ਸ਼ੰਘਾਈ, 10 ਮਈ (ਪੀ.ਟੀ.ਆਈ.)-ਭਾਰਤੀ ਮਹਿਲਾ ਰਿਕਰਵ ਟੀਮ, ਜਿਸ 'ਚ ਦੀਪਿਕਾ ਕੁਮਾਰੀ, ਅੰਕਿਤਾ ਭਕਤ ਤੇ ਕੁਮਕੁਮ ਮੋਹੋੜ ਸ਼ਾਮਲ ਹਨ, ਨੇ ਇੱਥੇ ਤੀਰਅੰਦਾਜ਼ੀ ਵਿਸ਼ਵ ਕੱਪ ਦੇ ਦੂਜੇ ਪੜਾਅ 'ਚ ਮੇਜ਼ਬਾਨ ਤੇ ਮਜ਼ਬੂਤ ਖਿਤਾਬ ਦੇ ਦਾਅਵੇਦਾਰ, ਚੀਨ ਨੂੰ ਸ਼ੂਟ-ਆਫ 'ਚ ਹਰਾ ਕੇ ਸੋਨ ਤਮਗਾ ਜਿੱਤਿਆ | ਇਕ ਰੋਮਾਂਚਕ ਫਾਈਨਲ 'ਚ ਭਾਰਤ ਨੇ ਪਹਿਲਾ ਸੈੱਟ ਜਿੱਤਿਆ, ਪਰ ਚੀਨ ਨੇ ਮੈਚ ਬਰਾਬਰ ਕਰਨ ਲਈ ਵਾਪਸੀ ਕੀਤੀ | ਨਿਯਮਤ ਚਾਰ ਸੈੱਟਾਂ ਤੋਂ ਬਾਅਦ ਸਕੋਰ ਬਰਾਬਰ ਹੋਣ ਕਾਰਨ, ਜੇਤੂ ਦਾ ਫੈਸਲਾ ਕਰਨ ਲਈ ਇਕ ਸ਼ੂਟ-ਆਫ ਆਯੋਜਿਤ ਕੀਤਾ ਗਿਆ | ਫੈਸਲਾਕੁੰਨ ਪਲਾਂ ਦÏਰਾਨ ਆਪਣਾ ਸੰਜਮ ਬਣਾਈ ਰੱਖਦੇ ਹੋਏ, ਭਾਰਤੀ ਤਿੱਕੜੀ ਨੇ 5-4 (28-26) ਦੀ ਜਿੱਤ ਦਰਜ ਕੀਤੀ |
