ਰੁੱਖ ਨੇ ਫਕੀਰ ਰੱਬ ਦੇ, ਕਾਹਤੋੋਂ ਬੰਦਿਆ ਤੂੰ ਰੁੱਖ ਨੇ ਉਜਾੜੇ |
ਰੁੱਖ ਨੇ ਫਕੀਰ ਰੱਬ ਦੇ, ਕਾਹਤੋਂ ਮਾਰਦੈਂ ਤੂੰ ਰੁੱਖਾਂ ਦੇ ਕੁਹਾੜੇ |
ਮਾਵਾਂ ਜਿਹੀਆਂ ਛਾਵਾਂ ਬਿਨਾਂ ਭੇਦ-ਭਾਵ ਦਿੰਦੇ ਨੇ |
ਆਲ੍ਹਣੇ ਬਣਾਉਂਦੇ ਆ ਕੇ ਲੱਖਾਂ ਹੀ ਪਰਿੰਦੇ ਨੇ |
ਜਾਂਦੇ ਫੇਰ ਵੀ ਨੇ ਅੱਗ ਵਿਚ ਸਾੜੇ |
ਰੁੱਖ ਨੇ ਫਕੀਰ ਰੱਬ ਦੇ, ਕਾਹਤੋਂ ਮਾਰਦੈਂ ਤੂੰ ਰੁੱਖਾਂ ਦੇ ਕੁਹਾੜੇ |
ਰਹੇ ਜੇ ਨਾ ਰੁੱਖ ਸਾਨੂੰ ਸਾਹ ਕਿਵੇਂ ਆਵੇਗਾ?
ਮਾਵਾਂ ਬਾਝੋਂ ਕੌਣ ਸਾਨੂੰ ਗੋਦ 'ਚ ਖਿਡਾਵੇਗਾ?
ਪਿਓਆਂ ਬਾਝੋਂ ਕੋਈ ਚੁੱਕੇ ਨਾ ਕੰਧਾੜੇ |
ਰੁੱਖ ਨੇ ਫਕੀਰ ਰੱਬ ਦੇ, ਕਾਹਤੋਂ ਮਾਰਦੈਂ ਤੂੰ ਰੁੱਖਾਂ ਦੇ ਕੁਹਾੜੇ |
ਦਸ-ਦਸ ਰੁੱਖ ਵੱਢਦੇ ਹੋ ਇਕ ਵੀ ਨਾ ਲਾਉਂਦੇ ਹੋ |
ਆਉਣ ਵਾਲੇ ਜੀਆਂ ਲਈ ਕਹਿਰ ਕਮਾਉਂਦੇ ਹੋ |
ਹਨੇਰੇ ਪਹਿਲਾਂ ਹੀ ਬੜੇ ਨੇ ਗਾਹੜੇ |
ਰੁੱਖ ਨੇ ਫਕੀਰ ਰੱਬ ਦੇ, ਕਾਹਤੋ ਮਾਰਦੈਂ ਤੂੰ ਰੁੱਖਾਂ ਦੇ ਕੁਹਾੜੇ |
ਜਿਊਣਾ ਜੇ ਹੋ ਚਾਹੁੰਦੇ ਗੱਲ ਸੁਣੋ 'ਰਤਨਪਾਲ' ਦੀ |
ਰੁੱਖ ਵੀ ਨੇ ਲਾਉਣੇ ਨਾਲ਼ੇ ਕਰਨੀ ਸੰਭਾਲ਼ ਵੀ |
ਸੌਖੇ ਹੋ ਜਾਣੇ ਜਿੰਦ ਦੇ ਦਿਹਾੜੇ |
ਰੁੱਖ ਨੇ ਫਕੀਰ ਰੱਬ ਦੇ, ਕਾਹਤੋਂ ਮਾਰਦੈਂ ਤੂੰ ਰੁੱਖਾਂ ਦੇ ਕੁਹਾੜੇ |
-ਵਾਰਡ ਨੰਬਰ 13, ਡਾਕਟਰ ਸੇਠੀ ਸਟਰੀਟ, ਲਹਿਰਾ ਗਾਗਾ-148031 ਜ਼ਿਲ੍ਹਾ ਸੰਗਰੂਰ
ਮੋਬਾਈਲ : 94784-84000
