ਸੰਗਰੂਰ, 31 ਦਸੰਬਰ (ਸੁਖਵਿੰਦਰ ਸਿੰਘ ਫੁੱਲ, ਅਮਨਦੀਪ ਸਿੰਘ ਬਿੱਟਾ) - ਸਥਾਨਕ ਪੁਲਿਸ ਲਾਇਨ ਦੇ ਖੇਡ ਮੈਦਾਨ ਵਿਚ 550 ਦੇ ਕਰੀਬ ਬੱਚੇ ਵੱਖ ਵੱਖ ਖੇਡਾਂ ਦਾ ਅਭਿਆਸ ਕਰਦੇ ਹਨ | ਜ਼ਿਲ੍ਹਾ ਪੁਲਿਸ ਮੁਖੀ ਸਰਤਾਜ ਸਿੰਘ ਚਾਹਲ ਨੇ ਦੱਸਿਆ ਕਿ ਪੰਜਾਬ ਦੇ ਸਰਵੋਤਮ ਪੁਲਿਸ ਖੇਡ ਮੈਦਾਨ ਵਿਚ ਅਭਿਆਸ ਕਰਨ ਵਾਲੇ ਬੱਚਿਆਂ ਨੇ ਕੌਮੀ ਅਤੇ ਰਾਜ ਪੱਧਰ ਉੱਤੇ ਤੈਰਾਕੀ ਵਿਚੋਂ 151, ਸਕੇਟਿੰਗ ਵਿਚੋਂ 180, ਐਥਲੈਟਿਕਸ ਵਿਚੋਂ 39, ਰਾਈਫ਼ਲ ਸ਼ੂਟਿੰਗ ਵਿਚੋਂ 30, ਕਬੱਡੀ ਵਿਚੋਂ 49, ਬਾਕਸਿੰਗ ਵਿਚੋਂ 25, ਵਾਲੀਬਾਲ ਵਿਚੋਂ 19 ਅਤੇ ਬੈਡਮਿੰਟਨ ਵਿਚੋਂ 25 ਮੈਡਲ ਜਿੱਤ ਕੇ ਪੁਲਿਸ ਲਾਇਨ ਸੰਗਰੂਰ ਦਾ ਨਾਂਅ ਚਮਕਾਇਆ ਹੈ | ਉਨ੍ਹਾਂ ਦੱਸਿਆ ਕਿ ਇਸ ਪੁਲਿਸ ਲਾਇਨ ਵਿਚੋਂ ਅਭਿਆਸ ਕਰ ਕੇ 17 ਬੱਚਿਆਂ ਨੂੰ ਵੱਖ ਵੱਖ ਸਰਕਾਰੀ ਵਿਭਾਗਾਂ ਵਿਚ ਨੌਕਰੀਆਂ ਹਾਸਲ ਹੋਈਆਂ ਹਨ ਅਤੇ ਵੱਡੀ ਗਿਣਤੀ ਵਿਚ ਖਿਡਾਰੀਆਂ ਨੇ ਸਪੋਰਟਸ ਕੋਟੇ ਰਾਹੀਂ ਉੱਚ ਕੋਰਸਾਂ ਵਿਚ ਦਾਖਲਾ ਲਿਆ ਹੈ |
