ਅਹਿਮਦਗੜ, 8 ਜੁਲਾਈ (ਸੁਖਜੀਤ ਸਿੰਘ ਖੇੜਾ)-ਸਰਕਾਰ ਵੱਲੋਂ ਐਸਆਈਆਰ ਸਕੀਮ ਤਹਿਤ ਵੋਟਾਂ ਦੀ ਸੁਧਾਈ ਅਤੇ ਨਵੀਆਂ ਵੋਟਾਂ ਬਣਾਉਣ ਲਈ ਨਾਲ ਦੇ ਪਿੰਡ ਖੇੜਾ ਦੇ ਗੁਰਦੁਆਰਾ ਸਾਹਿਬ ਵਿਖੇ ਵਿਸ਼ੇਸ਼ ਕੈਂਪ ਲਗਾਇਆ ਗਿਆ, ਜਿਸ ਵਿੱਚ ਬੀ.ਐਲ.ਓ. ਸੁਭਮ ਸੇਠੀ ਅਤੇ ਮੈਡਮ ਕੁਲਵਿੰਦਰ ਕੌਰ ਵੱਲੋਂ ਵੱਡੀ ਗਿਣਤੀ ਵਿੱਚ ਪਿੰਡ ਦੇ ਵੋਟਰਾਂ ਦੇ ਫਾਰਮ ਭਰੇ ਗਏ। ਉਹਨਾਂ ਲੋਕਾਂ ਅਪੀਲ ਕੀਤੀ ਕਿ ਜਿਨਾਂ ਦੀਆਂ ਵੀ ਵੋਟਾਂ ਪਹਿਲਾਂ ਬਣੀਆਂ ਹੋਈਆਂ ਹਨ ਸਾਰਿਆਂ ਨੂੰ ਦੁਬਾਰਾ ਤੋਂ ਇਹ ਫਾਰਮ ਭਰਾ ਕੇ ਜਮਾ ਕਰਵਾਊਣੇ ਪੈਣੇ ਹਨ ਅਤੇ ਜਿਸ ਦੇ ਵੀ ਫਾਰਮ ਦੁਬਾਰਾ ਭਰ ਕੇ ਜਮਾ ਨਾ ਹੋਏ ਤਾਂ ਉਸਦੀ ਦੁਬਾਰਾ ਵੋਟ ਨਹੀਂ ਬਣੇਗੀ ਅਤੇ ਨਵੀਂ ਵੋਟਰ ਸੂਚੀ ਵਿੱਚ ਉਸਦਾ ਨਾਮ ਨਹੀਂ ਛਪੇਗਾ। ਇਸ ਮੌਕੇ ਤੇ ਸਰਪੰਚ ਕਵਿਤਾ ਕੌਰ, ਪੰਚ ਜਸਵਿੰਦਰ ਸਿੰਘ, ਪੰਚ ਦਲਜੀਤ ਸਿੰਘ, ਗੁਰਤੇਜ ਸਿੰਘ, ਸੁਖਜੀਤ ਸਿੰਘ, ਸੁਖਵਿੰਦਰ ਸਿੰਘ, ਤਰਲੋਚਨ ਸਿੰਘ ਤੇ ਵੱਡੀ ਗਿਣਤੀ ਵਿੱਚ ਪਿੰਡ ਵਾਸੀ ਹਾਜਰ ਸਨ।
