ਖੰਨਾ, 4 ਜਨਵਰੀ (ਹਰਜਿੰਦਰ ਸਿੰਘ ਲਾਲ)-ਖੰਨਾ-ਮਲੇਰਕੋਟਲਾ ਰੋਡ ਉੱਪਰ ਸਥਿਤ ਐਸ. ਆਰ. ਐਨ. ਸਪੈਸ਼ਲ ਸਕੂਲ ਇਕੋਲਾਹਾ ਵਿਚ ਸੂਦ ਡੈਂਟਲ ਹਸਪਤਾਲ ਮੰਡੀ ਗੋਬਿੰਦਗੜ੍ਹ ਦੇ ਮਾਲਕ ਡਾ. ਹਿਮਾਂਸ਼ੂ ਸੂਦ ਐਮ. ਡੀ. ਐਸ. ਦੀ ਅਗਵਾਈ ਹੇਠ ਦੰਦਾਂ ਦੀ ਜਾਂਚ ਦਾ ਮੁਫ਼ਤ ਮੈਡੀਕਲ ਕੈਪ ਲਗਾਇਆ ਗਿਆ | ਜਿਸ ਵਿਚ ਸਕੂਲੀ ਬੱਚੇ, ਸਟਾਫ਼, ਬੱਚਿਆਂ ਦੇ ਮਾਪੇ ਅਤੇ ਆਮ 100 ਤੋਂ ਵੱਧ ਵਿਅਕਤੀਆਂ ਦੀ ਦੰਦਾਂ ਦੀ ਜਾਂਚ ਕੀਤੀ ਗਈ ਅਤੇ ਲੋੜਵੰਦਾਂ ਨੂੰ ਮੁਫ਼ਤ ਦਵਾਈਆਂ ਦਿੱਤੀਆਂ ਗਈਆਂ | ਡਾ. ਸੂਦ ਨੇ ਦੰਦਾਂ ਦੀਆਂ ਵੱਧ ਰਹੀਆਂ ਬਿਮਾਰੀਆਂ ਤੋਂ ਬਚਾਅ ਲਈ ਸੁਝਾਅ ਵੀ ਦਿਤੇ ਗਏ | ਸਕੂਲ ਦੇ ਮਨੈਜਿੰਗ ਡਾਇਰੈਕਟਰ ਪ੍ਰਸ਼ਾਦ ਨੇ ਡਾ. ਸੂਦ ਅਤੇ ਉਸ ਦੀ ਟੀਮ ਦਾ ਸਵਾਗਤ ਕਰਦੇ ਹੋਏ ਜੀ ਆਇਆ ਆਖਿਆ | ਉਸ ਨੇ ਦਸਿਆ ਕਿ ਸਕੂਲ ਦਾ ਸਾਰਾ ਮਿਹਨਤੀ ਸਟਾਫ਼ ਬੱਚਿਆਂ ਨਾਲ ਪਰਿਵਾਰ ਵਾਂਗ ਪੇਸ਼ ਆਉਂਦਾ ਹੈ | ਇਸ ਮੌਕੇ ਸਰਕਾਰੀ ਐਲੀਮੈਂਟਰੀ ਸਕੂਲ ਲਲਹੇੜੀ ਦੀ ਹੈੱਡ ਟੀਚਰ ਅੰਜੂ ਸੂਦ, ਵਿਪਨ ਬਾਂਸਲ, ਗਊ ਸੇਵਾ ਸਮਿਤੀ ਅਮਲੋਹ ਦੇ ਪ੍ਰਧਾਨ ਭੂਸ਼ਨ ਸੂਦ, ਰਾਜਿੰਦਰ ਅਧੀਰ, ਰੀਟਾ ਅਧੀਰ, ਰਾਜ ਕੁਮਾਰ ਚੋਪੜਾ, ਰਜਨੀ ਚੋਪੜਾ, ਮੰਜੂ ਸਰਮਾ, ਭਾਵਨਾ ਬਜਾਜ, ਰੋਹਿਤ ਬਜਾਜ, ਦੀਪਿਕਾ ਢੀਂਗਰਾ, ਸਨੀ ਢੀਂਗਰਾ, ਰਮਨਦੀਪ, ਨਵੀ ਸੋਹੇਲ, ਮੁਕੇਸ਼ ਖੰਨਾ ਅਤੇ ਮੰਜੂ ਸੂਦ ਆਦਿ ਹਾਜ਼ਰ ਸਨ | ਇਸ ਮੌਕੇ ਸਕੂਲੀ ਬੱਚੇ ਗਿੰਨੀ ਸੂਦ, ਯਸ਼, ਅਭਿਸ਼ੇਕ ਮਾਂਡਲਾ, ਮਾਨਵ ਦੱਤਾ, ਅੰਕਿਤ ਚੋਪੜਾ, ਦਿਵਿਤ, ਏਰਨ ਤੁਲੀ, ਅਗਮ ਢੀਂਗਰਾ, ਏਕਮ ਸਿੰਘ ਸੋਹੇਲ ਅਤੇ ਅਨਮੋਲ ਖੰਨਾ ਆਦਿ ਨੇ ਰੰਗਾਰੰਗ ਪ੍ਰੋਗਰਾਮ ਪੇਸ਼ ਕੀਤਾ |
