ਆਦੇਸ਼ ਕਾਲਜ 'ਚ 'ਕੰਟੀਨੀ ਮੰਡੀਰ ਦੀਆਂ ਲੱਗੀਆਂ ਰੌਣਕਾਂ' ਦੀ ਰਿਕਾਰਡਿੰਗ ਹੋਈ

ਅ

ਅਜੀਤ ਡੈਸਕ 25-04-2026

ਸਾਦਿਕ, 24 ਅਪ੍ਰੈਲ (ਗੁਰਭੇਜ ਸਿੰਘ ਚੌਹਾਨ)-ਆਦੇਸ਼ ਇੰਸਟੀਟਿਊਟ ਆਫ਼ ਹਾਇਰ ਸਟੱਡੀਜ਼, ਮਚਾਕੀ ਕਲਾਂ (ਫ਼ਰੀਦਕੋਟ) ਵਿਖੇ ਸੀ.ਐਮ.ਡੀ. ਜਨਜੀਤਪਾਲ ਸਿੰਘ ਸੇਖੋਂ, ਐਮ.ਡੀ. ਜਰਮਨਜੀਤ ਸਿੰਘ ਸੰਧੂ, ਡਾਇਰੈਕਟਰ ਐਸ.ਪੀ. ਮੌਂਗਾ ਤੇ ਪਿ੍ੰਸੀਪਲ ਡਾ. ਅਮਰਦੀਪ ਸਿੰਘ ਵਿਰਕ ਦੀ ਅਗਵਾਈ 'ਚ ਚੈਨਲ ਐਮ.ਐਚ.-1 ਵਲੋਂ 'ਕੰਟੀਨੀ ਮੰਡੀਰ ਦਾ ਸ਼ੋਅ' ਹੋਸਟ ਰਵਨੀਤ ਸਿੰਘ ਵਲੋਂ ਬੜੇ ਫ਼ਨੀ ਹਾਸੇ ਠੱਠੇ ਦੇ ਲਹਿਜੇ ਵਿਚ ਰਿਕਾਰਡ ਕੀਤਾ ਗਿਆ | ਇਸ ਮੌਕੇ ਚੇਅਰਮੈਨ ਮਾਰਕੀਟ ਕਮੇਟੀ ਫ਼ਰੀਦਕੋਟ ਅਮਨਦੀਪ ਸਿੰਘ ਨੇ ਮੁੱਖ ਮਹਿਮਾਨ ਵਜੋਂ ਸ਼ਿਰਕਤ ਕੀਤੀ | ਸ਼ੋਅ ਦੌਰਾਨ ਰਵਨੀਤ ਸਿੰਘ ਦੀ ਐਂਕਰਿੰਗ ਨਾਲ ਵਿਦਿਆਰਥੀਆਂ ਵਲੋਂ ਗੀਤ, ਚੁਟਕਲੇ, ਡਾਂਸ, ਗਿੱਧਾ, ਭੰਗੜਾ ਪੇਸ਼ ਕੀਤਾ ਗਿਆ ਤੇ ਵਿਦਿਆਰਥੀਆਂ ਨਾਲ ਖੂਬ ਗੱਲਾਬਾਤਾਂ ਹਾਸਾ ਠੱਠਾ ਕੀਤਾ ਗਿਆ | ਰਵਨੀਤ ਸਿੰਘ ਨੇ ਵਿਦਿਆਰਥੀਆਂ ਦੀ ਪ੍ਰਤਿਭਾ ਦੀ ਭਰਪੂਰ ਸ਼ਲਾਘਾ ਕੀਤੀ ਤੇ ਦਿਲਚਸਪ ਗੱਲਬਾਤ ਨਾਲ ਮਾਹੌਲ ਨੂੰ ਖੁਸ਼ਨੁਮਾ ਬਣਾਈ ਰੱਖਿਆ | ਅੰਤ ਵਿਚ ਡਾਇਰੈਕਟਰ ਐਸ.ਪੀ. ਮੌਂਗਾ ਨੇ ਸਮੂਹ ਸਟਾਫ਼ ਤੇ ਵਿਦਿਆਰਥੀਆਂ ਦਾ ਧੰਨਵਾਦ ਕੀਤਾ | ਇਸ ਮੌਕੇ ਐਂਕਰ ਰਵਨੀਤ ਸਿੰਘ ਨੂੰ ਬਾਬਾ ਫ਼ਰੀਦ ਜੀ ਦੀ ਯਾਦਗਾਰੀ ਤਸਵੀਰ ਨਾਲ ਮੁੱਖ ਮਹਿਮਾਨ ਅਮਨਦੀਪ ਸਿੰਘ ਚੇਅਰਮੈਨ ਮਾਰਕੀਟ ਕਮੇਟੀ ਫ਼ਰੀਦਕੋਟ ਤੇ ਪਿ੍ੰਸੀਪਲ ਅਮਰਦੀਪ ਸਿੰਘ ਵਿਰਕ ਤੇ ਸਮੂਹ ਸਟਾਫ਼ ਵਲੋਂ ਸਨਮਾਨਿਤ ਕੀਤਾ ਗਿਆ | ਇਸ ਮੌਕੇ ਪਿ੍ੰ: ਪ੍ਰੀਤਇੰਦਰ ਕੌਰ ਗੋਂਦਾਰਾ ਪੰਜਾਬ ਡਿਗਰੀ ਕਾਲਜ ਮਹਿਮੂਆਣਾ, ਪਿ੍ੰ: ਇੰਜ. ਗੁਰਜੀਤ ਸਿੰਘ ਗਾਂਧੀ ਮਾਲਵਾ, ਕਾਲਜ ਤੇ ਇਸ ਸੰਸਥਾ ਦੇ ਸਾਰੇ ਕਾਲਜਾਂ ਦਾ ਸਟਾਫ਼ ਅਤੇ ਵਿਦਿਆਰਥੀ ਹਾਜ਼ਰ ਸਨ |

ਪਿਛਲੀ ਖ਼ਬਰ ਖੂਨਦਾਨ ਕੈਂਪ ਲਗਾਇਆ ਅਗਲੀ ਖ਼ਬਰ ਸ਼ਹਿਰ ਦੀਆਂ ਸਟਰੀਟ ਲਾਈਟਾਂ ਬੰਦ ਹੋਣ 'ਤੇ ਲੋਕਾਂ 'ਚ ਭਾਰੀ ਰੋਸ

ਆਦੇਸ਼ ਕਾਲਜ 'ਚ 'ਕੰਟੀਨੀ ਮੰਡੀਰ ਦੀਆਂ ਲੱਗੀਆਂ ਰੌਣਕਾਂ' ਦੀ ਰਿਕਾਰਡਿੰਗ ਹੋਈ

ਸੰਬੰਧਿਤ ਖ਼ਬਰਾਂ