ਮਾਛੀਵਾੜਾ ਸਾਹਿਬ, 8 ਅਪ੍ਰੈਲ (ਮਨੋਜ ਕੁਮਾਰ)-ਸਾਬਕਾ ਸਰਪੰਚ ਤੇ ਬਲਾਕ ਸੰਮਤੀ ਮੈਂਬਰ ਅਮਨਦੀਪ ਸਿੰਘ ਗੁਰੋਂ ਵਾਸੀ ਰਾਣਵਾਂ ਨੂੰ ਕਾਂਗਰਸ ਹਾਈਕਮਾਂਡ ਨੇ ਨਵੀਂ ਜ਼ਿੰਮੇਵਾਰੀ ਦਿੰਦਿਆਂ ਪਾਰਟੀ ਦੇ ਪੁਲਿਸ ਜ਼ਿਲ੍ਹਾ ਖੰਨਾ ਸਾ. ਸਕੱਤਰ ਨਿਯੁਕਤ ਕੀਤਾ ਹੈ | ਪ੍ਰਦੇਸ਼ ਪ੍ਰਧਾਨ ਅਮਰਿੰਦਰ ਸਿੰਘ ਰਾਜਾ ਵੜਿੰਗ ਦੇ ਦਸਤਖਤ ਹੇਠ ਜਾਰੀ ਪੱਤਰ ਵਿਚ ਇਸ ਨਿਯੁਕਤੀ ਦੇ ਨਾਲ-ਨਾਲ ਇਸ ਜ਼ਿਲੇ੍ਹ ਵਿਚ 50 ਹੋਰ ਨਵੀਆਂ ਨਿਯੁਕਤੀਆਂ ਵੀ ਕੀਤੀਆਂ ਹਨ | ਜਦੋਂ ਕਿ ਪੁਲਿਸ ਜ਼ਿਲ੍ਹਾ ਖੰਨਾ ਦੀ ਇਸ ਕਾਂਗਰਸ ਟੀਮ ਦੇ ਪ੍ਰਧਾਨ ਸਾਬਕਾ ਵਿਧਾਇਕ ਲਖਵੀਰ ਸਿੰਘ ਲੱਖਾ ਹਨ | ਪਾਰਟੀ ਵਲੋਂ ਇਨ੍ਹਾਂ ਨਿਯੁਕਤੀਆਂ ਵਿਚ ਜਿੱਥੇ ਕੁੱਝ ਪੁਰਾਣੇ ਸਾਥੀ ਸ਼ਾਮਿਲ ਹਨ, ਉੱਥੇ ਨਾਲ ਹੀ ਬਹੁਤੇ ਨਵੇਂ ਮਿਹਨਤੀ ਆਗੂਆਂ ਨੂੰ ਜਗਾ ਦਿੱਤੀ ਗਈ ਹੈ | ਹਲਕਾ ਇੰਚਾਰਜ ਰੁਪਿੰਦਰ ਸਿੰਘ ਰਾਜਾ ਗਿੱਲ ਦੀ ਇਸ ਜੁਝਾਰੂ ਟੀਮ ਦੇ ਗਠਨ ਨਾਲ ਕਾਂਗਰਸ ਪਾਰਟੀ ਦਾ ਢਾਂਚਾ ਪਹਿਲਾ ਨਾਲੋਂ ਵੀ ਹੋਰ ਜ਼ਿਆਦਾ ਮਜ਼ਬੂਤੀ ਨਾਲ ਨਿੱਤਰੇਗਾ |
