ਲੁਧਿਆਣਾ-ਦੋਰਾਹਾ ਦੱਖਣੀ ਬਾਈਪਾਸ ਦਾ ਰੇਲਵੇ ਫਾਟਕ 25 ਤੋਂ 27 ਜੂਨ ਤੱਕ ਬੰਦ ਰਹੇਗਾ

ਦੋਰਾਹਾ, 24 ਜੂਨ (ਪੱਤਰ ਪ੍ਰੇਰਕ)-ਸ਼ਹਿਰ ਦੋਰਾਹਾ ਦੇ ਬਰਾਬਰੋਂ ਲੰਘਦੀ ਨਹਿਰ ਸਰਹਿੰਦ ਦੇ ਲੁਧਿਆਣਾ-ਦੋਰਾਹਾ ਦੱਖਣੀ ਬਾਈਪਾਸ ਤੋਂ ਲੰਘਦੀ ਰੇਲਵੇ ਲਾਈਨ ਦਾ ਫਾਟਕ 25 ਜੂਨ ਤੋਂ 27 ਜੂਨ, ਤਿੰਨ ਦਿਨਾਂ ਲਈ ਬੰਦ ਰਹੇਗਾ। ਜਿਸ ਦੇ ਬਾਰੇ ਰੇਲਵੇ ਵਿਭਾਗ ਦੇ ਐਸ. ਐਸ. ਸੀ. ਜਸਮੇਲ ਸਿੰਘ ਨੇ ਲਿਖਤੀ ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਕਿ ਰੇਲਵੇ ਵਿਭਾਗ ਵੱਲੋਂ ਫਾਟਕਾਂ ਵਿਚਕਾਰ ਪੈਂਦੀ ਸੜਕ ਦੀ ਅਤੇ ਹੋਰ ਮੁਰੰਮਤ ਕਰਨ ਲਈ ਰੇਲਵੇ ਫਾਟਕ 25 ਜੂਨ ਦੀ ਸਵੇਰ 7 ਵਜੇ ਤੋਂ 27 ਜੂਨ ਦੀ ਸ਼ਾਮ 7 ਵਜੇ ਤੱਕ, ਤਿੰਨ ਦਿਨਾਂ ਲਈ ਬੰਦ ਰਹੇਗਾ। ਸੋ ਇਸ ਰਸਤਿਓਂ ਵਾਹਨ ਲੈ ਕੇ ਆਉਣ ਜਾਣ ਵਾਲੇ ਰਾਹੀ, ਸਮੇਂ ਦਾ ਧਿਆਨ ਰੱਖਣ ਤਾਂ ਕਿ ਉਹ ਹੋਣ ਵਾਲੀ ਪਰੇਸ਼ਾਨੀ ਤੋਂ ਬਚ ਸਕਣ।