ਵਾਈਟ ਰੌਕ ਦੀ ਪ੍ਰਸਿੱਧ ਕਿਸਾਨ ਮੰਡੀ ਦਾ ਆਖਰੀ ਮੇਲਾ ਅੱਜ
ਵੈਨਕੂਵਰ, 10 ਅਕਤੂਬਰ (ਮਲਕੀਤ ਸਿੰਘ)-ਬ੍ਰਿਟਿਸ਼ ਕੋਲੰਬੀਆ ਦੇ ਪ੍ਰਸਿੱਧ ਸਮੁੰਦਰੀ ਸ਼ਹਿਰ ਵਾਈਟ ਰੌਕ ਵਿਖੇ ਹਰ ਐਤਵਾਰ ਲੱਗਣ ਵਾਲੀ ਕਿਸਾਨ ਮੰਡੀ ਦਾ ਇਸ ਸਾਲ ਦਾ ਆਖਰੀ ਮੇਲਾ ਭਲਕੇ ਐਤਵਾਰ (11 ਅਕਤੂਬਰ) ਨੂੰ ਸਵੇਰੇ 10 ਵਜੇ ਤੋਂ ਦੁਪਹਿਰ 2 ਵਜੇ ਤੱਕ ਲੱਗੇਗਾ। ਇਸ ਮੰਡੀ ਵਿਚ 170 ਤੋਂ ਵੱਧ ਵਿਕਰੇਤਾਵਾਂ ਵਲੋਂ ਤਾਜ਼ੇ ਫਲ, ਸਬਜ਼ੀਆਂ, ਘਰੇਲੂ ਖਾਣ-ਪੀਣ ਦੀਆਂ ਵਸਤਾਂ ਅਤੇ ਹੱਥੀਂ ਤਿਆਰ ਕੀਤੀਆਂ ਕਲਾਤਮਕ ਚੀਜ਼ਾਂ ਵਿਕਰੀ ਲਈ ਰੱਖੀਆਂ ਜਾਣਗੀਆਂ।
ਵੈਨਕੂਵਰ, 10 ਅਕਤੂਬਰ (ਮਲਕੀਤ ਸਿੰਘ)-ਬ੍ਰਿਟਿਸ਼ ਕੋਲੰਬੀਆ ਦੇ ਪ੍ਰਸਿੱਧ ਸਮੁੰਦਰੀ ਸ਼ਹਿਰ ਵਾਈਟ ਰੌਕ ਵਿਖੇ ਹਰ ਐਤਵਾਰ ਲੱਗਣ ਵਾਲੀ ਕਿਸਾਨ ਮੰਡੀ ਦਾ ਇਸ ਸਾਲ ਦਾ ਆਖਰੀ ਮੇਲਾ ਭਲਕੇ ਐਤਵਾਰ (11 ਅਕਤੂਬਰ) ਨੂੰ ਸਵੇਰੇ 10 ਵਜੇ ਤੋਂ ਦੁਪਹਿਰ 2 ਵਜੇ ਤੱਕ ਲੱਗੇਗਾ। ਇਸ ਮੰਡੀ ਵਿਚ 170 ਤੋਂ ਵੱਧ ਵਿਕਰੇਤਾਵਾਂ ਵਲੋਂ ਤਾਜ਼ੇ ਫਲ, ਸਬਜ਼ੀਆਂ, ਘਰੇਲੂ ਖਾਣ-ਪੀਣ ਦੀਆਂ ਵਸਤਾਂ ਅਤੇ ਹੱਥੀਂ ਤਿਆਰ ਕੀਤੀਆਂ ਕਲਾਤਮਕ ਚੀਜ਼ਾਂ ਵਿਕਰੀ ਲਈ ਰੱਖੀਆਂ ਜਾਣਗੀਆਂ।