ਲੈਸਟਰ (ਇੰਗਲੈਂਡ), 1 ਜਨਵਰੀ (ਸੁਖਜਿੰਦਰ ਸਿੰਘ ਢੱਡੇ)-ਬਰਤਾਨੀਆ ਦੇ ਪ੍ਰਸਿੱਧ ਤਟਵਰਤੀ ਸ਼ਹਿਰ ਬਲੈਕਪੂਲ 'ਚ ਸ਼ੱਕੀ ਵਿਸਫੋਟਕ ਸਮੱਗਰੀ ਮਿਲਣ ਤੋਂ ਬਾਅਦ ਇਲਾਕੇ 'ਚ ਹੜਕੰਪ ਮਚ ਗਿਆ¢ ਬਲੈਕਪੂਲ, ਜੋ ਆਪਣੇ ਸਮੁੰਦਰ-ਕਿਨਾਰੇ, ਮਨੋਰੰਜਨ ਪਾਰਕਾਂ, ਸੈਲਾਨੀ ਗਤੀਵਿਧੀਆਂ ਤੇ ਇਤਿਹਾਸਕ ਬਲੈਕਪੂਲ ਟਾਵਰ ਲਈ ਜਾਣਿਆ ਜਾਂਦਾ ਹੈ, ਆਮ ਤÏਰ 'ਤੇ ਸੈਲਾਨੀਆਂ ਨਾਲ ਭਰਿਆ ਰਹਿੰਦਾ ਹੈ | ਇਸੇ ਸ਼ਹਿਰ ਦੇ ਇਕ ਰਿਹਾਇਸ਼ੀ ਇਲਾਕੇ 'ਚ ਇਹ ਘਟਨਾ ਵਾਪਰਨ ਕਾਰਨ ਸਥਾਨਕ ਲੋਕਾਂ 'ਚ ਡਰ ਦਾ ਮਾਹÏਲ ਬਣ ਗਿਆ | ਪੁਲਿਸ ਨੂੰ ਮਿਲੀ ਸੂਚਨਾ ਤੋਂ ਬਾਅਦ ਤੁਰੰਤ ਕਾਰਵਾਈ ਕਰਦਿਆਂ ਬੰਬ ਨਿਰੋਧਕ ਦਸਤੇ ਨੂੰ ਮÏਕੇ 'ਤੇ ਬੁਲਾਇਆ ਗਿਆ | ਸਾਵਧਾਨੀ ਵਜੋਂ ਗਲੋਸਟਰ ਐਵੇਨਿਊ ਤੇ ਨੇੜਲੇ ਇਲਾਕਿਆਂ ਦੇ ਕਈ ਘਰ ਖਾਲੀ ਕਰਵਾ ਲਏ ਗਏ | ਪੁਲਿਸ ਵੱਲੋਂ ਸੜਕਾਂ ਬੰਦ ਕਰਕੇ ਇਲਾਕੇ ਨੂੰ ਪੂਰੀ ਤਰ੍ਹਾਂ ਘੇਰਾਬੰਦੀ ਹੇਠ ਲਿਆ ਗਿਆ, ਤਾਂ ਜੋ ਕਿਸੇ ਵੀ ਤਰ੍ਹਾਂ ਦਾ ਜਾਨੀ ਜਾਂ ਮਾਲੀ ਨੁਕਸਾਨ ਨਾ ਹੋਵੇ | ਪੁਲਿਸ ਅਧਿਕਾਰੀਆਂ ਮੁਤਾਬਕ ਸ਼ੱਕੀ ਸਮੱਗਰੀ ਸੰਭਾਵਿਤ ਤÏਰ 'ਤੇ ਖਤਰਨਾਕ ਹੋ ਸਕਦੀ ਸੀ, ਜਿਸ ਕਾਰਨ ਕੋਈ ਜੋਖਮ ਲੈਣ ਦੀ ਬਜਾਏ ਤੁਰੰਤ ਇਵੈਕੂਏਸ਼ਨ ਦਾ ਫ਼ੈਸਲਾ ਕੀਤਾ ਗਿਆ |
