ਲਕਸ਼ਮੀ ਮਿੱਤਲ ਨੇ 15,660 ਕਰੋੜ 'ਚ ਖ਼ਰੀਦੀ ਰਾਜਸਥਾਨ ਰਾਇਲਜ਼ ਟੀਮ

ਨਵੀਂ ਦਿੱਲੀ, 3 ਮਈ (ਏਜੰਸੀ)-ਆਈ.ਪੀ.ਐਲ. ਫਰੈਂਚਾਇਜ਼ੀ ਰਾਜਸਥਾਨ ਰਾਇਲਜ਼ ਨੂੰ ਦੁਨੀਆ ਦੇ ਨੰਬਰ ਇਕ ਸਟੀਲ ਕਾਰੋਬਾਰੀ ਲਕਸ਼ਮੀ ਨਿਵਾਸ ਮਿੱਤਲ ਤੇ ਆਦਿੱਤਿਆ ਮਿੱਤਲ ਨੇ ਹਾਸਲ ਕਰ ਲਿਆ ਹੈ | ਸੀਰਮ ਇੰਸਟੀਚਿਊਟ ਦੇ ਮਾਲਕ, ਅਦਰ ਪੂਨਾਵਾਲਾ ਵੀ ਇਸ ਉੱਦਮ 'ਚ ਇਕ ਭਾਈਵਾਲ ਹਨ | ਇਸ ਸੌਦੇ ਦੀ ਅਨੁਮਾਨਿਤ ਉੱਦਮ ਕੀਮਤ ਲਗਭਗ 1.65 ਬਿਲੀਅਨ ਅਮਰੀਕੀ ਡਾਲਰ (ਲਗਭਗ 15,660 ਕਰੋੜ) ਦੱਸੀ ਜਾ ਰਹੀ ਹੈ¢ ਇਹ ਆਈ.ਪੀ.ਐਲ. ਦੇ ਇਤਿਹਾਸ 'ਚ ਦੂਜਾ ਸਭ ਤੋਂ ਵੱਡਾ ਸÏਦਾ ਹੈ | ਰਾਜਸਥਾਨ ਰਾਇਲਜ਼ ਹੁਣ ਸਿਰਫ਼ ਇਕ ਆਈ.ਪੀ.ਐਲ. ਟੀਮ ਹੋਣ ਤੱਕ ਸੀਮਤ ਨਹੀਂ ਹੈ; ਇਹ ਇਕ ਗਲੋਬਲ ਕ੍ਰਿਕਟ ਬ੍ਰਾਂਡ ਬਣ ਗਿਆ ਹੈ | ਇਸ ਸÏਦੇ ਵਿਚ ਨਾ ਸਿਰਫ਼ ਆਈ.ਪੀ.ਐਲ. ਟੀਮ, ਸਗੋਂ ਦੱਖਣੀ ਅਫਰੀਕਾ ਤੋਂ ਰਾਜਸਥਾਨ ਰਾਇਲਜ਼ ਦੀ ਮਲਕੀਅਤ ਵਾਲੀ 'ਪਾਰਲ ਰਾਇਲਜ਼' ਤੇ ਕੈਰੇਬੀਅਨ ਲੀਗ ਤੋਂ 'ਬਾਰਬਾਡੋਸ ਰਾਇਲਜ਼' ਵੀ ਸ਼ਾਮਲ ਹਨ | ਸੌਦੇ ਦੇ ਪੂਰਾ ਹੋਣ ਤੋਂ ਬਾਅਦ, ਮਿੱਤਲ ਪਰਿਵਾਰ ਰਾਜਸਥਾਨ ਰਾਇਲਜ਼ ਵਿਚ ਲਗਭਗ 75 ਫ਼ੀਸਦ ਹਿੱਸੇਦਾਰੀ ਰੱਖੇਗਾ, ਜਦੋਂ ਕਿ ਅਦਰ ਪੂਨਾਵਾਲਾ ਲਗਭਗ 18 ਫ਼ੀਸਦ ਹਿੱਸੇਦਾਰੀ ਨਾਲ ਭਾਈਵਾਲ ਬਣੇ ਰਹਿਣਗੇ | ਇਸ ਦੌਰਾਨ, ਬਾਕੀ 7 ਫ਼ੀਸਦ ਹਿੱਸੇਦਾਰੀ ਮਨੋਜ ਬਡਾਲੇ ਤੇ ਹੋਰ ਮÏਜੂਦਾ ਨਿਵੇਸ਼ਕਾਂ ਦੁਆਰਾ ਬਰਕਰਾਰ ਰੱਖੀ ਜਾਵੇਗੀ |