ਦਿੱਲੀ 'ਚ ਬਜ਼ੁਰਗਾਂ ਵਾਸਤੇ ਐਮਰਜੈਂਸੀ ਸਮੇਂ ਲਈ 20 ਐਂਬੂਲੈਂਸ ਦੀਆਂ ਸੇਵਾਵਾਂ ਸ਼ੁਰੂ ਹੋਣਗੀਆਂ

ਅ

ਅਜੀਤ ਡੈਸਕ 18-04-2026

ਨਵੀਂ ਦਿੱਲੀ, 17 ਅਪ੍ਰੈਲ (ਡਾ. ਬਲਵਿੰਦਰ ਸਿੰਘ ਸੋਢੀ)-ਦਿੱਲੀ ਵਿਚ ਰਹਿਣ ਵਾਲੇ ਬਜ਼ੁਰਗਾਂ ਨੂੰ ਐਮਰਜੈਂਸੀ ਸਵਾਸਥ ਸੇਵਾਵਾਂ ਤੁਰੰਤ ਦਿੱਤੀਆਂ ਜਾਣਗੀਆਂ | ਇਸ ਵਿਵਸਥਾ ਲਈ ਦਿੱਲੀ ਸਰਕਾਰ ਜਲਦੀ 20 ਆਧੁਨਿਕ ਐਬੂਲੈਂਸ ਸੇਵਾ ਸ਼ੁਰੂ ਕਰ ਰਹੀ ਹੈ | ਇਨ੍ਹਾਂ ਐਬੂਲੈਂਸਾਂ ਨੂੰ ਵਿਸ਼ੇਸ਼ ਕਰਕੇ ਬਜ਼ੁਰਗਾਂ ਲਈ ਡਿਜ਼ਾਇਨ ਕੀਤਾ ਗਿਆ ਹੈ ਤਾਂ ਕਿ ਉਨ੍ਹਾਂ ਨੂੰ ਕਿਸੇ ਤਰ੍ਹਾਂ ਦੀ ਪ੍ਰੇਸ਼ਾਨੀ ਦਾ ਸਾਹਮਣਾ ਨਾ ਕਰਨਾ ਪਵੇ | ਇਸ ਨਾਲ ਹੀ ਬਜ਼ੁਰਗਾਂ ਦੀ ਹਸਪਤਾਲ ਵਿਚ ਦੇਖਭਾਲ ਵੀ ਸੁਨਿਸਚਿਤ ਕੀਤੀ ਜਾਵੇਗੀ | ਇਨ੍ਹਾਂ ਐਬੂਲੈਂਸਾਂ ਵਿਚ ਆਕਸੀਜਨ ਸਪੋਰਟ, ਦਵਾਈਆਂ ਤੇ ਹੋਰ ਲੋੜੀਂਦਾ ਸਾਮਾਨ ਮੌਜੂਦ ਹੋਵੇਗਾ | ਇਸ ਐਬੂਲੈਂਸ ਵਿਚ ਨਰਸ ਤੇ ਹੋਰ ਸਟਾਫ਼ ਵੀ ਮੌਜੂਦ ਹੋਵੇਗਾ | ਐਬੂਲੈਂਸ ਅੰਦਰ ਅਜਿਹੀ ਵਿਵਸਥਾ ਕੀਤੀ ਗਈ ਹੈ ਕਿ ਚਲਦੀ ਐਬੂਲੈਂਸ 'ਤੇ ਬਜ਼ੁਰਗਾਂ ਨੂੰ ਕੋਈ ਝਟਕਾ ਨਾ ਲੱਗੇ | ਇਸ ਐਬੂਲੈਂਸ ਦੇ ਡਰਾਈਵਰ ਨੂੰ ਵੀ ਟਰੇਨਿੰਗ ਦਿੱਤੀ ਗਈ ਹੈ ਕਿ ਉਹ ਐਬੂਲੈਂਸ ਨੂੰ ਠੀਕ ਢੰਗ ਨਾਲ ਚਲਾਏ | ਹੁਣ ਇਨ੍ਹਾਂ 20 ਹੋਰ ਐਬੂਲੈਂਸ ਦੇ ਜੁੜਨ ਤੇ ਦਿੱਲੀ ਵਿਚ ਐਬੂਲੈਂਸ ਦੀ ਗਿਣਤੀ 35 ਹੋ ਜਾਵੇਗੀ ਅਤੇ ਨਾਲ ਹੀ ਦਿੱਲੀ ਵਿਚ ਐਮਰਜੈਂਸੀ ਸੇਵਾਵਾਂ ਹੋਰ ਬਿਹਤਰ ਹੋ ਜਾਣਗੀਆਂ |

ਪਿਛਲੀ ਖ਼ਬਰ ਦਿੱਲੀ ਪੁਲਿਸ ਨੇ ਲਾਪਤਾ ਹੋਏ 7 ਬੱਚਿਆਂ ਨੂੰ ਕੀਤਾ ਬਰਾਮਦ ਅਗਲੀ ਖ਼ਬਰ ਪੁਲਿਸ ਨੇ ਇਕ ਔਰਤ ਸਮੇਤ ਤਿੰਨ ਲੁਟੇਰਿਆਂ ਨੂੰ ਕੀਤਾ ਕਾਬੂ

ਦਿੱਲੀ 'ਚ ਬਜ਼ੁਰਗਾਂ ਵਾਸਤੇ ਐਮਰਜੈਂਸੀ ਸਮੇਂ ਲਈ 20 ਐਂਬੂਲੈਂਸ ਦੀਆਂ ਸੇਵਾਵਾਂ ਸ਼ੁਰੂ ਹੋਣਗੀਆਂ

ਸੰਬੰਧਿਤ ਖ਼ਬਰਾਂ