ਮੋਟਾਪਾ ਵਧਾਉਂਦਾ ਹੈ ਔਰਤਾਂ ਵਿਚ ਅੰਤੜੀਆਂ ਦੇ ਕੈਂਸਰ ਦੀ ਸੰਭਾਵਨਾ

ਮਾਹਿਰਾਂ ਅਨੁਸਾਰ ਮੋਟਾਪਾ ਅੰਤੜੀਆਂ ਦੇ ਕੈਂਸਰ ਦੀ ਸੰਭਾਵਨਾ ਨੂੰ ਵਧਾਉਂਦਾ ਹੈ। ਇਕ ਖੋਜ ਵਿਚ ਮਾਹਿਰਾਂ ਨੇ ਪਾਇਆ ਕਿ ਮੋਟਾਪੇ ਕਾਰਨ ਔਰਤਾਂ ਵਿਚ ਅੰਤੜੀਆਂ ਦਾ ਕੈਂਸਰ ਹੋਣ ਦੀ ਸੰਭਾਵਨਾ ਦੁੱਗਣੀ ਪਾਈ ਗਈ। ਇਸ ਖੋਜ ਵਿਚ 527 ਔਰਤਾਂ ਨੂੰ ਅਧਿਐਨ ਦਾ ਵਿਸ਼ਾ ਬਣਾਇਆ ਗਿਆ ਅਤੇ 10 ਸਾਲ ਤੱਕ ਅਧਿਐਨ ਤੋਂ ਬਾਅਦ ਇਹ ਨਤੀਜਾ ਕੱਢਿਆ ਗਿਆ। ਇਸ ਖੋਜ ਵਿਚ ਇਕ ਹੋਰ ਗੱਲ ਸਾਹਮਣੇ ਆਈ ਕਿ ਮੈਨੋਪਾਜ ਤੋਂ ਬਾਅਦ ਮੋਟਾਪਾਗ੍ਰਸਤ ਹੋਣ 'ਤੇ ਅੰਤੜੀਆਂ ਦਾ ਕੈਂਸਰ ਹੋਣ ਦੀ ਸੰਭਾਵਨਾ ਜ਼ਿਆਦਾ ਨਹੀਂ ਪਾਈ ਗਈ 'ਤੇ ਮੈਨੋਪਾਜ ਤੋਂ ਪਹਿਲਾਂ ਇਹ ਸੰਭਾਵਨਾ ਦੁੱਗਣੀ ਪਾਈ ਗਈ। ਮਾਹਿਰਾਂ ਅਨੁਸਾਰ ਸਰੀਰ ਵਿਚ ਚਰਬੀ ਦੀ ਜ਼ਿਆਦਾ ਮਾਤਰਾ ਖੂਨ ਵਿਚ ਇੰਸੂਲਿਨ ਦੇ ਪੱਧਰ ਤੇ ਉਸ ਨਾਲ ਸੰਬੰਧਿਤ ਹੋਰ ਰਸਾਇਣਾਂ ਦੇ ਪੱਧਰ ਨੂੰ ਵਧਾਉਂਦੀ ਹੈ, ਜਿਸ ਨਾਲ ਅੰਤੜੀਆਂ ਦਾ ਕੈਂਸਰ ਹੋਣ ਦੀ ਸੰਭਾਵਨਾ ਵਧਦੀ ਹੈ।