ਗੁਜਰਾਤ ਨੇ ਪੰਜਾਬ 'ਤੇ 4 ਵਿਕਟਾਂ ਨਾਲ ਕੀਤੀ ਜਿੱਤ ਦਰਜ

ਅਹਿਮਦਾਬਾਦ, 3 ਮਈ (ਏਜੰਸੀ)-ਇੰਡੀਅਨ ਪ੍ਰੀਮੀਅਰ ਲੀਗ (ਆਈ.ਪੀ.ਐਲ.) 2026 ਦੇ 46ਵੇਂ ਮੈਚ 'ਚ ਗੁਜਰਾਤ ਨੇ ਪੰਜਾਬ ਨੂੰ 4 ਵਿਕਟਾਂ ਨਾਲ ਹਰਾਇਆ | ਅਹਿਮਦਾਬਾਦ ਦੇ ਨਰਿੰਦਰ ਮੋਦੀ ਸਟੇਡੀਅਮ 'ਚ ਖੇਡੇ ਗਏ ਮੈਚ 'ਚ ਗੁਜਰਾਤ ਨੇ ਟਾਸ ਜਿੱਤ ਕੇ ਪਹਿਲਾਂ ਗੇਂਦਬਾਜ਼ੀ ਕਰਨ ਦਾ ਫ਼ੈਸਲਾ ਕੀਤਾ | ਬੱਲੇਬਾਜ਼ੀ ਕਰਦੇ ਹੋਏ ਪੰਜਾਬ ਕਿੰਗਜ਼ ਨੇ 9 ਵਿਕਟਾਂ ਦੇ ਨੁਕਸਾਨ 'ਤੇ 163 ਦÏੜਾਂ ਬਣਾਈਆਂ | ਪੰਜਾਬ ਕਿੰਗਜ਼ ਦੀ ਸ਼ੁਰੂਆਤ ਬਹੁਤ ਖ਼ਰਾਬ ਰਹੀ | ਪਹਿਲੇ ਹੀ ਓਵਰ 'ਚ, ਉਨ੍ਹਾਂ ਨੇ ਪਿ੍ਯਾਂਸ਼ ਆਰੀਆ (2 ਦÏੜਾਂ) ਅਤੇ ਕੂਪਰ ਕੌਨੋਲੀ (0 ਦÏੜਾਂ) ਦੀਆਂ ਵਿਕਟਾਂ ਗੁਆ ਦਿੱਤੀਆਂ | ਇਸ ਤੋਂ ਬਾਅਦ ਪ੍ਰਭਸਿਮਰਨ 15 ਦੇ ਨਿੱਜੀ ਸਕੋਰ 'ਤੇ ਆਉਟ ਹੋ ਗਏ | ਅਗਲੇ ਹੀ ਓਵਰ 'ਚ ਨੇਹਲ ਵਢੇਰਾ (0 ਦÏੜਾਂ) ਵੀ ਜਲਦ ਹੀ ਆਉਟ ਹੋ ਗਏ | ਸ਼੍ਰੇਅਸ ਅਈਅਰ ਵੀ 19 ਦੌੜਾਂ ਹੀ ਬਣਾ ਸਕੇ | ਸ਼੍ਰੇਅਸ ਦੇ ਆਊਟ ਹੋਣ ਸਮੇਂ, ਪੰਜਾਬ ਕਿੰਗਜ਼ ਦਾ ਸਕੋਰ 47/5 ਸੀ | ਇਸ ਸਮੇਂ ਤੋਂ, ਸੂਰਯਾਂਸ਼ ਸ਼ੈਡਗੇ ਤੇ ਮਾਰਕਸ ਸਟੋਇਨਿਸ ਨੇ ਛੇਵੀਂ ਵਿਕਟ ਲਈ 79 ਦÏੜਾਂ ਦੀ ਸਾਂਝੇਦਾਰੀ ਕੀਤੀ | ਸ਼ੈਡਗੇ ਨੇ 29 ਗੇਂਦਾਂ 'ਤੇ 57 ਦੌੜਾਂ ਦਾ ਯੋਗਦਾਨ ਪਾਇਆ | ਟੀਮ ਨੇ 9 ਵਿਕਟਾਂ ਦੇ ਨੁਕਸਾਨ 'ਤੇ ਸਿਰਫ਼ 163 ਦੌੜਾਂ ਹੀ ਬਣਾਈਆਂ | ਦੌੜਾਂ ਦਾ ਪਿੱਛਾ ਕਰਦੇ ਹੋਏ ਸ਼ੁਰੂਆਤ 'ਚ ਹੀ ਗੁਜਰਾਤ ਟਾਈਟਨਸ ਦੇ ਕਪਤਾਨ ਕਪਤਾਨ ਸ਼ੁਭਮਨ ਗਿੱਲ (5) ਆਉਟ ਹੋ ਗਏ¢ ਇਸ ਤੋਂ ਬਾਅਦ, ਸਾਈ ਸੁਧਰਸਨ ਤੇ ਜੋਸ ਬਟਲਰ ਨੇ ਮਿਲ ਕੇ ਦੂਜੀ ਵਿਕਟ ਲਈ 53 ਦÏੜਾਂ ਦੀ ਸਾਂਝੇਦਾਰੀ ਕੀਤੀ | ਵਿਜੇਕੁਮਾਰ ਵਿਸ਼ਾਕ ਨੇ ਬਟਲਰ ਨੂੰ ਆਊਟ ਕਰਕੇ ਇਸ ਸਾਂਝੇਦਾਰੀ ਨੂੰ ਤੋੜਿਆ | ਡੈਬਿਊ ਕਰਨ ਵਾਲੇ ਨਿਸ਼ਾਂਤ ਸਿੰਧੂ ਸਿਰਫ਼ 15 ਦÏੜਾਂ ਹੀ ਬਣਾ ਸਕੇ | ਸਾਈ ਸੁਦਰਸਨ (57) ਤੇ ਵਾਸ਼ਿੰਗਟਨ ਸੁੰਦਰ ਨੇ ਇਕ ਵਧੀਆ ਪਾਰੀ ਖੇਡੀ, ਜਿਸਦੇ ਚਲਦੇ ਗੁਜਰਾਤ ਨੇ 19.5 ਓਵਰਾਂ 'ਚ 6 ਵਿਕਟਾਂ ਦੇ ਨੁਕਸਾਨ 'ਤੇ 167 ਦੌੜਾਂ ਬਣਾ ਕੇ ਮੈਚ 'ਚ ਜਿੱਤ ਦਰਜ ਕੀਤੀ |