾਬਾ ਈਸ਼ਾ ਗਾੜ੍ਹਾ ਦੀ ਸਾਲਾਨਾ ਬਰਸੀ ਪਿੰਡ ਸਾਦਿਕ ਵਿਖੇ ਬਣੀ ਬਾਬਾ ਜੀ ਦੀ ਦਰਗਾਹ ’ਤੇ ਸੰਗਤਾਂ ਵਲੋਂ ਸ਼ਰਧਾ ਤੇ ਉਤਸ਼ਾਹ ਨਾਲ ਮਨਾਈ ਗਈ। ਸਵੇਰ ਸਮੇਂ ਬਾਬਾ ਜੀ ਦੀ ਦਰਗਾਹ ’ਤੇ ਚਾਦਰ ਚੜ੍ਹਾਉਣ ਦੀ ਰਸਮ ਸੰਗਤਾਂ ਅਤੇ ਸੇਵਾਦਾਰਾਂ ਵਲੋਂ ਸਾਂਝੇ ਤੌਰ ’ਤੇ ਨਿਭਾਈ ਗਈ। ਇਸ ਮੌਕੇ ਮਿੱਠੇ ਚਾਵਲਾਂ, ਜਲੇਬੀਆਂ ਅਤੇ ਦਾਲ ਫੁਲਕੇ ਦਾ ਲੰਗਰ ਅਤੁੱਟ ਵਰਤਾਇਆ ਗਿਆ। ਇਸ ਮੌਕੇ ਸੇਵਾਦਾਰ ਬਾਬਾ ਸਰੂਪ ਸਿੰਘ, ਮਲੂਕ ਸਿੰਘ, ਭਗਤ ਸਿੰਘ ਕਮੇਟੀ ਮੈਂਬਰ, ਸਰਪੰਚ ਦੀਸ਼ਾ ਸਿੰਘ, ਗੁਲਜ਼ਾਰ ਮਦੀਨਾ, ਜਗਨਾਮ ਸਿੰਘ, ਅਵਤਾਰ ਸਿੰਘ, ਵਜ਼ੀਰ ਚੰਦ, ਜਗਸੀਰ ਸਿੰਘ, ਲਵਲੀਨ ਕੁਮਾਰ ਆਦਿ ਕਮੇਟੀ ਮੈਂਬਰ ਅਤੇ ਪਿੰਡ ਦੀ ਸੰਗਤ ਹਾਜ਼ਰ ਸੀ।
