ਅਰਜਨਟੀਨਾ ਫੁੱਟਬਾਲ ਟੀਮ ਨੇ ਸਾਨੂੰ ਧੋਖਾ ਦਿੱਤਾ-ਕੇਰਲ ਦੇ ਖੇਡ ਮੰਤਰੀ <br/>

ਮਲਪੁਰਮ (ਕੇਰਲ), 2 ਅਪ੍ਰੈਲ (ਪੀ.ਟੀ.ਆਈ.)-ਕੇਰਲ ਦੇ ਖੇਡ ਮੰਤਰੀ ਵੀ. ਅਬਦੁਰਹਿਮਾਨ ਨੇ ਕਿਹਾ ਕਿ ਅਰਜਨਟੀਨਾ ਦੀ ਰਾਸ਼ਟਰੀ ਫੁੱਟਬਾਲ ਟੀਮ ਨੇ ਭੁਗਤਾਨ ਸਵੀਕਾਰ ਕਰਨ ਦੇ ਬਾਵਜੂਦ ਇੱਥੇ ਮੈਚ ਖੇਡਣ ਲਈ ਨਾ ਆ ਕੇ ਰਾਜ ਨੂੰ ਧੋਖਾ ਦਿੱਤਾ ਹੈ | ਅਬਦੁਰਹਿਮਾਨ ਨੇ ਟਿੱਪਣੀ ਕੀਤੀ ਕਿ ਉਹ ਸੱਚਮੁੱਚ ਚਾਹੁੰਦੇ ਸਨ ਕਿ ਅਰਜਨਟੀਨਾ ਫੁੱਟਬਾਲ ਟੀਮ ਲਿਓਨਲ ਮੈਸੀ ਦੇ ਨਾਲ ਕੇਰਲ ਦਾ ਦੌਰਾ ਕਰੇ ਤੇ ਰਾਜ ਦੇ ਅੰਦਰ ਇਕ ਮੈਚ ਖੇਡੇ | ਇੱਥੇ ਇੱਕ ਸਥਾਨਕ ਟੀ.ਵੀ. ਚੈਨਲ ਨਾਲ ਗੱਲ ਕਰਦੇ ਹੋਏ, ਉਨ੍ਹਾਂ ਨੇ ਕਿਹਾ ਕਿ ਮੈਂ ਇਸ ਮਾਮਲੇ ਬਾਰੇ ਕਈ ਵਾਰ ਚਰਚਾ ਕੀਤੀ | ਇੱਕ ਅੰਤਰਰਾਸ਼ਟਰੀ ਫੁੱਟਬਾਲ ਟੀਮ ਨੂੰ ਭੁਗਤਾਨ ਕਰਨ ਲਈ ਲੋੜੀਂਦੀ 250 ਕਰੋੜ ਦੀ ਰਕਮ ਇਕੱਠੀ ਕਰਨ ਲਈ ਸਪਾਂਸਰ ਲੱਭਣਾ ਕੋਈ ਆਸਾਨ ਕੰਮ ਨਹੀਂ ਸੀ | ਅਬਦੁਰਹਿਮਾਨ ਨੇ ਅੱਗੇ ਕਿਹਾ ਕਿ ਹਾਲਾਂਕਿ, ਪੈਸੇ ਪ੍ਰਾਪਤ ਕਰਨ ਦੇ ਬਾਵਜੂਦ, ਅਰਜਨਟੀਨਾ ਫੁੱਟਬਾਲ ਟੀਮ ਨੇ ਸਾਨੂੰ ਧੋਖਾ ਦਿੱਤਾ | ਸਾਨੂੰ ਉਨ੍ਹਾਂ ਤੋਂ ਇਸ ਤਰ੍ਹਾਂ ਦੇ ਧੋਖੇ ਦੀ ਉਮੀਦ ਨਹੀਂ ਸੀ | ਉਨ੍ਹਾਂ ਦੇ ਵਾਅਦਿਆਂ ਦੇ ਬਾਵਜੂਦ, ਟੀਮ ਇੱਥੇ ਆਉਣ ਵਿੱਚ ਅਸਫਲ ਰਹੀ |