ਹੈਲੀਕੋਬੈਕਟਰ ਬੈਕਟੀਰੀਆ ਨੂੰ ਖ਼ਤਮ ਕਰਦੀ ਹੈ ਬ੍ਰੋਕਲੀ

ਮਾਹਿਰਾਂ ਦੀ ਇਕ ਟੀਮ ਨੇ ਆਪਣੀ ਖੋਜ ਦੌਰਾਨ ਪਾਇਆ ਕਿ ਬ੍ਰੋਕਲੀ ਵਿਚ ਇਕ ਇਸ ਤਰ੍ਹਾਂ ਦਾ ਯੋਗਿਕ ਪਾਇਆ ਜਾਂਦਾ ਹੈ ਜੋ ਉਸ ਬੈਕਟੀਰੀਆ ਨੂੰ ਖ਼ਤਮ ਕਰਦਾ ਹੈ, ਜੋ ਪੇਟ ਦੇ ਕੈਂਸਰ ਦਾ ਕਾਰਨ ਬਣਦਾ ਹੈ। ਇਹੀ ਯੋਗਿਕ ਬ੍ਰੋਕਲੀ ਨੂੰ ਇਕ ਵੱਖਰਾ ਜਿਹਾ ਸਵਾਦ ਦਿੰਦਾ ਹੈ। ਹੈਲੀਕੋਬੈਕਟਰ ਪਾਇਲੋਰੀ ਨਾਮੀ ਬੈਕਟੀਰੀਆ ਨੂੰ ਮਾਰਦਾ ਹੈ। ਹੋਰ ਖੋਜਾਂ ਤੋਂ ਇਹ ਤਾਂ ਹੁਣ ਤੱਕ ਸਾਹਮਣੇ ਆ ਚੁੱਕਿਆ ਹੈ ਕਿ ਬ੍ਰੋਕਲੀ ਵਿਟਾਮਿਨਾਂ ਅਤੇ ਖਣਿਜਾਂ ਦਾ ਸਰੋਤ ਹੈ। ਮਾਹਿਰ ਹੁਣ ਇਸ ਗੱਲ ਨੂੰ ਜਾਣਨ ਦੀ ਕੋਸ਼ਿਸ਼ ਕਰ ਰਹੇ ਹਨ ਕਿ ਹੈਲੀਕੋਬੈਕਟਰ ਇਨਫੈਕਸ਼ਨ ਨਾਲ ਨਿਪਟਣ ਲਈ ਕੀ ਵਿਅਕਤੀ ਸਿਰਫ਼ ਬ੍ਰੋਕਲੀ ਦੀ ਵਰਤੋਂ ਕਰ ਕੇ ਛੁਟਕਾਰਾ ਪਾ ਸਕਦਾ ਹੈ। ਉਂਝ ਤਾਂ ਇਸ ਤਰ੍ਹਾਂ ਦੇ ਐਂਟੀਬਾਇਓਟਿਕਸ ਹਨ ਜੋ ਇਸ ਬੈਕਟੀਰੀਆ ਨੂੰ ਖ਼ਤਮ ਕਰਕੇ ਪੇਟ ਦੇ ਕੈਂਸਰ ਤੋਂ ਸੁਰੱਖਿਆ ਦੇ ਸਕਦੇ ਹਨ ਪਰ ਇਨ੍ਹਾਂ ਦੇ ਬਹੁਤ ਸਾਰੇ ਬੁਰੇ ਪ੍ਰਭਾਵ ਹੁੰਦੇ ਹਨ, ਨਾਲ ਹੀ ਉਹ ਬਹੁਤ ਮਹਿੰਗੇ ਵੀ ਹੁੰਦੇ ਹਨ। ਇਨ੍ਹਾਂ ਐਂਟੀਬਾਇਓਕਸ ਦੀ ਵਰਤੋਂ ਨਾਲ ਨਾ ਸਿਰਫ਼ ਹੈਲੀਕੋਬੈਕਟਰ ਬੈਕਟੀਰੀਆ ਖ਼ਤਮ ਹੁੰਦਾ ਹੈ, ਸਗੋਂ ਚੰਗੇ ਬੈਕਟੀਰੀਆ ਵੀ ਖ਼ਤਮ ਹੁੰਦੇ ਹਨ ਜੋ ਭੋਜਨ ਨੂੰ ਹਜ਼ਮ ਕਰਨ ਵਿਚ ਸਹਾਇਕ ਹੁੰਦੇ ਹਨ।