ਨਵੀਂ ਦਿੱਲੀ, 23 ਫਰਵਰੀ (ਪੀ.ਟੀ.ਆਈ.)-ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਮਨੀਪੁਰੀ ਫਿਲਮ 'ਬੂੰਗ' ਵਲੋਂ ਵੱਕਾਰੀ ਬਾਫਟਾ ਪੁਰਸਕਾਰ ਜਿੱਤਣਾ 'ਤੇ ਵਧਾਈ ਦਿੰਦੇ ਹੋਏ ਕਿਹਾ ਕਿ ਇਹ ਬਹੁਤ ਖੁਸ਼ੀ ਦਾ ਪਲ ਹੈ, ਖਾਸ ਕਰਕੇ ਉੱਤਰ-ਪੂਰਬੀ ਰਾਜ ਲਈ | ਫਰਹਾਨ ਅਖਤਰ ਦੇ ਐਕਸਲ ਐਂਟਰਟੇਨਮੈਂਟ ਵਲੋਂ ਨਿਰਮਿਤ ਫ਼ਿਲਮ 'ਬੂੰਗ' ਨੇ ਐਤਵਾਰ ਸ਼ਾਮ ਲੰਡਨ 'ਚ ਸਰਬੋਤਮ ਬੱਚਿਆਂ ਤੇ ਪਰਿਵਾਰਕ ਫਿਲਮ ਲਈ ਬਿ੍ਟਿਸ਼ ਅਕੈਡਮੀ ਆਫ਼ ਫਿਲਮ ਐਂਡ ਟੈਲੀਵਿਜ਼ਨ ਆਰਟਸ ਪੁਰਸਕਾਰ ਪੁਰਸਕਾਰ ਜਿੱਤਿਆ | ਜਿਸ 'ਤੇ ਮੋਦੀ ਨੇ 'ਐਕਸ' 'ਤੇ ਲਿਖਿਆ ਕਿ ਇਸ ਫਿਲਮ ਨਾਲ ਜੁੜੇ ਸਾਰੇ ਲੋਕਾਂ ਨੂੰ ਵਧਾਈਆਂ | ਇਹ ਸਾਡੇ ਦੇਸ਼ 'ਚ ਵਿਸ਼ਾਲ ਰਚਨਾਤਮਕ ਪ੍ਰਤਿਭਾ ਨੂੰ ਉਜਾਗਰ ਕਰਦਾ ਹੈ |
