ਸੰਗਰੂਰ, 2 ਮਈ (ਧੀਰਜ ਪਸੋਰੀਆ) - ਸ਼ਿਵ ਸ਼ੰਕਰ ਬਿਰਧ ਆਸ਼ਰਮ ਸੰਗਰੂਰ ਉਨ੍ਹਾਂ ਬੇਸਹਾਰਾ ਬਜ਼ੁਰਗਾਂ ਦਾ ਆਸਰਾ ਬਣਿਆ ਹੋਇਆ ਹੈ ਜਿੰਨਾ ਬਜ਼ੁਰਗਾਂ ਨੂੰ ਘਰਾਂ ਵਿਚੋਂ ਢੋਈ ਨਹੀਂ ਮਿਲੀ | ਪੁੱਤਾਂ-ਧੀਆਂ ਵਲੋਂ ਦੁਤਕਾਰ ਕੇ ਘਰੋਂ ਕੱਢਣ ਵਾਲੇ ਬਜ਼ੁਰਗਾਂ ਨੂੰ ਇਹ ਆਸ਼ਰਮ ਸਹਾਰਾ ਦੇ ਕੇ ਉਨ੍ਹਾਂ ਦੀਆਂ ਸਰੀਰਕ ਅਤੇ ਮਾਨਸਿਕ ਲੋੜਾਂ ਦੀ ਪੂਰਤੀ ਲਈ ਸਹਾਈ ਹੋ ਰਿਹਾ ਹੈ | ਆਸ਼ਰਮ ਵਿਚ ਸ਼ਰਨ ਲੈਣ ਵਾਲੇ ਬਜ਼ੁਰਗ ਮਰਦ ਜਾਂ ਅÏਰਤ ਦੇ ਪੁੱਤ ਧੀਆਂ ਨੂੰ ਬੁਲਾ ਕੇ ਪਹਿਲੀ ਸਟੇਜ ਤੇ ਉਨ੍ਹਾਂ ਦੀ ਘਰ ਵਾਪਸੀ ਦੀ ਹਰ ਸੰਭਵ ਕੋਸ਼ਿਸ਼ ਕੀਤੀ ਜਾਂਦੀ ਹੈ | ਅਜਿਹੇ ਕਈ ਤਿੜਕੇ ਹੋਏ ਰਿਸ਼ਤਿਆਂ ਨੂੰ ਫਿਰ ਤੋਂ ਜੋੜਨ ਲਈ ਆਸ਼ਰਮ ਵਲੋਂ ਹਰ ਸੰਭਵ ਕੋਸ਼ਿਸ਼ ਕੀਤੀ ਜਾਂਦੀ ਹੈ | ਇਹ ਆਸ਼ਰਮ ਵਲੋਂ ਕੋਈ ਸਰਕਾਰੀ ਗਰਾਂਟ ਪ੍ਰਾਪਤ ਨਹੀਂ ਕੀਤੀ ਜਾਂਦੀ ਅਤੇ ਇਹ ਆਸ਼ਰਮ ਸਿਰਫ਼ ਲੋਕਾਂ ਦੇ ਦਾਨ ਅਤੇ ਟਰੱਸਟੀਆਂ ਵਲੋਂ ਪਾਏ ਆਰਥਿਕ ਯੋਗਦਾਨ ਦੇ ਸਹਾਰੇ ਸਫਲਤਾ ਪੂਰਵਕ ਚੱਲ ਰਿਹਾ ਹੈ | ਆਸ਼ਰਮ ਵਿਚ ਬਜ਼ੁਰਗਾਂ ਦੇ ਮਨੋਰੰਜਨ ਲਈ ਟੈਲੀਵਿਜ਼ਨ, ਪੜਨ ਲਈ ਅਖ਼ਬਾਰ ਤੇ ਲਾਇਬਰੇਰੀ ਵੀ ਸਥਾਪਿਤ ਕੀਤੀ ਹੋਈ ਹੈ | ਪ੍ਰਭੁ ਸਿਮਰਨ, ਯੋਗਾ ਅਤੇ ਮੈਡੀਟੇਸ਼ਨ ਵਰਗੀਆਂ ਕਿਰਿਆਵਾਂ ਵੀ ਕਰਵਾਈਆਂ ਜਾਂਦੀਆਂ ਹਨ | ਸਿਵਲ ਸਰਜਨ ਡਾ. ਅਮਰਜੀਤ ਕÏਰ ਅਤੇ ਐਸਐਮਓ ਡਾ. ਵਿਨੋਦ ਗਰਗ ਵਲੋਂ ਹਰ 15 ਦਿਨਾਂ ਬਾਅਦ ਡਾਕਟਰਾਂ ਦੀ ਟੀਮ ਭੇਜ ਕੇ ਬਜ਼ੁਰਗਾਂ ਦੀ ਸਿਹਤ ਦਾ ਨਿਰੀਖਣ ਕੀਤਾ ਜਾਂਦਾ ਹੈ | ਸਮੇਂ ਸਮੇਂ ਸਿਰ ਧਾਰਮਿਕ ਅਤੇ ਸੱਭਿਆਚਾਰਕ ਪ੍ਰੋਗਰਾਮ ਕਰ ਕੇ ਆਸ਼ਰਤ ਬਜ਼ੁਰਗਾਂ ਦਾ ਮਨੋਰੰਜਨ ਵੀ ਕੀਤਾ ਜਾਂਦਾ ਹੈ | ਬਜ਼ੁਰਗਾਂ ਦੀ ਤੰਦਰੁਸਤੀ ਲਈ ਸਿਹਤਮੰਦ ਖਾਣਾ, ਦੁੱਧ ਅਤੇ ਫਲਾਂ ਦਾ ਪ੍ਰਬੰਧ ਵੀ ਕੀਤਾ ਜਾਂਦਾ ਹੈ | ਸਮੇਂ ਸਮੇਂ ਇਹ ਬਜ਼ੁਰਗ, ਪ੍ਰਬੰਧਕਾਂ ਦੇ ਧਿਆਨ ਵਿਚ ਲਿਆ ਕੇ ਆਪਣੇ ਰਿਸ਼ਤੇਦਾਰਾਂ ਕੋਲ ਵੀ ਜਾ ਆਉਂਦੇ ਹਨ | ਇਹਨਾਂ ਦੇ ਪਹਿਨਣ ਲਈ ਸਾਫ਼ ਸੁਥਰੇ ਕੱਪੜੇ ਅਤੇ ਠਹਿਰਨ ਲਈ ਹਵਾਦਾਰ ਕਮਰਿਆਂ ਦਾ ਪ੍ਰਬੰਧ ਹੈ! ਸਾਫ਼ ਪਾਣੀ ਪੀਣ ਲਈ ਆਰ ਓ ਤੇ ਵਾਟਰ ਕੂਲਰ ਦਾ ਪ੍ਰਬੰਧ ਵੀ ਕੀਤਾ ਹੋਇਆ ਹੈ | ਇਸ ਵੇਲੇ ਆਸ਼ਰਮ ਵਿਚ ਇੱਕ ਦਰਜਨ ਆਸ਼ਰਤ ਬਜ਼ੁਰਗ ਜ਼ਿੰਦਗੀ ਦਾ ਸਫ਼ਰ ਤਹਿ ਕਰ ਰਹੇ ਹਨ | ਦੋ ਲੋੜਵੰਦ ਅਤੇ ਬਿਮਾਰ ਮਰੀਜ਼ਾਂ ਦਾ ਖਾਣਾ ਵੱਖਰੇ ਤÏਰ 'ਤੇ ਉਨ੍ਹਾਂ ਦੇ ਘਰ ਪਹੁੰਚਾਇਆ ਜਾਂਦਾ ਹੈ¢ ਸਥਾਨਕ ਗਊਸ਼ਾਲਾ ਵਲੋਂ ਰੋਜ਼ਾਨਾ ਦੋ ਕਿੱਲੋ ਦੁੱਧ ਆਸ਼ਰਮ ਨੂੰ ਦਿੱਤਾ ਜਾਂਦਾ ਹੈ | ਟਰਸਟੀ ਅਤੇ ਤਿੰਨ ਕਰਮਚਾਰੀ ਹਰ ਵੇਲੇ ਇਹਨਾਂ ਦੀ ਦੇਖਭਾਲ ਲਈ ਯਤਨਸ਼ੀਲ ਰਹਿੰਦੇ ਹਨ | ਇਸ ਆਸ਼ਰਮ ਦੇ ਬਾਣੀ ਸ੍ਰੀ ਦਾਸੂ ਰਾਮ ਸਨ ਅਤੇ ਇਹ ਆਸ਼ਰਮ 1997 ਵਿਚ ਹੋਂਦ ਵਿਚ ਆਇਆ ਸੀ | ਇਸ ਵੇਲੇ ਆਸ਼ਰਮ ਦੇ ਪ੍ਰਧਾਨ ਮੋਹਨ ਸ਼ਰਮਾ, ਸੀਨੀਅਰ ਮੀਤ ਪ੍ਰਧਾਨ ਜਤਿੰਦਰ ਕਾਲੜਾ, ਖ਼ਜ਼ਾਨਚੀ ਏ ਪੀ ਸਿੰਘ, ਟਰੱਸਟੀ ਦÏਲਤ ਰਾਮ, ਹਾਕਮ ਸਿੰਘ, ਹਰਪਾਲ ਸਿੰਘ, ਕ੍ਰਿਸ਼ਨ ਅਰੋੜਾ ਆਪਣੀ ਜ਼ਿੰਮੇਵਾਰੀ ਪੂਰੀ ਤਨਦੇਹੀ ਨਾਲ ਨਿਭਾ ਰਹੇ ਹਨ | ਆਸ਼ਿਰਤ ਬਜ਼ੁਰਗਾਂ ਤੋਂ ਕੋਈ ਫ਼ੀਸ ਆਦਿ ਨਹੀਂ ਲਈ ਜਾਂਦੀ | ਲੋੜਵੰਦ ਅਤੇ ਪੀੜਤ ਬਜ਼ੁਰਗ 94171-48866 ਜਾਂ 80549-69606 ਤੇ ਸੰਪਰਕ ਕਰ ਸਕਦੇ ਹਨ ਜਾਂ ਆਪਣਾ ਆਧਾਰ ਕਾਰਡ ਲੈ ਕੇ ਉਭਵਾਲ ਰੋਡ, ਨਜ਼ਦੀਕ ਰੇਲਵੇ ਫਾਟਕ ਤੇ ਸਥਿਤ ਇਸ ਆਸ਼ਰਮ ਵਿਚ ਆ ਸਕਦੇ ਹਨ | ਕਿਸੇ ਵੀ ਨਸ਼ੱਈ, ਝਗੜਾਲੂ ਜਾਂ ਮੁਕੱਦਮੇਬਾਜ਼ ਬਜ਼ੁਰਗ ਨੂੰ ਦਾਖਲ ਨਹੀਂ ਕੀਤਾ ਜਾਂਦਾ ਹੈ |
