ਆਈ.ਆਈ.ਟੀ. ਮਦਰਾਸ ਦੇ ਸਵੈਮ ਪਲੱਸ ਵਲੋਂ ਹਿੰਦੀ ਵਿਚ 'ਏ.ਆਈ. ਫਾਰ ਆਲ' ਕੋਰਸ ਸ਼ੁਰੂ
ਅਜੀਤ ਡੈਸਕ
24-01-2026
ਸਵੈਮ ਪਲੱਸ ਭਾਰਤ ਸਰਕਾਰ ਦੇ ਸਿੱਖਿਆ ਮੰਤਰਾਲੇ ਦੇ ਅਧੀਨ ਆਈ.ਆਈ.ਟੀ. ਮਦਰਾਸ ਦੀ ਇਕ ਪਹਿਲਕਦਮੀ ਹੈ, ਜੋ ਕਿ ਉੱਚ ਗੁਣਵੱਤਾ, ਰੁਜ਼ਗਾਰ ਆਧਾਰਿਤ ਆਨਲਾਈਨ ਸਿਖਲਾਈ ਨੂੰ ਵੱਡੇ ਪੱਧਰ 'ਤੇ ਪ੍ਰਦਾਨ ਕਰਨ ਲਈ ਬਣਾਈ ਗਈ ਹੈ | ਆਈ.ਆਈ.ਟੀ. ਮਦਰਾਸ ਦੇ ਡੀਨ (ਯੋਜਨਾਬੰਦੀ) ਪ੍ਰੋ. ਆਰ. ਸਾਰਥੀ ਨੇ ਕਿਹਾ ਕਿ ਹਿੰਦੀ ਸੰਸਰਣਾਂ ਦੀ ਸ਼ੁਰੂਆਤ ਦੇ ਨਾਲ ਸਾਰੇ ਛੇ 'ਏ.ਆਈ. ਫਾਰ ਆਲ' ਕੋਰਸ ਹੁਣ ਇਕ ਵਿਸ਼ਾਲ ਅਤੇ ਵਧੇਰੇ ਸਿੱਖਣ ਵਾਲੇ ਆਧਾਰ ਲਈ ਪਹੁੰਚਯੋਗ ਹਨ, ਜਿਸ ਵਿਚ ਕਲਾ, ਵਿਗਿਆਨ, ਵਣਜ ਅਤੇ ਸਹਾਇਕ ਵਿਸ਼ਿਆਂ ਦੇ ਵਿਦਿਆਰਥੀ ਅਤੇ ਪੇਸ਼ੇਵਰ ਸ਼ਾਮਿਲ ਹਨ | ਇਹ ਪਹਿਲ ਭਾਸ਼ਾ ਦੀਆਂ ਰੁਕਾਵਟਾਂ ਨੂੰ ਦੂਰ ਕਰਨ ਅਤੇ ਅਕਾਦਮਿਕ ਪਿਛੋਕੜਾਂ ਵਿਚ ਏ.ਆਈ. ਸਿੱਖਿਆ ਵਿਚ ਭਾਗੀਦਾਰੀ ਨੂੰ ਵਧਾਉਣ ਲਈ ਤਿਆਰ ਕੀਤੀ ਗਈ ਹੈ | ਆਈ.ਆਈ.ਟੀ. ਮਦਰਾਸ ਨੇ ਇਸ ਸੰਬੰਧੀ ਇਕ ਪ੍ਰੈੱਸ ਰਿਲੀਜ਼ ਜਾਰੀ ਕੀਤੀ ਹੈ |
