22-11-2026
ਅੱਖਰ:
Ad Position 18 No active advertisement
ਵਿਚਾਰ ਪ੍ਰਵਾਹ
ਪ੍ਰਕਾਸ਼ਿਤ: 19-05-2026

ਨੀਟ ਪ੍ਰੀਖਿਆ 'ਚ ਬਦਲਾਅ ਦੇ ਐਲਾਨ ਦਾ ਸਵਾਗਤ, ਵਿਦਿਆਰਥੀਆਂ ਲਈ ਹੋਣਗੇ ਲਾਭਦਾਇਕ- ਨਿਤਿਨ ਕੁਕਰੇਜਾ

Ad Position 21
No active advertisement
ਅਜੀਤ ਡੈਸਕ 19-05-2026

ਕੋਟਾ, 18 ਮਈ (ਅਜੀਤ ਬਿਊਰੋ)-ਸਿੱਖਿਆ ਮੰਤਰੀ ਧਰਮਿੰਦਰ ਪ੍ਰਧਾਨ ਵਲੋਂ ਨੀਟ ਪ੍ਰੀਖਿਆ ਦੇ ਸੰਚਾਲਨ 'ਚ ਬਦਲਾਅ ਸੰਬੰਧੀ ਕੀਤੇ ਗਏ ਐਲਾਨਾਂ ਦਾ ਐਲਨ ਕਰੀਅਰ ਇੰਸਟੀਚਿਊਟ ਨੇ ਸਵਾਗਤ ਕੀਤਾ ਹੈ | ਇਸ ਸਬੰਧ 'ਚ ਐਲਨ ਕਰੀਅਰ ਇੰਸਟੀਚਿਊਟ ਦੇ ਸੀ.ਈ.ਓ. ਨਿਤਿਨ ਕੁਕਰੇਜਾ ਨੇ ਕਿਹਾ ਕਿ ਸਿੱਖਿਆ ਮੰਤਰਾਲੇ ਵਲੋਂ ਲਏ ਗਏ ਫੈਸਲੇ ਬਹੁਤ ਸਵਾਗਤਯੋਗ ਹਨ | ਸਭ ਤੋਂ ਪਹਿਲਾਂ, ਪ੍ਰੀਖਿਆ ਨੂੰ ਸਮੇਂ ਸਿਰ ਦੁਬਾਰਾ ਕਰਵਾਉਣ ਦਾ ਫੈਸਲਾ ਢੁਕਵਾਂ ਸੀ | ਇਸ ਤੋਂ ਇਲਾਵਾ, ਮੁੜ ਨਿਰਧਾਰਤ ਪ੍ਰੀਖਿਆ ਦੀ ਮਿਤੀ ਦਾ ਵੀ ਐਲਾਨ ਕੀਤਾ ਗਿਆ ਹੈ | ਇਸ ਤੋਂ ਇਲਾਵਾ, ਅਗਲੇ ਸਾਲ ਤੋਂ ਕੰਪਿਊਟਰ-ਅਧਾਰਿਤ ਮੋਡ 'ਚ ਪ੍ਰੀਖਿਆ ਕਰਵਾਉਣ ਦਾ ਕਦਮ ਇਕ ਸਵਾਗਤਯੋਗ ਕਦਮ ਹੈ | ਇਸ ਨਾਲ ਪ੍ਰੀਖਿਆ ਪ੍ਰਣਾਲੀ 'ਚ ਵਧੇਰੇ ਪਾਰਦਰਸ਼ਤਾ ਆਵੇਗੀ ਤੇ ਪ੍ਰੀਖਿਆ ਪ੍ਰਕਿਰਿਆ 'ਚ ਵਿਦਿਆਰਥੀਆਂ ਅਤੇ ਮਾਪਿਆਂ ਦਾ ਵਿਸ਼ਵਾਸ ਵਧੇਗਾ¢ ਇਸ ਤੋਂ ਇਲਾਵਾ, ਵਿਦਿਆਰਥੀਆਂ 'ਚ ਪ੍ਰੀਖਿਆ ਨਾਲ ਸਬੰਧਿਤ ਤਣਾਅ ਨੂੰ ਘਟਾਉਣ ਲਈ ਸੁਝਾਅ ਦਿੰਦੇ ਹੋਏ, ਉਨ੍ਹਾਂ ਪ੍ਰਸਤਾਵ ਦਿੱਤਾ ਕਿ ਨੀਟ ਪ੍ਰੀਖਿਆ ਸਾਲ ਵਿਚ 2 ਵਾਰ ਕਰਵਾਈ ਜਾਣੀ ਚਾਹੀਦੀ ਹੈ | ਇਸ ਨਾਲ ਨਾ ਸਿਰਫ਼ ਵਿਦਿਆਰਥੀਆਂ ਵਿਚ ਤਣਾਅ ਦੇ ਪੱਧਰ ਘੱਟ ਹੋਣਗੇ ਸਗੋਂ ਉਨ੍ਹਾਂ ਨੂੰ 2 ਮੌਕੇ ਵੀ ਮਿਲਣਗੇ, ਜਿਸ ਨਾਲ ਉਹ ਆਪਣੇ ਆਪ ਨੂੰ ਬਿਹਤਰ ਪ੍ਰਦਰਸ਼ਨ ਲਈ ਬਿਹਤਰ ਢੰਗ ਨਾਲ ਤਿਆਰ ਕਰ ਸਕਣਗੇ | ਉਨ੍ਹਾਂ ਦੱਸਿਆ ਕਿ ਐਲਨ ਕਰੀਅਰ ਇੰਸਟੀਚਿਊਟ ਪ੍ਰੀਖਿਆ ਦੇ ਨਵੇਂ ਫਾਰਮੈਟ ਦੇ ਅਨੁਸਾਰ ਵਿਦਿਆਰਥੀਆਂ ਨੂੰ ਤਿਆਰ ਕਰਨ ਲਈ ਵਚਨਬੱਧ ਹੈ |

Ad Position 22
No active advertisement
ਪਿਛਲੀ ਖ਼ਬਰ ਸਰਕਾਰੀ ਸਕੀਮਾਂ ਦਾ ਲਾਭ ਲੈਣ ਲਈ ਹੁਣ ਕਿਸਾਨਾਂ ਨੂੰ ਵੀ ਜਾਰੀ ਹੋਣਗੇ ਯੂ.ਆਈ.ਡੀ. ਨੰਬਰ, ਸੂਬੇ 'ਚ ਰਜਿਸਟ੍ਰੇਸ਼ਨ ਦਾ ਕ... ਅਗਲੀ ਖ਼ਬਰ ਪੰਥਕ ਏਕਤਾ ਸਮੇਂ ਦੀ ਲੋੜ-ਗਿ: ਹਰਪ੍ਰੀਤ ਸਿੰਘ <br/>
Ad Position 24