ਪ੍ਰਬੰਧਕਾਂ ਅਨੁਸਾਰ ਇਹ ਮੰਡੀ ਵਾਈਟ ਰੌਕ ਦੇ ਮੀਰਾਮਾਰ ਵਿਲੇਜ ਅਤੇ ਜੌਹਨਸਟਨ ਰੋਡ ਉਤੇ ਰਸਲ ਐਵੇਨਿਊ ਤੋਂ ਥ੍ਰਿਫਟ ਐਵੇਨਿਊ ਵਿਚਕਾਰ ਲੱਗੇਗੀ ਮੰਡੀ ਵਿਚ ਦਾਖਲਾ ਮੁਫ਼ਤ ਹੋਵੇਗਾ ਅਤੇ ਆਉਣ ਵਾਲੇ ਲੋਕਾਂ ਲਈ ਨੇੜੇ ਵਾਹਨ ਖੜ੍ਹੇ ਕਰਨ ਦੀ ਸਹੂਲਤ ਵੀ ਉਪਲਬਧ ਹੈ। ਜ਼ਿਕਰਯੋਗ ਹੈ ਕਿ ਇਸ ਸਾਲ ਕਿਸਾਨ ਮੰਡੀ ਦੀ ਸ਼ੁਰੂਆਤ 19 ਅਪ੍ਰੈਲ ਨੂੰ ਹੋਈ ਸੀ ਅਤੇ ਲਗਾਤਾਰ ਹਰ ਐਤਵਾਰ ਲੱਗਣ ਤੋਂ ਬਾਅਦ 11 ਅਕਤੂਬਰ ਨੂੰ ਇਸ ਸੀਜ਼ਨ ਦੀ ਸਮਾਪਤੀ ਹੋਵੇਗੀ। ਮੰਡੀ ਵਿਚ ਸਥਾਨਕ ਕਿਸਾਨਾਂ ਵਲੋਂ ਉਗਾਈਆਂ ਸਬਜ਼ੀਆਂ, ਫਲ, ਸ਼ਹਿਦ, ਫੁੱਲ, ਬੇਕਰੀ ਦੀਆਂ ਵਸਤਾਂ, ਸਮੁੰਦਰੀ ਖਾਣ-ਪੀਣ ਦੀਆਂ ਚੀਜ਼ਾਂ ਅਤੇ ਹੋਰ ਘਰੇਲੂ ਉਤਪਾਦ ਖਰੀਦਣ ਦਾ ਮੌਕਾ ਮਿਲੇਗਾ।ਮੰਡੀ ਵਿਚ ਖਰੀਦਦਾਰੀ ਤੋਂ ਇਲਾਵਾ ਸੰਗੀਤਕ ਪੇਸ਼ਕਾਰੀਆਂ ਅਤੇ ਪਰਿਵਾਰਾਂ ਲਈ ਵੱਖ-ਵੱਖ ਸਰਗਰਮੀਆਂ ਵੀ ਇਸ ਦੀ ਖਿੱਚ ਦਾ ਹਿੱਸਾ ਹਨ। ਇੱਥੇ ਬੱਚਿਆਂ ਅਤੇ ਬਜ਼ੁਰਗਾਂ ਸਮੇਤ ਪਰਿਵਾਰਾਂ ਲਈ ਮਿਲਣ-ਜੁਲਣ ਦਾ ਵਧੀਆ ਮਾਹੌਲ ਬਣਿਆ ਰਹਿੰਦਾ ਹੈ।ਜ਼ਿਕਰਯੋਗ ਹੈ ਕਿ ਵਾਈਟ ਰੌਕ ਦੀ ਕਿਸਾਨ ਮੰਡੀ ਸਥਾਨਕ ਖੇਤੀਬਾੜੀ ਅਤੇ ਛੋਟੇ ਕਾਰੋਬਾਰਾਂ ਨੂੰ ਉਤਸ਼ਾਹਿਤ ਕਰਨ ਵਿੱਚ ਮਹੱਤਵਪੂਰਨ ਭੂਮਿਕਾ ਨਿਭਾਉਂਦੀ ਹੈ। ਪ੍ਰਬੰਧਕਾਂ ਵਲੋਂ ਜਾਰੀ ਅੰਕੜਿਆਂ ਅਨੁਸਾਰ ਸਾਲ 2025 ਦੌਰਾਨ ਇਸ ਮੰਡੀ ਵਿੱਚ 1 ਲੱਖ 16 ਹਜ਼ਾਰ ਤੋਂ ਵੱਧ ਲੋਕ ਪਹੁੰਚੇ ਸਨ। ਇਸ ਸਾਲ ਮੰਡੀ ਦਾ ਖੇਤਰ ਵੀ ਵਧਾਇਆ ਗਿਆ ਹੈ ਤਾਂ ਜੋ ਹੋਰ ਵਿਕਰੇਤਾਵਾਂ ਨੂੰ ਆਪਣੀਆਂ ਵਸਤਾਂ ਵੇਚਣ ਦਾ ਮੌਕਾ ਮਿਲ ਸਕੇ।
