ਮਾਨਸਾ, 2 ਮਈ (ਰਵੀ)- ਸੀ.ਪੀ.ਆਈ.(ਐਮ.) ਤਹਿਸੀਲ ਕਮੇਟੀ ਦੀ ਮੀਟਿੰਗ ਇੱਥੇ ਕਾ. ਜਗਦੇਵ ਸਿੰਘ ਢੈਪਈ ਦੀ ਪ੍ਰਧਾਨਗੀ ਹੇਠ ਹੋਈ | ਪਾਰਟੀ ਦੇ ਜ਼ਿਲ੍ਹਾ ਸਕੱਤਰ ਅਤੇ ਸੂਬਾ ਸਕੱਤਰੇਤ ਮੈਂਬਰ ਐਡਵੋਕੇਟ ਸਵਰਨਜੀਤ ਸਿੰਘ ਦਲਿਓ ਨੇ ਦੱਸਿਆ ਕਿ 29 ਮਈ ਨੂੰ ਜਲੰਧਰ ਵਿਖੇ ਹੋ ਰਹੀ ਸੂਬਾ ਪੱਧਰੀ ਰੈਲੀ 'ਚ ਤਹਿਸੀਲ 'ਚੋਂ ਵੱਡੀ ਗਿਣਤੀ 'ਚ ਪਾਰਟੀ ਵਰਕਰ ਸ਼ਮੂਲੀਅਤ ਕਰਨਗੇ | ਜਥੇਬੰਦਕ ਫ਼ੈਸਲੇ ਤਹਿਤ ਕਾ. ਅਮਰਜੀਤ ਸਿੰਘ ਸਿੱਧੂ ਨੂੰ ਤਹਿਸੀਲ ਕਮੇਟੀ ਮਾਨਸਾ ਦਾ ਕਾਰਜਕਾਰੀ ਸਕੱਤਰ ਚੁਣਿਆ ਗਿਆ ਜਦਕਿ ਕਾ. ਸੀਤਾ ਰਾਮ ਗੋਇਲ ਕਮੇਟੀ ਮੈਂਬਰ ਲਏ ਗਏ | ਇਸ ਮੌਕੇ ਸੁਰੇਸ਼ ਕੁਮਾਰ, ਪਰਵਿੰਦਰ ਸਿੰਘ ਭੀਖੀ, ਬੀਰਬਲ ਸਿੰਘ ਚੌਹਾਨ, ਗੁਰਜੰਟ ਸਿੰਘ ਕੋਟੜਾ, ਜਸਵਿੰਦਰ ਸਿੰਘ ਭੀਖੀ, ਸੰਜੀਵ ਕੁਮਾਰ, ਦਰਸ਼ਨ ਸਿੰਘ ਜੋਗਾ, ਜਸਵਿੰਦਰ ਬਬਲੂ, ਅਮਨਦੀਪ ਸਿੰਘ ਬਿੱਟੂ, ਰਾਮ ਕੁਮਾਰ, ਸੁਨੀਲ ਕੁਮਾਰ ਆਦਿ ਹਾਜ਼ਰ ਸਨ |
