ਬਾਲ ਗੀਤ ਸ਼ਰਾਰਤੀ ਚੂਹਾ

* ਮਲਕੀਤ ਸਿੰਘ ਗਿੱਲ (ਭੱਠਲਾਂ) *

ਟਕ ਟਕ ਦੀ ਆਵਾਜ਼ ਪਈ ਆਵੇ
ਜਿਵੇਂ ਚੀਜ਼ ਕੋਈ ਟੁੱਕੀਂ ਜਾਵੇ
ਜਦੋਂ ਖੋਲ੍ਹਿਆ ਸੀ ਮੈਂ ਬੂਹਾ।

ਵੇਖਿਆ ਇਕ ਸ਼ਰਾਰਤੀ ਚੂਹਾ,
ਗਿੱਠ ਕੁ ਲੰਮੀ ਪੂਛ ਓਸ ਦੀ
ਚੂੰ ਚੂੰ ਕਰਦੀ ਚੂਕ ਓਸਦੀ
ਖੀਰੇ ਵਰਗਾ ਗੋਲ ਜਾ ਢੂਹਾ
ਵੇਖਿਆ ਅੱਜ...।

ਕੰਨ ਸੀ ਉਹਦੇ ਤਿੱਖੇ-ਤਿੱਖੇ
ਵਾਲ ਚੂਹੇ ਦੇ ਭੂਰੇ ਚਿੱਟੇ
ਕੂਲਾ ਜਾ ਸੀ ਜਦ ਮੈਂ ਛੂਹਾ
ਵੇਖਿਆ ਅੱਜ...।

ਵੜ ਜਾਂਦਾ ਉਹ ਵਿਚ ਰਸੋਈ
ਛੱਡਦਾ ਚੀਜ਼ ਨਾ ਸਾਬਤ ਕੋਈ
ਮੂੰਹ ਉਸ ਦਾ ਜਿਵੇਂ ਕੋਈ ਸੂਆ।
ਵੇਖਿਆ ਅੱਜ...।

ਭਾਲ ਭਾਲ ਕੇ ਬਿੱਲੀ ਥੱਕੀ
ਖੱਡ 'ਚ ਵੜ ਗਿਆ ਅੱਖ ਝਮੱਕੀ
ਜ਼ੋਰ ਲਗਾਇਆ ਨਾ ਉਹ ਮੂਆ।
ਵੇਖਿਆ ਅੱਜ...।

ਪੇਟੀ ਥੱਲੇ ਜਿੰਦਰਾ ਲਾਇਆ
'ਗਿੱਲ ਮਲਕੀਤ' ਨੇ ਮਸਾਂ ਫਸਾਇਆ
ਫੇਰ ਟਪਾ ਕੇ ਆਇਆ ਸੂਆ
ਵੇਖਿਆ ਅੱਜ ਸ਼ਰਾਰਤੀ ਚੂਹਾ।

-ਸੰਪਰਕ : 79865-28225
ਵਟਸਐਪ : 94174-90943