ਮਾਛੀਵਾੜਾ ਸਾਹਿਬ, 14 ਮਈ (ਰਾਜਦੀਪ ਸਿੰਘ ਅਲਬੇਲਾ)-ਸਥਾਨਕ ਸ਼ਹੀਦ ਭਗਤ ਸਿੰਘ ਪਬਲਿਕ ਹਾਈ ਸਕੂਲ ਦੇ ਵਿਦਿਆਰਥੀਆਂ ਦਾ ਪੰਜਾਬ ਸਕੂਲ ਸਿੱਖਿਆ ਬੋਰਡ ਵਲੋਂ ਐਲਾਨੇ ਦਸਵੀਂ ਜਮਾਤ ਦੀ ਪ੍ਰੀਖਿਆ ਦੇ ਨਤੀਜਿਆਂ ਵਿਚ ਵਧੀਆ ਪ੍ਰਦਰਸ਼ਨ ਰਿਹਾ | ਸਕੂਲ ਪ੍ਰਬੰਧਕ ਦਰਸ਼ਨ ਜੈਨ ਨੇ ਦੱਸਿਆ ਕਿ ਵਿਦਿਆਰਥਣ ਸੰਦੀਪ ਕੌਰ ਨੇ 90.62 ਪ੍ਰਤੀਸ਼ਤ ਅੰਕ ਪ੍ਰਾਪਤ ਕਰ ਕੇ ਸਕੂਲ 'ਚੋਂ ਪਹਿਲਾ ਸਥਾਨ, ਜਾਨਵੀ ਨਾਗਪਾਲ ਨੇ 88.62 ਪ੍ਰਤੀਸ਼ਤ ਅੰਕ ਪ੍ਰਾਪਤ ਕਰ ਕੇ ਦੂਜਾ ਅਤੇ ਉਸੈਮਾ ਨੇ 87.85 ਪ੍ਰਤੀਸ਼ਤ ਅੰਕ ਪ੍ਰਾਪਤ ਕਰ ਕੇ ਤੀਜਾ ਸਥਾਨ ਹਾਸਿਲ ਕੀਤਾ | ਇਸ ਤੋਂ ਇਲਾਵਾ ਸਾਧਨਾ ਕੁਮਾਰੀ ਨੇ 84.31 ਪ੍ਰਤੀਸ਼ਤ, ਤਨਵੀਰ ਕੌਰ ਨੇ 81.69 ਪ੍ਰਤੀਸ਼ਤ, ਜਸਪ੍ਰੀਤ ਸਿੰਘ ਨੇ 81.54 ਪ੍ਰਤੀਸ਼ਤ, ਤਨੀਸ਼ਾ ਕੁਮਾਰੀ ਨੇ 80.46 ਪ੍ਰਤੀਸ਼ਤ, ਅਰੂਸ਼ੀ ਨੇ 79.85 ਪ੍ਰਤੀਸ਼ਤ, ਨਿਸ਼ਾ ਨੇ 79.69 ਪ੍ਰਤੀਸ਼ਤ ਅਤੇ ਵੀਰ ਜੁਝਾਰ ਸਿੰਘ ਨੇ 77.23 ਪ੍ਰਤੀਸ਼ਤ ਅੰਕ ਲੈ ਕੇ ਆਪਣਾ ਨਾਮ ਸਕੂਲ ਦੇ ਪਹਿਲੇ ਦਸ ਵਿਦਿਆਰਥੀਆਂ ਦੀ ਸੂਚੀ ਵਿਚ ਦਰਜ ਕਰਵਾਇਆ | ਸਕੂਲ ਪਿ੍ੰਸੀਪਲ ਅਨੀਤਾ ਜੈਨ ਨੇ ਸਕੂਲ ਸਟਾਫ਼ ਦੀ ਅਣਥੱਕ ਮਿਹਨਤ ਦੀ ਸ਼ਲਾਘਾ ਕੀਤੀ |
