ਫੀਫਾ ਕੱਪ ਮੌਕੇ ਸਿੱਖ ਮੋਟਰ ਸਾਈਕਲ ਕਲੱਬ ਵੱਲੋਂ ਕੱਢਿਆ ਮਾਰਚ
ਅਜੀਤ ਡੈਸਕ
02-07-2026
ਟੋਰਾਂਟੋ, 1 ਜੁਲਾਈ (ਹਰਜੀਤ ਸਿੰਘ ਬਾਜਵਾ)-ਟੋਰਾਂਟੋ ਵਿਖੇ ਚਲ ਰਹੇ ਫ਼ੀਫਾ ਵਰਲਡ ਕੱਪ ਦੇ ਚੱਲਦਿਆਂ ਕੈਨੇਡਾ ਅਤੇ ਸਾਊਥ ਅਫ਼ਰੀਕਾ ਵਿੱਚ ਚਲ ਰਹੇ ਮੈਚਾਂ ਦੇ ਮੱਦੇਨਜ਼ਰ ਕੈਨੇਡੀਅਨ ਖਿਡਾਰੀਆਂ ਨੂੰ ਹੱਲਾਸ਼ੇਰੀ ਦੇਣ ਦੇ ਮੰਤਵ ਨਾਲ ਸਿੱਖ ਮੋਟਰਸਾਈਕਲ ਕਲੱਬ ਓਂਟਾਰੀਓ ਵੱਲੋਂ ਇੱਕ ਮੋਟਰ ਸਾਈਕਲ ਮਾਰਚ ਕੱਢਿਆ ਗਿਆ, ਐਨ੍ਹ ਕੈਨੇਡਾ ਦਿਵਸ ਮੌਕੇ ਚਲ ਰਹੇ ਫੀਫਾ ਕੱਪ ਦੌਰਾਨ, ਮੋਟਰ ਸਾਈਕਲ ਮਾਰਚ ਦੌਰਾਨ ਕਨੇਡਾ ਦੇ ਪੰਜਾਬੀ ਬਹੁਪੱਖੀ ਕਲਾਕਾਰ ਬਲਜਿੰਦਰ ਸੇਖਾ ਵੱਲੋਂ ਇਸ ਮੌਕੇ ਕੈਨੇਡਾ ਦਾ ਝੰਡਾ ਲੈ ਕੇ ਆਪਣੇ ਰਿਕਾਰਡ ਹੋਏ ਗੀਤ ‘ਗੋ ਕਨੇਡਾ,ਗੋ ਕਨੇਡਾ’ ਦੀ ਪੇਸ਼ਕਾਰੀ ਕੀਤੀ ਗਈ, ਇਸ ਮੌਕੇ ਕਲੱਬ ਦੇ ਮੈਂਬਰ ਅਤੇ ਟਰਬਨ ਕੋਚ (ਪੱਗਾਂ ਬੰਨ੍ਹਣ ਦੀ ਸਿਖਲਾਈ ਦੇਣ ਵਾਲੇ) ਨਾਜ਼ਰ ਸਿੰਘ ਸਿੰਘ ਸੰਧੂ, ਇੰਦਰਜੀਤ ਸਿੰਘ ਜਗਰਾਉਂ,ਲਖਵਿੰਦਰ ਸਿੰਘ ਧਾਲੀਵਾਲ, ਰਾਜ ਗਿੱਲ ਅਤੇ ਸਮੁੱਚੀ ਟੀਮ ਵੱਲੋਂ ਖੁਸ਼ੀ ਦੇ ਰੌਂਅ ਵਿੱਚ ਦੱਸਿਆ ਕਿ ਕੈਨੇਡਾ ਸਾਡਾ ਦੇਸ਼ ਹੈ ਅਤੇ ਕੈਨੇਡਾ ਦੇ ਖੇਡ ਅਤੇ ਸੱਭਿਆਚਾਰ ਨੂੰ ਪ੍ਰਫੁੱਲਤ ਕਰਨ ਵਿੱਚ ਯੋਗਦਾਨ ਪਾਉਂਣਾ ਸਾਡਾ ਸਾਰਿਆਂ ਦਾ ਫ਼ਰਜ਼ ਹੈ।
