ਸ਼ਾਹਪੁਰ ਕੰਢੀ (ਪਠਾਨਕੋਟ), 10 ਅਪ੍ਰੇੈਲ (ਰਣਜੀਤ ਸਿੰਘ)- ਨਹਿਰਾਂ ਦੀ ਮੁਰੰਮਤ ਤੇ ਮਾਧੋਪੁਰ ਹਾਈਡਲ ਗੇਟਾਂ ਦੀ ਮੁਰੰਮਤ ਨੰੂ ਲੈ ਕੇ 20 ਅਪ੍ਰੈਲ ਤੱਕ ਰਣਜੀਤ ਸਾਗਰ ਡੈਮ ਤੋਂ ਬਿਜਲੀ ਉਤਪਾਦਨ ਬੰਦ ਕੀਤਾ ਗਿਆ ਹੈ | ਹਰ ਸਾਲ ਨਹਿਰਾਂ ਦੀ ਮੁਰੰਮਤ ਕਾਰਨ ਬਿਜਲੀ ਉਤਪਾਦਨ ਬੰਦ ਕੀਤਾ ਜਾਂਦਾ ਹੈ, ਕਿਉਂਕਿ ਇਨ੍ਹਾਂ ਦਿਨਾਂ ਵਿਚ ਮੀਂਹ ਪਿਆ ਹੈ ਤੇ ਖੇਤਾਂ ਦੀ ਸਿੰਚਾਈ ਲਈ ਪਾਣੀ ਦੀ ਲੋੜ ਘੱਟ ਹੈ | ਇਸ ਸਮੇਂ ਰਣਜੀਤ ਸਾਗਰ ਡੈਮ ਦੀ ਝੀਲ ਦਾ ਪੱਧਰ 515.72 ਮੀਟਰ ਪਹੁੰਚ ਗਿਆ ਹੈ, ਜੋ ਕਿ ਪਿਛਲੇ ਸਾਲ ਨਾਲੋਂ ਲਗਪਗ 10 ਮੀਟਰ ਵੱਧ ਹੈ | ਇਸ ਸਮੇਂ ਮਾਧੋਪੁਰ ਹਾਈਡਲ ਦੇ ਗੇਟ ਜੋ ਹੜ੍ਹਾਂ ਕਾਰਨ ਖਰਾਬ ਹੋ ਗਏ ਸਨ, ਉਨ੍ਹਾਂ ਦੀ ਮੁਰੰਮਤ ਵੀ ਜੰਗੀ ਪੱਧਰ 'ਤੇ ਚੱਲ ਰਹੀ ਹੈ |
