ਹਰੇ ਹਕੀਮ

ਸਾਡੇ ਆਲੇ-ਦੁਆਲੇ ਹਜ਼ਾਰਾਂ ਅਜਿਹੇ ਪੌਦੇ ਮੌਜੂਦ ਹਨ ਜੋ ਬਹੁਤ ਹੀ ਗੁਣਕਾਰੀ ਅਤੇ ਔਸ਼ਧੀ ਮਹੱਤਤਾ ਵਾਲੇ ਹਨ। ਪਰੰਤੂ ਉਨ੍ਹਾਂ ਦੇ ਗੁਣਾਂ ਅਤੇ ਲਾਭਾਂ ਬਾਰੇ ਪੂਰੀ ਜਾਣਕਾਰੀ ਨਾ ਹੋਣ ਕਾਰਨ ਅਸੀਂ ਅਕਸਰ ਉਨ੍ਹਾਂ ਨੂੰ ਅਣਡਿੱਠਾ ਕਰ ਦਿੰਦੇ ਹਾਂ। ਅਜਿਹੇ ਹੀ ਲਾਭਕਾਰੀ ਪੌਦਿਆਂ ਬਾਰੇ ਆਪਣੇ ਪਾਠਕਾਂ ਨੂੰ ਜਾਣੂ ਕਰਵਾਉਣ ਦੇ ਉਦੇਸ਼ ਨਾਲ਼ ਅਦਾਰਾ 'ਅਜੀਤ' ਵਲੋਂ 'ਹਰੇ ਹਕੀਮ' ਨਾਂਅ ਦੀ ਇਕ ਵਿਸ਼ੇਸ਼ ਲੜੀ ਪ੍ਰਕਾਸ਼ਿਤ ਕੀਤੀ ਜਾ ਰਹੀ ਹੈ, ਜਿਸ ਤਹਿਤ ਹਰ ਹਫ਼ਤੇ ਇਕ ਪੌਦੇ ਦੇ ਗੁਣਾਂ ਅਤੇ ਉਸ ਤੋਂ ਮਿਲਣ ਵਾਲੇ ਸਿਹਤਮੰਦ ਅਤੇ ਵਾਤਾਵਰਣਕ ਲਾਭਾਂ ਬਾਰੇ ਜਾਣਕਾਰੀ ਪ੍ਰਕਾਸ਼ਿਤ ਕੀਤੀ ਜਾਵੇਗੀ।
ਇਹ ਜਾਣਕਾਰੀ ਬਾਗਬਾਨੀ ਦੇ ਮਾਹਿਰ ਅਤੇ ਪੰਜਾਬ ਸਰਕਾਰ ਦੇ ਅਦਾਰੇ ਪੁੱਡਾ ਵਿਚ ਨਿਗਰਾਨ ਇੰਜੀਨੀਅਰ (ਬਾਗਬਾਨੀ) ਵਜੋਂ ਸੇਵਾ ਨਿਭਾ ਰਹੇ ਸਰਦਾਰ ਮਨਦੀਪ ਸਿੰਘ ਲਾਚੋਵਾਲ ਵਲੋਂ ਦਿੱਤੀ ਜਾਇਆ ਕਰੇਗੀ। -ਸੰਪਾਦਕ