ਜਲੰਧਰ, 4 ਜੁਲਾਈ (ਸ਼ਿਵ)-ਪੰਜਾਬ ਦੀਆਂ ਨਗਰ ਨਿਗਮਾਂ, ਨਗਰ ਕੌਂਸਲਾਂ ਤੇ ਨਗਰ ਪੰਚਾਇਤਾ ਨੂੰ ਜੀ.ਐਸ.ਟੀ. ਦੀ ਰਕਮ ਨਾ ਆਉਣ ਕਾਰਨ ਮੁਲਾਜ਼ਮਾਂ ਵਿਚ ਨਰਾਜ਼ਗੀ ਪਾਈ ਜਾ ਰਹੀ ਹੈ। ਇਸ ਬਾਰੇ ਜਾਣਕਾਰੀ ਦਿੰਦਿਆਂ ਮਿਉਂਸਪਲ ਵਰਕਰਜ ਫੈਡਰੇਸ਼ਨ ਦੇ ਸੂਬਾ ਪ੍ਰਧਾਨ ਗੁਰਪ੍ਰੀਤ ਵਾਲੀਆਂ ਬੁਢਲਾਡਾ, ਨਾਇਬ ਸਿੰਘ ਜੈਤੋ, ਸਤਿਨਾਮ ਅਹਿਮਦਗੜ੍ਹ, ਸੁਰਿੰਦਰ ਟੋਨਾ ਅਮ੍ਰਿਤਸਰ, ਪ੍ਰਦੀਪ ਮੁਨਕ, ਗੁਰਪ੍ਰੀਤ ਸਿੰਘ ਜਸਵੀਰ ਸਿੰਘ ਮਾਨਸਾ, ਮੁਹੰਮਦ ਹਨੀਫ਼ ਮਲੇਰਕੋਟਲਾ, ਬਲਵੀਰ ਖਹਿਰਾ ਗੁਰਦਾਸਪੁਰ, ਸਤਪਾਲ ਸਤੀ ਸੁਨਾਮ ਨੇ ਕਿਹਾ ਜੀ.ਐਸ.ਟੀ. ਦਾ ਪੈਸਾ ਸਰਕਾਰ ਪਤਾ ਨਹੀਂਂ ਕਿਥੇ ਵਰਤ ਰਹੀ ਹੈ ।ਪਿਛਲੇ ਦੋ ਮਹੀਨਿਆਂ ਤੋਂ ਮੁਲਾਜ਼ਮਾਂ ਤਨਖਾਹਾ ਲਈ ਤਰਸ ਰਹੇ ਹਨ, ਜਦੋਂਕਿ ਹੋਰ ਮਹਿਕਮਿਆਂ ਵਿਚ ਤਨਖਾਹਾ ਮਿਲ ਰਹੀਆਂ ਹਨ। ਜ਼ਿਕਰਯੋਗ ਹੈ ਚੂੰਗੀ ਬਦਲੇ ਵੈਟ ਦਾ 11 ਫ਼ਸਦੀ ਹਿੱਸਾ ਸਥਾਨਕ ਸਰਕਾਰਾਂ ਵਿਭਾਗ ਨੂੰ ਭੇਜਣ ਦਾ ਫੈਸਲਾ ਲਿਆ ਸੀ ਆਖਿਰ ਹੁਣ ਇਹ ਹਿੱਸਾ ਕਿਥੇ ਵਰਤਿਆ ਜਾ ਰਿਹਾ ਹੈ। ਉਨਾਂ ਨੇ ਮੰਗ ਕੀਤੀ ਕਿ ਇਸ ਰਕਮ ਨੂੰ ਜਲਦੀ ਜਾਰੀ ਕੀਤਾ ਜਾਵੇ।
