ਈਰਾਨੀ ਸਰਕਾਰੀ ਟੈਲੀਵਿਜ਼ਨ ਦੀ ਰਿਪੋਰਟ ਅਨੁਸਾਰ ਅਮਰੀਕਾ ਨੇ ਦੱਖਣੀ ਹੋਰਮੋਜ਼ਗਨ ਸੂਬੇ ’ਚ ਪੁਲਾਂ ਨੂੰ ਨਿਸ਼ਾਨਾ ਬਣਾ ਕੇ ਹਮਲੇ ਕੀਤੇ, ਜਿਸ ਵਿਚ ਘੱਟੋ-ਘੱਟ ਸੱਤ ਲੋਕ ਮਾਰੇ ਗਏ। ਇਨ੍ਹਾਂ ਹਮਲਿਆਂ ’ਚ ਹੋਰਮੋਜ਼ ਜਲਮਾਰਗ ’ਚ ਈਰਾਨ ਦੇ ਤੱਟ ‘ਤੇ ਸਥਿਤ ਸ਼ਹਿਰ ਬੰਦਰ ਖਾਮੀਰ ਨੂੰ ਵੀ ਨਿਸ਼ਾਨਾ ਬਣਾਇਆ ਗਿਆ। ਹਾਈਵੇਅ ਅਤੇ ਰੇਲਵੇ ਪੁਲ ‘ਤੇ ਹਮਲਿਆਂ ਦਾ ਮਕਸਦ ਈਰਾਨ ਦੀ ਮੁੱਖ ਬੰਦਰਗਾਹ ਬੰਦਰ ਅੱਬਾਸ ਦਾ ਸੰਪਰਕ ਉਨ੍ਹਾਂ ਸੜਕਾਂ ਨਾਲੋਂ ਕੱਟਣਾ ਹੈ ਜੋ ਇਸਲਾਮਿਕ ਗਣਰਾਜ ਦੇ ਮੱਧ ਖੇਤਰ ਅਤੇ ਅੱਗੇ ਰਾਜਧਾਨੀ ਤਹਿਰਾਨ ਤੱਕ ਜਾਂਦੀਆਂ ਹਨ।
