ਸ਼ਿਕਾਗੋ ਵਿਖੇ ਗਣਤੰਤਰ ਦਿਵਸ ਦੌਰਾਨ ਪਦਮਿਨੀ ਕੋਹਲਾਪੁਰੀ ਦਾ ਸਨਮਾਨ <br/>

ਸ਼ਿਕਾਗੋ, 31 ਜਨਵਰੀ (ਕੇਵਲ ਗੁਰਾਇਆ)-ਫੈਡਰੇਸ਼ਨ ਆਫ਼ ਇੰਡੀਅਨ ਐਸੋਸੀਏਸ਼ਨ (ਐਫ. ਆਈ. ਏ.) ਨੇ ਕਮਿਊਨਿਟੀ ਸੰਗਠਨ ਤੇ ਸਭਿਆਚਾਰਕ ਸਮਾਰੋਹ ਮੈਟਿ੍ਕਸ ਕਲੱਬ ਵਿਖੇ ਗਣਤੰਤਰ ਦਿਵਸ ਮਨਾਇਆ ਗਿਆ | ਇਹ ਸਮਾਗਮ ਏਕਤਾ, ਦੇਸ਼ ਭਗਤੀ ਤੇ ਉੱਚ-ਪੱਧਰੀ ਸਹਿਯੋਗ ਦਾ ਇਕ ਸ਼ਕਤੀਸ਼ਾਲੀ ਪ੍ਰਦਰਸ਼ਨ ਸੀ, ਜਿਸ 'ਚ ਰਾਜਨੀਤਿਕ ਤੇ ਕਾਰਪੋਰੇਟ ਸਪੈਕਟਰਮ ਤੋਂ ਪ੍ਰਸਿੱਧ ਮਹਿਮਾਨ ਸ਼ਾਮਲ ਹੋਏ | ਸੰਸਥਾਪਕ ਪ੍ਰਧਾਨ ਤੇ ਚੇਅਰਮੈਨ ਸੁਨੀਲ ਸ਼ਾਹ, ਪ੍ਰਧਾਨ ਅਲਤਾਫ਼ ਬੁਖ਼ਾਰੀ ਤੇ ਪ੍ਰਧਾਨ ਰਿਚਾ ਚੰਦ ਨਾਲ ਮਿਲ ਕੇ ਕੰਮ ਕਰਦੇ ਹੋਏ, ਇਕ ਅਜਿਹਾ ਸਮਾਗਮ ਕਰਵਾਇਆ ਗਿਆ ਜਿਸ ਨੇ ਨਾ ਸਿਰਫ਼ ਵਿਰਾਸਤ ਦਾ ਜਸ਼ਨ ਮਨਾਇਆ ਬਲਕਿ ਇਲੀਨੋ ਦੇ ਇਕ ਥੰਮ੍ਹ ਵਜੋਂ ਐਫ.ਆਈ.ਏ. ਦੀ ਸਥਿਤੀ ਨੂੰ ਵੀ ਮਜ਼ਬੂਤ ਕੀਤਾ | ਸਮਾਰੋਹ 'ਚ ਪ੍ਰਸਿੱਧ ਬਾਲੀਵੁੱਡ ਅਦਾਕਾਰਾ ਤੇ ਗਾਇਕਾ, ਪਦਮਿਨੀ ਕੋਲਹਾਪੁਰੀ ਨੇ ਸ਼ਿਰਕਤ ਕੀਤੀ, ਜਿਨ੍ਹਾਂ ਦੀ ਮੌਜੂਦਗੀ ਨੇ ਸ਼ਾਮ ਨੂੰ ਹੋਰ ਵੀ ਸ਼ਾਨਦਾਰ ਬਣਾ ਦਿੱਤਾ | ਇਸ ਮੌਕੇ ਸੋਮਨਾਥ ਘੋਸ਼, ਭਾਰਤ ਦੇ ਕੌਂਸਲੇਟ ਜਨਰਲ, ਸ਼ਿਕਾਗੋ, ਅਮਰੀਕੀ ਕਾਂਗਰਸ ਮੈਨ ਰਾਜਾ ਕਿ੍ਸ਼ਨਾ ਮੂਰਤੀ, ਰਾਜ ਪ੍ਰਤੀਨਿਧੀ ਸਟੈਫਨੀ ਕਿਫੋਵਿਟ, ਕੇਵਿਨ ਮੌਰੀਸਨ, ਕੁੱਕ ਕਾਉਂਟੀ ਕਮਿਸ਼ਨਰ, ਮੇਅਰ ਟੌਮ ਡੇਲੀ (ਸ਼ਾਮਬਰਗ), ਰੋਡਨੀ ਕ੍ਰੇਗ , ਉਪ ਚੇਅਰਮੈਨ ਨੀਲ ਖੋਟ, ਰਾਜ ਪਿੱਲਈ ਵਿਲ ਕਾਉਂਟੀ ਦੇ ਖ਼ਜ਼ਾਨਚੀ, ਅਜੈ ਗੁਪਤਾ, ਹਨਰਿਚਾ ਚੰਦ ਸਾਬਕਾ ਪ੍ਰਧਾਨ ਸ਼੍ਰੀਮਤੀ ਅਨੂ ਮਲਹੋਤਰਾ, ਵਾਈਸ ਚੇਅਰਮੈਨ ਨੀਲ ਖੋਟ, ਸਾਬਕਾ ਪ੍ਰਧਾਨ ਵਨੀਤਾ ਗੁਲਾਬਾਣੀ, ਪ੍ਰਤਿਭਾ ਜੈਰਥ, ਹਿਤੇਸ਼ ਗਾਂਧੀ, ਮੁਕੇਸ਼ ਸ਼ਾਹ ਤੇ ਰੀਤਾ ਸਿੰਘ, ਰਿਧਿਕਾ ਗੁਪਤਾ, ਜਤਿੰਦਰ, ਧਰਮਿੰਦਰ ਗਿੱਲ, ਸ਼ਿਵਮ ਵਿਸ਼ਵਨਾਥਨ, ਮਨਮੀਤ ਕੌਰ, ਸਰਗਮ ਕਪੂਰ ਤੇ ਹੋਰ ਹਾਜ਼ਰ ਸਨ |