-ਅੰਡਰ-23 ਏਸ਼ੀਅਨ ਚੈਂਪੀਅਨਸ਼ਿਪ- ਪ੍ਰਧਾਨ ਮੰਤਰੀ ਨੇ ਪੁਰਸ਼ਾਂ ਦੀਆਂ ਫ੍ਰੀਸਟਾਈਲ ਤੇ ਮਹਿਲਾ ਕੁਸ਼ਤੀ ਟੀਮਾਂ ਨੂੰ ਜਿੱਤ ਦੀ ਦਿੱਤੀ ਵਧਾਈ <br/>

ਨਵੀਂ ਦਿੱਲੀ, 29 ਮਈ (ਪੀ.ਟੀ.ਆਈ.)-ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਭਾਰਤੀ ਪੁਰਸ਼ਾਂ ਦੀਆਂ ਫ੍ਰੀਸਟਾਈਲ ਤੇ ਮਹਿਲਾ ਕੁਸ਼ਤੀ ਟੀਮਾਂ ਨੂੰ ਵੀਅਤਨਾਮ 'ਚ 2026 ਅੰਡਰ-23 ਏਸ਼ੀਅਨ ਚੈਂਪੀਅਨਸ਼ਿਪ 'ਚ ਟੀਮ ਖਿਤਾਬ ਜਿੱਤਣ 'ਤੇ ਵਧਾਈ ਦਿੱਤੀ ਤੇ ਉਨ੍ਹਾਂ ਦੇ ਪ੍ਰਦਰਸ਼ਨ ਨੂੰ ਸ਼ਾਨਦਾਰ ਦੱਸਿਆ | 'ਐਕਸ' 'ਤੇ ਇਕ ਪੋਸਟ 'ਚ ਮੋਦੀ ਨੇ ਕਿਹਾ ਕਿ ਸਾਡੇ ਪਹਿਲਵਾਨਾਂ ਦੁਆਰਾ ਸ਼ਾਨਦਾਰ ਪ੍ਰਦਰਸ਼ਨ! ਸਾਡੀਆਂ ਪੁਰਸ਼ਾਂ ਦੀਆਂ ਫ੍ਰੀਸਟਾਈਲ ਤੇ ਮਹਿਲਾ ਕੁਸ਼ਤੀ ਟੀਮਾਂ ਨੇ ਵੀਅਤਨਾਮ ਦੇ ਦਾ ਨੰਗ 'ਚ 2026 ਅੰਡਰ-23 ਏਸ਼ੀਅਨ ਚੈਂਪੀਅਨਸ਼ਿਪ 'ਚ ਟੀਮ ਖਿਤਾਬ ਜਿੱਤੇ ਹਨ | ਪੁਰਸ਼ਾਂ ਦੀ ਫ੍ਰੀਸਟਾਈਲ ਕੁਸ਼ਤੀ ਟੀਮ ਨੇ 4 ਸੋਨ ਤਗਮਿਆਂ ਸਮੇਤ 9 ਤਗਮੇ ਜਿੱਤੇ, ਇਸ ਤਰ੍ਹਾਂ ਅੰਡਰ-23 ਏਸ਼ੀਅਨ ਚੈਂਪੀਅਨਸ਼ਿਪ ਦੇ ਇਤਿਹਾਸ 'ਚ ਭਾਰਤ ਦੀ ਹੁਣ ਤੱਕ ਦੀ ਸਭ ਤੋਂ ਵੱਧ ਕੁੱਲ ਤਗਮਾ ਸੂਚੀ ਦਾ ਰਿਕਾਰਡ ਬਣਾਇਆ | ਜਦਕਿ ਮਹਿਲਾ ਕੁਸ਼ਤੀ ਟੀਮ ਨੇ 6 ਸੋਨ ਤਗਮਿਆਂ ਸਮੇਤ 10 ਤਗਮੇ ਜਿੱਤੇ, ਜਦੋਂ ਕਿ ਗ੍ਰੀਕੋ-ਰੋਮਨ ਟੀਮ ਨੇ 8 ਤਗਮਿਆਂ ਨਾਲ ਆਪਣੀ ਹੁਣ ਤੱਕ ਦੀ ਸਭ ਤੋਂ ਵੱਧ ਤਗਮਾ ਸੂਚੀ ਦਾ ਰਿਕਾਰਡ ਵੀ ਬਣਾਇਆ | ਮੋਦੀ ਨੇ ਕਿਹਾ ਸਾਡੇ ਪਹਿਲਵਾਨਾਂ ਨੂੰ ਵਧਾਈਆਂ | ਉੁਨ੍ਹਾਂ ਦੇ ਭਵਿੱਖ ਦੇ ਯਤਨਾਂ ਲਈ ਮੇਰੀਆਂ ਸ਼ੁਭਕਾਮਨਾਵਾਂ |